كل الامان في حُبك وكل الاماني قربك

B 37

~ التكمله ~
اشتعلت النيران بـ داخله وهو يشوفه يضمها ، و يبوس راسها بـِحُب ، ماسك الفنجان بقوه لين كسره بدون م يحس
سعود بصدمه : خللففف ي الوسخخ يدك !!
خلف ناظر يده الي تنزف و قال سعود : والله ولعبت فيك الغيره ي خليف خالها ترا !
خلف : ها ؟ من قال اني غرت هالحين م حسيت بنفسي
سعود : ايه ايه ، قم قدامي لف على يدك حيوان وربي !
شد خلف على يده الي كانت تنزف بقوه و انسحب بهدوء وراء سعود للـ داخل يضمد جرحهه
-
بـ الحوش
ام عامر : زيداانن ياحبيب اختك تو م نور ال بيت !
ابتسم زايد بِحُب : نفداس والله ، شخباركم
ام عامر : بخير والله رح ذاك الصوب العيال مناك
زايد : لا والله رايح جيت اسلم بس مستعجل
ام عامر : ايه زين
زايد : بيان بتقدرين تجيبين لي سيف ؟
ضحكت وقالت : نايم وربي
زايد ضحك وقال : لنا لقاء عند اهلي هاه لا اصيدس
بيان : ابشر من عييوني
انسحب بيان للجلسه عند البنات و زايد طلع يكمل شغله
~ عند البنات جالسين ~
ود : نبي نشرب شي !
ديم : تكفين كلنا نفسنا منسده من جت روضه
الجوهره : اقول ود مشينا مشينا للـ مطبخ نجيب لنا شي
ود : تمم
تقدموا ود و الجوهره وهم يضحكون للـ داخل و ناويين على مقلب يسوونه ف البنات ، مشوا بهدوء من حسوا بتواجد سعود و خلف ، ود : جوجو وقفي شوي !
الجوهره بهمس : شتبين فيهم امشييي
ود : اصبري علامه خلف ؟
الجوهره وهي تحاول تلمحهم : اي بالله اصبري لايكون صار شي بعيد الشر ؟
ود فتحت عيونها من شافت ثوب خلف الي عليه دم خفيف : يويل امي شذا الي على ثوبه
الجوهره وهي تكتم ضحكتها من صدمة ود : ود تكفين امشي مالنا دخل
ود : وقسم م امشي روحي انتي
مشت الجوهره للـ مطبخ و ود الي مكمله تراقب و ودها تعرف شصار ، خرجت الجوهره ومعاها الشاي : ود هذاني رايحه
ود : اسبقيني جايه
طلعت الجوهره وهي ماسكه الشاي حطته و جلست
نيلان : و خيتي وين ؟
ضحكت وقالت : تراقب مب فاضيه
ضحكت بيان وقالت : تراقب من ؟
الجوهره بتوتر : اقول صبوا الشاي
-
عند خلف و سعود
ضحك خلف من شاف حالة سعود وهو خايف عليه : سعيدان ياعين اخوك شفيك والله م صار شي
سعود : اقول ولا حرف اص
زفر بهدوء و ابتسم يغني : وينه سعود القلب ؟ دام انتَ لاهي
ابتسم سعود بِحُب وهو يفضل ذا الجزء و ذي الاغنيه و يحب يسمعها من خلف : فـ قلبك !
ضحك خلف وقال : اي بالله انه فقلبي !
سعود : يحبيبي انت .
خلف : خلاص خلصنا ؟ مشينا برا
سعود : وان سألك احد قل سعود جرحني بـ الغلط
ضحك وقال : افا سعيدان يجرحني !
سعود : اقول امش بس
تقدموا يطلعون لـ برا و كانوا البنات مقابلينهم بضبط ، ناظرها خلف وهو يسترجع خالها الي ضمها ، صد يستغفر و مشى للعيال
~
نيلان : بياني ، شفيها يد خلف
بيان بتعجب : شفيها ؟
نيلان : اشوفها ملفوف عليها ؟
ضحكت بيان وقالت : شكلتس تتوهمين م فيها شي قبل لا اجيكم شفته م فيه شي
نيلان بعدم اهميه : يمكن ، م علينا
نجد : بنات تكفون احد شاف سالم ؟
بيان : شتبين فيه
نجد : ابغى اكلِمُه
نيلان : انا اقول اهجدي تبين تجلطين الولد وشو
نجد : بسم الله عليه ، بس أبغاه يعرف يعني بجلس اخبي عليه ولا ايش ؟ جوهره انتي علميني ايش كانت ردة فعله يوم عرف انك انخطبتي ل غيره ؟
الجوهره وهي تتذكر الماضي : نجد والله انه زعل علي مره ليومتس هذا م يحط عينه بعيني ابدا و علاقته زينه مع ذياب الحمد لله بس قسم بالله كرهني من قلبه
بيان ضحكت وقالت : الصراحه الكل ملاحظ
نجد : يربي بنات يعني الحل ايش !
