ពេលស្រម៉ៃរូបភាពទាំងអស់នោះហើយបេះដូងនាងកាន់តែចុកចាប់ខ្លាំងលើសដើម ហើយពេលនេះមិនថាសម្លឹងមើលអ្វីក៏នឹកឃើញតែពួកគេទាំងអស់ លើកនេះនាងឈឺចាប់ខុសពីរាល់ដង នាងដឹងថាម្តងនេះពួកគេពិតជាដាច់ចិត្តពីនាងហើយព្រោះវាជាលើកទីមួយហើយដែលពួកគេបែរខ្នងដើរចេញ ហេតុនេះវាក៏មានន័យថានាងលែងមានឱកាសទៀតហើយ ដោយសារខូចចិត្តពេកនាងយំឡើងខ្សោះលែងមានទឹកភ្នែកឱ្យហូរមកទៀតហើយ នាងនៅដេកលើពូកទាំងគ្មានអារម្មណ៍គ្មានកម្លាំងធ្វើអ្វីឡើយ ។ ដល់ពេលល្ងាច អ្នកស្រីយូអោយគេមកហៅនាងទៅញ៊ាំបាយនាងក៏មិនចុះទៅដែរដោយនាងប្រាប់ពួកគេថានាងមិនឃ្លាន។ ពេលយប់បន្តិច លោកស្រីយូក៏ឡើងយកទឹកដោះគោមកអោយហាណា ពេលឃើញលោកស្រីយូចូលមករាងស្តើងក៏ងើបពីពូកមកទាំងភ្នែកនៅហើមនិងក្រហម លោកស្រីយូឃើញហើយអត់បារម្ភមិនបានឡើយ គាត់ក៏និយាយទៅកាន់នាង
« នេះកូននៅយំទៀតតើមែនទេ ហេតុអីបានជាភ្នែកកូនក្លាយជាបែបនេះ »
រាងស្តើងក៏ប្រញ៉ាប់តបវិញព្រោះមិនចង់ឱ្យគាត់បារម្ភ
« កូនមិនបានយំទេម៉ាក់ ពេលនេះកូនលែងអីហើយ វាប្រហែលមកពីពេលថ្ងៃកូនយំខ្លាំងពេកទើបវានៅក្រហមបែបនេះ តែពេលនេះកូនលែងអីហើយ ម៉ាក់មើលចុះ ពេលនេះកូនសប្បាយចិត្តវិញហើយ »
នាងនិយាយហើយព្យាយាមសើចញញឹមឱ្យលោកស្រីយូបានឃើញថានាងលែងអី ទាំងដែលការពិតក្នុងចិត្តនាងនៅមិនទាន់បានធូរស្បើយបន្តិចឡើយ លោកស្រីយូដឹងថានាងពិតជាកំពុងសម្តែងមិនខានទេតែគាត់ក៏មិនចង់ដេញដោលព្រោះមិនចង់ឱ្យនាងរំលឹកការឈឺចាប់មកទៀតគាត់ក៏សុខចិត្តបិតភ្នែកបិតចិត្តធ្វើដូចជាមិនដឹងមិនឃើញអ្វីទៅចុះ លោកស្រីយូហុចទឹកដោះគោអោយរាងស្តើង
« បានកូនមិនអីគឺល្អហើយ ម៉ាក់ក៏បានសប្បាយចិត្ត នេះទឹកដោះគោ កូនឆាប់ញ៊ាំទៅណា រួចហើយនឹងអាលបានចូលគេង »
« ចា៎ ម៉ាក់ »
ពេលនាងញ៊ាំទឹកដោះគោអស់ហើយលោកស្រីយូក៏ដណ្តប់ភួយឱ្យនាងរួចថើបថ្ងាសនាងយ៉ាងកក់ក្តៅ
« goodnight ណាកូនសម្លាញ់របស់ម៉ាក់ »
« ចា៎ goodnight អ្នកម៉ាក់សំណព្វចិត្តកូន »
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
