සුදු රෝස✅ [Nonfic BL💛💜️]

36. සම්බන්දෙට කැමැත්ත.

"හෙලෝ ආන්ටි.. "

"පුතාලා එන්න ඇතුලට "

හරියටම ඔහේ ගෙවීගෙන ගිය දවස් දෙකකට විතර පස්සේ මමයි අනුධ යි උදෙන්ම ගියේ සාරලගේ ගෙදර. සාරලගේ අම්මයි තාත්තයි අනුධ ට ඒගොල්ලන්ගේ සම්බන්ධ ගැන කතාබහ කර ගන්න දවසක් වෙන් කරලා දීලා තිබ්බා.

මොනවා උනත් සාරා ගෑණු ළමයෙක්. අනික කැම්පස් එකේ ඕනෙම කෙනෙක් දන්නවා සාරාට මීට කලින් සම්බන්ධයක් තිබිලා නෑ කියලා. එහෙව් වෙච්ච කොට කෙල්ලො පිරිවරාගෙන හිටපු මේ අපේ එකා එක්ක පැටලුනහම මොන අම්ම තාත්තද බය නොවෙන්නේ. අනික මේකා ඇමති පුතෙක්. උන් කොහොමත් සෙල්ලක්කාරයි කියලා ඕන කෙනෙක් දන්නවා.

ඒත්.. අනුධ ඊට වඩා වෙනස් කියලා දන්නේ මම. ටිකක් සෙල්ලක්කාරයි තමයි. ඒත් කාගෙවත් ජීවිතයක් සෙල්ලමකට ගන්න කෙනෙක් නෙවෙයි අනුධ කියන්නේ.

කලිනුත් මං කියලා තියෙනවා වගේ ඌ ඇති කරගත්ත එක සම්බන්ධයක්වත් කැම්පස් එකේ නෝට් එකකින් එහාට, coffee shop එකක meetup එකකින් එහාට , මල් පාරේ බෙන්ජ් එකේ අත් පටල ගැනීමකින් එහාට ගිහින් නෑ. කොටින්ම කිව්වොත් අනුධගෙ සම්බන්ධතා හාදුවකින් මෙහා රැඳුනා.

මට මගේ එකා ගැන විශ්වාසයි. ඒ නිසයි මං ඌත් එක්ක මේ ගමන බය නැතුව ආවේ.

අනික මම හොඳටම දන්නවා සාරා ගැන උගෙ හිතේ තියෙන හැගීම දශමයක්වත් බොරුවක් නෙවෙයි කියලා. ඒකට ඇත්තටම අපිට කියන්න පුළුවන් "ආදරේ" කියලා. දැන් මට ඒ හැඟීම අඳුනගන්න ඒ තරම් අමාරු නෑ.

හිතක් කෙනෙක් ගැන ආදරයෙන් පිරුණ මනුස්සයෙක්ට ඒක වෙන් කරලා අඳුනගන්න බැරි වෙන්නේ කොහොමද?

සාරාගේ අම්මගේ අවසරයෙන් මායි අනුධයි ගිහිල්ලා සාලෙ තිබ්බ සෙටියෙන් වාඩිවුණා.

ඩීන් කාරයාගේ මිනිබිරි වුණාට එයාලගේ පවුලේ කවුරුත් අපිට වෙනසක් පෙන්නුවේ නැහැ. කෙනෙක් සාමාන්‍යයෙන් කෙනෙක්ව මුලින්ම අඳුන ගන්නේ කොහොමද.. ඒ විදිහට සාමාන්‍ය විදිහට අපේ කතාබහ ගලාගෙන ගියා.

"තාත්තා (ඩීන්) කිව්වා පුතා ටිකක් සෙල්ලක්කාරයි , ස්ටඩිස් පැත්තෙන් දක්ෂයි කියලා. සාරාත් පුතා ගැන අපිට සෑහෙන දේවල් කිව්වා. එයා නම් ඔයා ගැන හුඟක් පැහැදීමෙන් ඉන්නේ. ඒ නිසයි අපි තීරණය කරේ පුතත් එක්ක මේ ගැන ටිකක් කතා කරන්න. දැන් ඔයගොල්ලෝ ඉන්නේ අපිට සම්බන්ධයකට එපා කියන්න ඕන වෙන වයසක නෙවෙයි කියලා මම දන්නවා. ඒ නිසා අපේ විරුද්ධත්වයක් නැහැ. ඒත් අපිට පුළුවන්ද පුතා ගැන අපේ විශ්වාසය සීයට සීයක් තියන්න. පුතා දන්නවනේ අපිට දරුවෙක්ට කියලා ඉන්නෙ සාරා විතරයි"