نيلان : شوفي انتي تبين تكلميه كيفتس كلميه بس تقبلي الأمر الواقع
نجد اخذت شهيق و زفرت : زين زين بكلمه دحين !
بيان : الله يستر
اخذت نجد جوالها تدق عليه و اخذ وقت لين رد عليها
نجد بهدوء : سالم
سالم بـ تعجب : اسلمي ؟
نجد : ابغى اكلمك تعال لل داخل شوي
سالم : جاي زين
قفلت وقالت : يمه بنات دقايق و حجيكم
بيان : زين يلا
مشت مسرعه لـ الصاله داخل قعدت ب الكرسي على اعصابها ، لمحت سالم الي داخل وهو مستانس و يضحك مع صالح ، دخل و قعد قدامها وقال : ايه شصار عسى م شر ان شاء الله ؟
نجد بتوتر : سالم حقولك شي بس
سالم بلع ريقه بهدوء وقال : ايه وشو
نجد : تقدم لي واحد من طرف جدتي وانا استخرت و ارتح..
فتح سالم ازرار ثوبه من حس ب الدنيا حر و كتمه : ايه و بعدين ؟
نجد : وانا حـ..وافق
وقف وقال : زين ، مبروك و الله يتمم لس على خير .
طلع سالم و قعدت نجد مصدومه من ردة فعله طلعت وقالت : بنات حموت
الجوهره : شصار
نجد : يمه بنات والله ملامح وجهه تغيرت دخل وهو يضحك طلع و روحه طالعه
بيان : خلاص زين خليه يربي منس ي نجد
~
عند سالم الي طلع من الصاله وحس الدنيا جالسه تدور عليه انسند على الجدار وهو ياخذ شهيق و يزفر ، حس بـ كتمه ف صدره مو قادر يطلعها ، ناظر للـ سماء وقال : ليه ليه ؟
صادف وليد الي جاء لـ عنده : سلوم ؟ شعندك هنا
سالم : جب لي ماء
وليد بصوت عالي : عبدالرحمن جب ماء بسرعه
سالم : وليد وليد
وليد بصدمه وهو يشوف سالم الي معاد فيه توازن : ولد شبلاك بسم الله عليك
سالم : ولييـ..د
شهق وليد برعب من طاح سالم عليه نطق بصوت عالي : سلووومم سالمم
أخذه وليد لـ المجلس الخلفي الي كان فاضي و مافيه احد عليه
و عبدالرحمن وراءه ، سحب وليد الماء و رش عليه بهدوء : سلووم نفداك شفيييك
عبدالرحمن : الله يستر
وليد برعب : امشش امش افتح السياره ولا تعلم احدد
عبدالرحمن : خلاص زيين
~
و عند العيال بـ الحوش
سعود : خليف يدك تعورك ؟
ضحك خلف وقال : قسم بالله م تعورني
صقر : قليل الادب م يعلمنا كلشي مع سعود
خلف : عضيدي ذا ! اكيد كلشي معاه
ابتسم سعود وهو يسمعه : ي بعد حيي و ميتي
غيث : اقول دخلنا كرت العائلة يعني ؟
نادر : وغصب عنه بعد
سعود : غيث دخل بس نادر داخل واسطه انت
غيث ضحك وقال : لو سمحت ! قلنا انك عضيد الخلف بس ذا عضيدي بعد معاي وين م كنت
نادر ضحك وهو يحس ب الفخر : جعلني م خلاا منكك
خلف : اف بس نسيتني يعني
غيث : وانت عندك سعيدان شتبي فيني
صقر : مع نفسكم كلكم ، م تلقون مثل حمود !
ضحك محمد وقال : اووف صقيرر لبى عينك
صقر : لباك نفداك
سعود : عجيب الباقي مختفيين
خلف : سلوم وينه ماله حس
دخل عليهم صالح وقال : اي بالله كان ب الصاله و اختفى ؟
خلف : عجيب والله دق عليه و سعود شف فهد و وليد وينهم م شفتهم ابد اليوم
صقر : وليد شفته من شوي مع عبدالرحمن بس فهد ماله حس ابدا
سعود : طيب شف سعد اخو ريهام اسأله عن فهد وانا بشوف الباقي وينهم
خلف : مشينا
~
ف بيت ابو سعد
ف المجلس جالسين ريهام و فهد ، ريهام الي تفكر بـ البنات و شوقها لهم ، و فهد الي جالس على جواله يفرفر فيه
ريهام ب عصبيه : فهيد !
