នាងចាប់កញ្ឆក់កាបូបហើយដើរចេញទៅ ស្រាប់តែសុងហ៊ុនស្រែកឃាត់នាង
« ឈប់សិន »
« អូនជិះតាក់សុីមកតើមែនទេ ? »
រាងស្តើងមិននិយាយតបវិញទេតែនាងងក់ក្បាលតិចៗទាំងមិនចង់ទាំងមុខក្រញ៉ូវខ្ពើមជ្រលក់មាត់រក
សុងហ៊ុនក៏បញ្ជាទៅកូនចៅរបស់គេ
« ឆាប់ទៅបញ្ចេញឡានមក »
« បាទអ្នកប្រុស »
រាងស្តើងមើលមុខគេទាំងឆ្ងល់ហើយអត់មិនបាននាងក៏សួរ
« ឱ្យគេបញ្ចេញឡានធ្វើអី? »
« គឺជូនអូនទៅវិញហ្នឹងហើយ »
« មិនបាច់ទេខ្ញុំអាចទៅវិញខ្លួនឯងបាន មិនបាច់ពិបាកទេ »
« ទៅវិញដោយជិះតាក់សុីហ្នឹងហ្អេស៎? »
« បើមិនឱ្យជិះតាក់សុីឱ្យដើរឬយ៉ាងម៉េច? »
« បើតាមសភាពបែបនេះមិនថាដើរឬជិះតាក់សុីទេ គឺសុទ្ធតែមិនអាចទៅបានទាំងអស់ហ្នឹង »
« ហេតុអី ហេតុអីក៏ថាមិនបាន? »
« បើជិះទៅនឹងត្រូវគេរំលោភតាមផ្លូវមិនខានទេ »
« កុំមើលគេក្នុងផ្លូវអាក្រក់ពេកអី មនុស្សគ្រប់គ្នាមិនមែនសុទ្ធតែអាក្រក់ដូចជាបងនោះទេ »
ស្តាប់នាងនិយាយហើយសុងហ៊ុនមានអារម្មណ៍ស្ពឹកដូចត្រូវគេយកទឹកកកទាំងបាវមកជះចំកណ្តាលមុខឮសូរតែឆាច់! តែគេក៏មិនចាញ់នាងឡើយគេតបទៅនាងវិញ
« អញ្ចឹងចង់សាកមើលដែរទេ មនុស្សស្រីក្មេងខ្ចីអាយុទើបតែ18 មុខមាត់ស្អាតបាតសាច់សខ្ចីល្វក់ សាកមើលទៅថាពួកគេនោះអាក្រក់ដូចបងឬអាក្រក់ជាងបង »
ឮសុងហ៊ុននិយាយហើយរាងស្តើងអត់គិតមិនបាននាងគិតថាគេនិយាយពិតជាត្រូវ ទោះនាងស្អាតឬមិនស្អាតតែខ្លួនជាស្រីបើចេញទៅទាំងសភាពបែបនេះវាពិតជាគ្មានសុវត្ថិភាពឡើយ នាងមិនតបទៅគេវិញទេ នាងដើរទៅជិតដល់ឡានកូនចៅរបស់សុងហ៊ុនបើកទ្វារឱ្យ ហើយនាងក៏ចូលទៅក្នុងឡានតែម្តងដោយមិននិយាយអ្វី សុំរក្សាភាពស្ងៀមស្ងាត់ អត់និយាយអីច្រើនទេ ថាជិះ គឺឡើងយកតែម្តង ឃើញហើយសុងហ៊ុនទប់ចិត្តមិនបានក៏សើចហ៊ឹសបន្តិចហួសចិត្តអស់សំណើចនឹងចរិតកូនក្មេងរបស់នាង រួចគេក៏ចូលទៅក្នុងឡានតាមពីក្រោយនាងដែរ ធ្វើឱ្យរាងស្តើងជ្រួញចិញ្ចើម
YOU ARE READING
My two boyfriends ( Completed )
Roman d'amourរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
