دازو ساعات قليلة والأبطال ديالنا منهم لي ناعس ومنهم لي ماقادرش ينعس،داز الليل وصبح صباح جديد.
مستودع قديم جاي فوسط غابة،مدورينو رجال مسلحين و بأقنعة،وطوموبيل و موطور محطوطين على برا والدنيا خاوية،فداخل المستودع لي كان مضلم وفيه أضواء لي داخلة من شي شراجم تما،كاينة طبلة متوسطة گالسين فيها جوج دالناس مجهولين الهوية
هضرات بصوتها لي مبدلو الكاسك لي دايرة على راسها: أنا جيت،أشمن مهمة هادي؟
الشخص لي كان باين من الكرش لي مدلية وشعو الأبيض بلي كبير فالعمر إلا أن وجهو ماباينش حيت مقنع قال : عندك مهمة كبيرة هاد المرة،بما أنك طلبتي استقالتك،ماغانوافق على الاستقالة حتى تكمل هاد المهمة (كيف العادة موهماه بلي هي ذكر)
نجمة سكتات حيت عارفاه يلا ماوافقش ليها على الاستقالة غادي يبقا تابعها حتى يقتلها ، قالت:واخا،شنو نوع هاد المهمة.
الشخص:الشيطان
نجمة:مالو؟
الشخص:نتا عارف بلي هاد الشخص تاحد ماعارف عليه شي حاجة،ولكن اكتاشفنا مؤخرا أنه هو لي كان كايعاون الزعيم فگاع المهام ديالو ضدنا
نجمة بصدمة:كيفااااش؟
الشخص:كيفما سمعتي
نجمة بلعات ريقها وتمتمات:شنو المطلوب مني دابا؟
الشخص:بغيناك تبيد العشيرة ديالو كاملة،(مد ليها USB)هنا كاينين المعلومات كاملة
نجمة:والشيطان؟
الشخص:الشيطان غاتجيبيو لينا حنا،وديك الساعة غانعطيك حريتك
نجمة:وشنو غاديرو ليه؟
الشخص:هادشي ماعندك فيه دخل،دير المهمة ديالك كيفما هي يلا بغيتي حريتك تجيك
نجمة:فوقاش؟
الشخص:فاش غايقرب الموعد لي غاتبدا فيه غانعيط ليك
ناض الشخص خرح وخلاها حايرة مع أفكارها،ناضت بدلات حوايجها و بدلات الموطور بالطوموبيل وشدات الطريق للشركة
فمكان آخر وبالضبط فالأراضي الروسية،يمنى خارجة من الأوطيل كي العادة وهوما بجوج كايتسناوها برا
رومان:صباح الخير
يمنى:صباح الخير
رومان موجه كلامو ليهم بزوج:اليوم عندكم وجهة مختلفة كليا على الوجهة ديال البارح،اليوم غانمشيو لجزيرة "ديوميدي"،هي جزيرة كاينة فمضيق بيرينغ(bering strait)،وهي جزيرة غريبة ،حيت كاينة جزيرة أخرى أونفاص ليها وحتى هي سميتها ديوميدي،كاتفصل بينيتهم 4 كيلومتر،جزيرة ديوميدي الروسية هي الأكبر،أما الأخرى فآلاسكا،يعني فالولايات المتحدة الأمريكية،والغريب فيها هي أنه بيناتهم 21ساعة بالرغم من أن بيناتهم 4 كيلومتر فقط!بهاد العملية غادي تكون رجعتي للماضي 21 ساعة إيلا سافرتي من جزيرة ديوميدي الروسية لجزيرة ديوميدي الأمريكية.وهادي هي الغرابة لي فيها واليوم ان شاء الله غادي تكون الوجهة ديالنا لتما
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(هاد المعلومات كلها صحيحة وماشي من وحي الخيال⚠️)
سالا هضرتو فوسط الذهول ديال سعد و يمنى ،وبالخصوص يمنى لي ديما فروسيا وماعمرها سمعات بهاد الظاهرة.
سعد لرومان:شحال خاصنا ديال الوقت باش نوصلو؟
رومان:10 ساعات فالطائرة،هادشي علاش فيقتكم اليوم بكري باش يقدكم الوقت وماتوصلوش معطلين،واجدين؟
سعد:أنا واجد
يمنى:حتى أنا واجدة,إمتى غانمشيو؟
رومان:خاص نمشيو للمطار دابا نيت
يمنى:ماكاين لاش،كل واحد فينا عندو طيارتو الخاصة
رومان:إذا خصكم بيلوط روسي
سعد:آه عندك الحق،فين نقدرو نلقاوهم؟
رومان:خليوها عليا،سيرو فين خليتو طياراتكم أنا غادي نجيب ليكم داكشي لي غادي تحتاجوه