فز لها و قال : يادنياه
ريهام : يعني ع الاقل خلني اكمل عصبيتي
ضحك وقال : اسلمي
ريهام : سولف معاي ياخي وربي بصيح من الطفش
فهد : اقول مشينا لعند اهلي
ريهام : صدق ؟
فهد : ايه صدق يسألون عنتس هناك و يسألون عني
ريهام : يوه وانا ابلشتك عندي
ناظرها فهد وقال : ابلشتيني ؟ ابلشيني جعل م يبلشني غيرتس بس !
ريهام بحنيه : اجل بجهز
ضحك وقال : يلا زين
طلعت ريهام تتجهز و فهد الي قاعد مع << لينا >>
~
¦ و بـ المستشفى تحديدا ¦
منتظرين الدكتور يطلع و يطمنهم على سالم ، وليد زفر ب عصبيه وقال : الحين ليه صار فيه كذا ؟ متهاوش مع احد ذا ولا ويش
عبدالرحمن : وليد اعقل ! لا يشوفك سلوم كذا والله يزعل عليك اهجد
قاطعهم خروج الدكتور و قال : اول شي الحمد لله على السلامه
وليد : الله يسلمك ، بشر ؟
الدكتور : مافيه احد كبير يصير له ! معقوله انتم بس
عبدالرحمن بتوتر قال : مشغولين الاهل انت الحين قل
الدكتور ابتسم بهدوء وقال : م فيه الا العافيه ان شاء الله و هذا شي طبيعي جدا يغمى على اي شخص لا تخافون بنكتب له كم علاج و عاد لازم يلتزم فيهم ، و الظاهر انه متضايق لا تزعلونه
ضحك وليد وقال : م عليك ابد
الدكتور : تفضلوا تقدرون تدخلون له
انسحب الدكتور بهدوء و دخلوا وليد و عبدالرحمن ل سالم ، نط وليد ل عنده ب السرير وقال : سلوم ! شفيك من مزعلك شصار ليه محنا داريين عن شي
سالم وهو يستغبي عليهم : م فيه شي محد مزعلني ؟
عبدالرحمن : كككذاااب ونصص
ضحك وهو يدري انهم قافطينه كذا ولا كذا : تكفون دقوا على صالح ابيه
وليد : بنطلع الحين ، بعدين يويلنا سيارة سعود معاي امش بسرعه
فز سالم على جواله الي يدق و توتر من شاف اسم ( سعود اخوي ) ضحك وقال : عمره طويل !
فتح سالم الاتصال و دقايق من وصله صوت سعود وقال : هلا سعيدان عسى م شر ؟
سعود : لا بالله ؟ ويينكم انتمم
سالم : جاايين هالحين يولد انت بعد لا تعلم احد اننا برا
سعود : سالم ؟ صوتك شبلاه كذا
سالم بتوتر : ها ؟ م فيه شي صوتي تتخيل انت ولا وشو
سعود بعدم اهميه : شورك ف البيت اخلصوا هالحين و تعالوا بسرعه !
سالم : زين زين
طلعوا يركبون للسياره و اتجهوا طيران للـ سياره
~
فـ الشركه تحديداََ
لؤي : والله لو اننا رايحين مع العيال ابرك من القعده كذا
مُلهم : الصراحه صادق
احمد : نروح لهممم
مسعود : اهجد اهجد ندرعم عليهم فجأه كذا
احمد : خير ان شاء الله ليه يروحون هم الاربعه بدوننا
مسعود : ي ورع غيث خطبته و خلف اهله و ذياب من جماعتهم يعني كلهم لازم يكونوا موجودين و نادر دخل واسطه معهم شنسوي فيه
لؤي : جاني النوم
احمد : شرايكم نطلع بس
شهق مسعود وقال : تخيلوا نطلع و نترك الشركه بدون احد فوقها يلا بس اذلف مانيب رايح مكان
ضحك مُلهم وقال : انا مع مسعود
احمد : زين اقعدوا انتم حن رايحين نلف لفه و نجيكم
مسعود : يويلك تعلم غيثو
ضحك مُلهم وقال : آدم بيعلم مو حنا
مسعود : شوره معاي
انفجروا ضحك و كملوا الباقي شغلهم و الي طلعوا .
