انتقـام المتمرد"لثـلاث جروح"

الجـرح الثامن

«بسِم آلَلَهّ آلرحمن آلرحيم»

#انتقام المتمرد"لثلاث جروح"
      بقلمي: زهـره الشهيـد

"" "" "" "" "" "" "" "" ""
 تحنّن
دوس
فوگ الروح
وأحسبها عَلَي مِنه
أطگّنْ ورد
من تجزي
وألف نّمام .. يتحنّه
بترف جدميك أطيرن فوگ
فوگ الفوگ ...
اكتّنْ عل الورد
مِزنه
من أشوفك
أنذر النجمات ترجيه لسوالفنه
ووديلك هوى شگابين
وتردني بطرگ ونّه

"" "" "" "" "" "" ""

خيال: وكع  واني وكعت ويا ابتعدت عنه صرت بغير عالم ليش ضربته شسوه وضربته مجان لازم اضربه انتبهت من ناصر واكف فوك راسه ويصيح يجون ويا يشيلونه كمت ابفزع لزمت ايد بيدر وابجي وناصر عيونه تريد تاكلني بس مهتميت
بقيت ابجي واحس كلبي حيموت من شهكتي
بيدر يباوع علينه بس فاقد عيونه يداورن علينه بس ميكدر يحجي

ناصر: تعالوو وياي شبيكم صافنين

خيال: بيدر الله عليك كوم
قابلني بنضرات لا شعورياً تخليني احس بالذنب متت بودي الزم نفسي واكسر اعضامي كسر ع السويته
اجو الممرضين يركضون علي شالو ويه ناصر ورحت اركض وراهم حطو ع السديه انطو ابر وبلشو بالتعقيم
الدكتور حاجه ناصر  ويأشر عليه اجه ناصر متجه عليه جرني وطلعنه وكل هذا واني احس روحي طفل مسوي فد شي وخايف بس مو من احد من بيدر خايفه ليفهم غلط

خيال: بيدر شبيه بطنه

ناصر: عمليه زائده سويناله قبل اسبوع

خيال: ليش مندري

ناصر بنتر : جنتو حايرين بخطوبتج

خيال: لتنسى اني معتبرتك اخوي لتجاوز وياي هيج وتبرر مواقف مفاهم معناها

ناصر: شنو افهم واخوي جوه بسببج!!

خيال: اني شلي علاقه هاا؟
اني شنو موقعي بهاي الخبصه كلياتهة؟؟

ناصر: اسكتي خيال كلبي موجر لا اجفص بحجايه وتزعلين مني

خيال: اصلا حجيك يوحي شنو بالك لتفكر
يلا مع السلامه
مشيت اول خطوتين سمعته حجه

ناصر: لو تعرفين حب بيدر الج متصرفتي هيج خيل

خيال: وان كان هذا الموضوع يبقى بيني وبينه ماكو شي الكم يمنه ناصرر

ناصر: صار لزعلين منه

خيال: اصلا وضعه ميسمح من يكعد صيحلي

ناصر: صار

خيال: رحت الصفاء واني ماعرف راسي مبند من الدوخه انسطرت سطر
بقيت امشي خطوه وارجع خطوه وصلت الغرفته ابتسمت وكعدت
صفاووي

صفاء: شبيج اتخربطتي

خيال:ماڪو شي بس استعجل بكعدتك تعبت وياك فوك تعبي كوم اسندني