« ហាណាកូន នេះកូនកើតអីហ្នឹង កូនយំមែនទេ នេះមានរឿងអីទៅ កូនឆាប់ប្រាប់ម៉ាក់ភ្លាមមក »
រាងស្តើងឃើញលោកស្រីយូមកសួរទាំងបារម្ភបែបនេះនាងរឹតតែអួលណែនថែមទៀតទឹកភ្នែកដែលនាងខំទប់ព្រោះមិនចង់ឱ្យគាត់ឃើញពេលនេះនាងទប់លែងជាប់ទៀតហើយ វាហូរស្រក់ចុះមកដូចទឹកបាក់ទំនប់អញ្ចឹងដែរ លោកស្រីយូឃើញបែបនេះគាត់កាន់តែបារម្ភថែមទៀត គាត់ដើរទៅកាន់ស្មារាងស្តើងហើយព្យាយាមសួរនាងដោយក្តីបារម្ភយ៉ាងខ្លាំង
« ហាណា កូនកើតអីហ្នឹង ឆាប់ប្រាប់ម៉ាក់ភ្លាមមកថាមានរឿងអី ហេតុអីបានជាកូនយំបែបនេះ នេះតើមិត្តកូនដែលជួបគ្រោះថ្នាក់នោះគេមានរឿងអីតើមែនទេ ឬមួយក៏កូនជួបរឿងអីមិនល្អមក កូនឆាប់ប្រាប់ម៉ាក់មក »
រាងស្តើងនិយាយអីមិនទាន់ចេញទេនាងឱបលោកស្រីយូយ៉ាងណែនហើយយំលើស្មាគាត់សសឹក លោកស្រីយូឃើញនាង បែបនេះគាត់ក៏មិនបង្ខំសួរទៀតដែរ គាត់អង្អែលខ្នងនាងថ្នមៗដើម្បីលួងនាងហើយរងចាំអោយនាងសម្រួលចិត្តហើយនិយាយរឿងគ្រប់យ៉ាងប្រាប់គាត់បាន ។ ពេលគាត់ឃើញនាង រាងសម្រួលអារម្មណ៍បានជាងមុនហើយ លោកស្រីយូក៏ព្យាយាមសួរនាងម្តងទៀត
« សម្រេចថាកូនមានរឿងអីទៅ កូនអាច ប្រាប់ម៉ាក់បានទេ » លោកស្រីយូនិយាយបណ្តើរយកដៃជូតទឹកភ្នែកអោយកូនស្រីបណ្តើរ រាងស្តើងនិយាយទាំងក្តុកក្តួល
« ម៉ាក់ ពេលនេះ មិត្តរបស់កូនពួកគេខឹងកូនហើយ ពួកគេពិតជាលែងចង់ រាប់អានកូនទៀតហើយ ពួកគេស្អប់កូនហើយ » នាងនិយាយទាំងហូរទឹកភ្នែករហាម លោកស្រីយូឃើញហើយ ស្លុតចិត្តអាណិតកូនស្រីខ្លាំងណាស់ គាត់មិនដឹងថាកូនគាត់បានធ្វើអ្វីខុសទៅហេតុអីក៏មានការខឹងសម្បាកើតឡើងអីបែបនេះទៅវិញ លោកស្រីយូក៏សួរនាងបន្ថែមទៀត
« មានរឿងអីកើតឡើងទៅហេតុអីក៏ទៅជាបែបនេះ តើកូនស្រីម៉ាក់បានធ្វើអីខុសចំពោះពួកគេណាស់ណាទៅ ហេតុអីក៏ត្រូវខឹងដល់ថ្នាក់ហ្នឹងដែរ »
រាងស្តើងមិនតបអ្វីទេតែនាងក្រវីក្បាលទាំងទឹកភ្នែកជាសញ្ញាបង្ហាញឱ្យដឹងថានាងមិនចង់និយាយអ្វីទេ លោកស្រីយូឃើញបែបនេះហើយគាត់ក៏លែងសួរតទៅមុខទៀត គាត់ឱបកូនស្រីម្តងទៀតហើយគាត់អង្អែកក្បាលនិងខ្នងនាងថ្នមៗ រួចនិយាយលួងលោមនាង
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