~
ف بيت ابو سلطان ، وصلوا سالم و وليد و عبدالرحمن صفوا السياره بصوب و نزلوا ، دخلوا بهدوء و طلع سالم لغرفته يرتاح و وليد و عبدالرحمن لعند العيال ، وقف خلف و سحب وليد على جمب : اقول شصار ؟
وليد بتوتر : وشو
خلف بـِ نبره حاده : اخلص علي ! شبلاكم
نط فلاح و قال : ويينن سلومم !!
وليد : اطلع له يسأل عنك من شوي
فلاح : تم
خلف : ايه شصار ؟
وليد : اعلمك بس لا تعلم احد تكفى
خلف : اسلم
وليد شرح كلشي ب التفاصيل ، فتح خلف عيونه بصدمه وقال : وانا اقول وينه ماله حس من اليوم !
وليد : الشكوى لله
خلف : و تدري ليه ذا كله
وليد : لا والله الولد صامل م يبي يقول لنا شي
خلف : انا متأكد انه بيعلم فلاح
وليد : ايه اكيد هو ب المستشفى قاعد يقول ابي فلاح
خلف : ايه زين انت رح الحين و اهبد لك اي عذر جاي لك انا
وليد : زين
~
فـ غرفة سالم ، طق فلاح الباب وقال سالم : من ؟
فلاح : سويلم اناا فلاح
نط سالم و فتح الباب : جابك الله
فلاح : سالم وينك اختفيت ؟ شصار من ساعتين ادور عليك م لقيتك
قعد سالم على الكرسي و واضح على وجهه الحُزن وقال : م قلت لك انه بيصير شي ؟
فلاح : ي ساتر وش صار
سالم : نجد
فلاح : شفيها ؟
سالم : تقول خطبها واحد وهي تبي توافق ، تبي توافق قالتها ف وجهي ! م تبيني هي ، ليه تكذب علي طيب
قرب فلاح و مسك يده وقال : وش بتسوي يعني الحين ؟ بتقعد تلوم نفسك خلها الله يتمم لها على خير و كل ذا خيره يولد استهدي بالله
سالم بـ غصه : فلوح والله مقدر ! تعلقني فيها و تروح وشهو ذا لعبه ولا تحدي
فلاح : تقدر وتقدر قم غسل وجهك و انزل خذ لك شي تاكله ثم تشرب علاجك و تنام بسرعه
سالم : مابي اكل هالحين النفسيه منسده
فلاح ب عصبيه : سلوم !! امش قدامي بسرعههه
سالم : يوه زين زين جايك
فلاح : يلا يخوك
~
عند بيان الي كانت متنرفزه و اعصابها فل ، لمحت خلف وهو داخل للمطبخ و فتحت عيونها بصدمه من لمحت يده الي الكل يتكلم عنها وهي تحسبهم يمزحون ، مشت وراه بسرعه و دخلت للمطبخ وقالت بصدمه : خليييف !
فز وقال : بسم الله متى جيتي
بيان : خلف يدك شفيها ؟؟ وليه انا اخر من يعلم !
خلف زفر وقال : م فيها شي جرح بسيط
بيان : من ويش !
خلف : سعود جرحني بدون م يقصد
بيان مسكت يده بهدوء وقالت : زين تعورك ؟
ابتسم وهو يشوف اهتمامها له وقال : لا نفداس
بيان : يوهه قلبي طاح ، الكل يقول يد خلف و يد خلف وانا احسب يمزحون ياخي
ضحك يضمها وقال : ياعيون السيف و قلب الخلف ، م فيني شي لا تخافين
ابتسمت بحنيه وقالت : ايه زين ، بطلع لعند سيوف
خلف : طيب
~
عند العيال
قام غيث يتجهه للمطبخ ياخذ له ماء ، ابتسم من لمح اميره الي تضحك ، انحنى يتكي على الجدار و يتأمل ضحكتها ، جمالها ، روحها الجميله ، ابتسم وقال : يجعلني م افقد هالضحكه بس .
فز من جاء سعود من وراءه يضحك : اوبباا غيث طاح ومحد سم عليه
ضحك بـ احراج وقال : والله اني طحت ! خذت قلبي هالبنت ي سعود
ضربه سعود على كتفه وقال : أثقل بس و امشي للمطبخ معاي
غيث ضحك وقال : مشينا بس
~
يُتبع
-
( ارحبوا ي شيّوخ قلبي شحالكم عساكم بخير وصحة وسلامة ، قراءه ممتعه ، شدوا دعمكم ي حلويني عشان نكمل مع بعض 💗. )