جبد من جيبو بواطة فيها سنسلة زوينة ورقيقة وفيها نجمة مرصعة بالألماس و هزهت ولبسهاليها فعنقعا وقال ليها :
گاع نجوم ديال العالم مايسواو والو قدام النجمة ديالي
نجمة بقات كاتشوف فيه واللمعة فعينيها،بتاسمات مدات يديها و زيرات عليه من عنقو و گالت وهي حاطة عينيها فعينيه:حتى أنا كانبغيك
عادل بتاسم ابتسامة عريضة و هزهت وبقا كايدور بيها وهوما كايضحكو وفرحاانين.
نمشيو عند نور لي كانت يلاه رجعات للدار معطلة،دخلات لقات فريد واقف كايتسناها،غير شافها مشا كايجري لعندها وشدها من دراعها وزير عليها:فين كنتي تالهاد الوقت دوييي؟وعلاش ماكاتجاوبيش فالتيليفون شحال عيطت ليك
نور نترات يديها منو: و علاش غانجاوبك؟وشكون نتا بالسلامة أصلا لي تسولني فين كنتي ولا فين جيتي؟
بقات غادة دافعاه و كاضربو لصدرو وهي كاتگول وتعاود:باا؟؟ خوياا؟؟ راجليي،خطيبيي،هااه؟؟ شكون نتاا؟؟
فريد حس براسو تخبط مع الفوتوي شدها من يدها لي كاضربو بيها،ولا رجع شدها من يديهت لوخرا وشاف فيها وهضر بحنان:دابا علاش كاديري هكا؟آآآ؟ ياك گتليك بلي كنت غي مدوز الوقت،أنا كانبقى دري ماشي بحالك نتي بنت تقدر طرا ليك شي حاجة خايبة
نور حيدات يديها من يديه وهي كاتشوف فيه بعينين دامعين وگالت بنبرة حزن:نتا شفتيني واقفة مع دري كايقرا معايا ومسكين كان كايسولني غير على المدرسة ونيتو ماخايباش وشوف شنو درتي فيه،وأنا لي شفت داكشي كاامل شنو بغيتيني ندير؟ولحد الآن مازال مادرتي حتى حاجة لي تبين ليا بلي باغيني وماكاضحكش عليا بحال لوخرين
ومشات وخلاتو واقف وكايشوف قدامو ماعارف شنو يدير معاها
نرجعو عند أيمن وسارة لي كانو دوزو نهار كامل على برا وراجعين فالطوموبيل
سارة:داز نهار زوين،عجبني الحال
أيمن:هادشي لي كنت باغي،وحتى أنا عجبني الحال
جبد 2 كارطونات دبيتزا يلاه خداوهم وحطهم قدامهم وحلهم وهز طريف من البيتزا ديالو ومدو ليها باش يوكلها
سارة:امم،ماكانكلش الفطر،عندي منو حساسية
أيمن رجع الطرف ودار شاف فيها:كيفاش زعما؟
سارة:فاش كاناكلو كاندوخ وكانغيب و كايخصني الأوكسيجين حيت كانتخنق
أيمن:امم الحمد لله لي گلتيهالي،إيوا بعدي عليه قدر الإمكان
سارة:داكشي لي دايرة
أيمن حبس الطوموبيل فجنب الطريق ودار لعندها وحطو البيتزات قدامهم وبداو كاياكلو وكايضحكو ، سالاو هز أيمن دوك الكراطن و حطهم اللور ديال الطوموبيل
سارة:أوو سي أيمن كايحافض على البيئة
أيمن قرب لعندها حتى قاس نيفو مع نيفها وگال:كانحافض حتى على حوايج أخرين
سارة بصوت هادئ:بحالاش
أيمن شاف فشنايفها ورجع شاف فيها:أي حاجة كاتعجبني كانحافض عليها،و منهم نتي
يلاه غايحط شفايفو على شفايفها وهي دور وجهها
أيمن بعد راسو وهو هاز حاجبو
سارة حابسة الضحكة:احمم،راك كليتي الفطر،نخاف نغيب ليك هنا
أيمن بقا كايضحك:ههههه يااك ألالة
سارة:هههه وشنو مانخافش على راسي
أيمن:هههه لهلا يوكل لينا حنا هاد الفطر لي يحرمنا منك
بقاو كايضحكو وديمارا الطوموبيل وزادو
أيمن:آه،بغيت نگوليك واحد الحاجة ونسيت,البنت لي كانت معاك داك النهار،لي شعرها حمر
سارة:امم مالها؟
أيمن:بعدي عليها وردي منها بالك،نعاود نشوفك معاها نقطعليك رجليك
سارة: وعلاش؟ياكما ماباغيهاش تگولي شي حاجة؟
أيمن:كانت كاتبغيني،وجات عتارفات لي كتر من مرة و أنا مابغيتهاش،خاطري ماكايهناش ليها،ها أنا وصيتك،بعدي عليهااا
سارة رتاحت نسبيا ملي ماكدبش عليها:أهاه وعلاش نبعد عليها أنا زعما؟
أيمن:تحسبا لأي حاجة،التيقار حسن،انا مامرتاحش ليها،وزايدون يلاه تعرفتي عليها ساهلة تسلي الشوكة بلا دم
سارة:صافي كون هاني
أيمن ابتاسم وشاف فيها حط يدو على يديها وكملو الطريق،وصلها للدار،سلمات عليه وخرجات،تسناها تا دخلات عاد ديمارا للدار
سارة دخلات مع الباب تلاقاتها الخدامة سلمات عليها وگالت:مادام سارة نحطليك العشا؟
سارة:لا لا تعشيت،شكرا،امم گوليلي،خويا مزال ماجاش؟
الخدامة:لا أمادام مازال ماجاش منين خرج قبيلا
سارة بتاسمات ليها:صافي شكرا،ملي يجي گوليليه راني جيت ومشيت نعست عفاك واخا؟
الخدامة:واخا أ مادام
سارة:آه،وماتبقايش تگوليلي مادام ديما كانگولهاليك
الخدامة بابتسامة:واخا
بادلاتها سارة الابتسامة وطلعات لبيتها خدات دوش خفيف ولبسات عليها وتخشات فبلاصتها ونعسات.
