صبح صباح جديد بأحداث جديدة،فاقت البطلة ديالنا كيف العادة على صوت آذان الفجر،ناضت خدات دوش خفيف و خرجات صلات ولبسات عليها،كانت نايضة ناشطة وكلها حيوية،مشات كاتقلب فبلاكارها على شي حاجة زوينة تلبسها،وفنفس الوقت تكون دافية حيت الجو بارد،بقات كاتقلب فالأخير جبدات كسوة كحلة بعنق طلع وجاية مزيرة عليها وطويلة،لبسات معاها گاط فالباج،ومونطو فنفس اللون،خلات شعرها على راحتو مطلوق ولبسات طربوش فالباج حتى هو أنيق،وهزات ساكها والحوايج لي غاتبدل بيهم ونزلات ركبات فطوموبيلتها و وصات الحارس باش من بعد ساعة يديلها الموطور فالبلاصة لي مولفين وكسيرات وقصدات الشركة نيشان.
نمشيو عند أيمن لي كان فالجامعة هوم وصحابو و كايضحكو بيناتهم.
صديق أيمن 1 : هههه هي گولينا غادي تدخل لقفص الزوجية ههه
صديق أيمن 2:واييه أصاحبي شكون كان يگول بلي أيمن غادي يتزوج وهو حس البنات ماكانش كايدور بيه
صديق أيمن 1:واييه أصاحبي كيفاش بلانك علاش هي بالضبط
أيمن:واخوتي نعاودهاليكم كي الخرافة هههه،سارة هي حب الطفولة لي كنت گلت ليكم عليه،إيوااا وربي جمعنا هادا ما كان
الأصدقاء بجوج:أووووه
الصديق 2:بنادم غايدي حب طفولتو
الصديق 1:أجي نگولك ماعندهاش شي ختها ولا بنت خالتها نديرو عرس واحد ههه
أيمن:هههه بقا لاصق ليا غا ف ك_ري نتا
الصديق 1:ههه تا مالك أصاحبي نديرو عرس واحد مجموعين
أيمن:هههههه دابا نسولها ليك غا بقا مرتاح مزيانة
كاملين بقاو كايضحكو ،شوية جات لعندو واحد البنت كايشوفها مع سارة وهي كاتجري ومخطوف فيها اللون وكاتنهج
البنت:خويا أيمن عتق،عتق سارة ماعرفناش مالها
أيمن ناض مخلوع وبقا كايغوت عليها:مالها شنو واقع،ياك عاد دابا خليتها معاكم وجيت كانت بيخيير اش طراا؟؟؟
البنت:ناعرفتش ا خويا كنا گالسين مجموعين كاناكلو تا شوية بدات كاتخنق و وجهها ولا حمر وطاحت سخفات
أيمن مشا كايجري جيهتها والبنت تبعاتو تاهي كاتجري،مشا لقاهم حاطينها فالفوتوي ديال الكافيتيريا وعرام مجموعين عليها دراري وبنات،زاد عصبو البلان دخل فيهم كاملين ومشا عندها كايحاول يفيق فيها و وااالو،بااردة كي التلج وصفرة،قلبو قرب يخرج من بلاصتو فاش شافها فديك الحالة وخاف عليها بزاف،جات الإسعاف كانو عيطو ليها قبل مايجي،هزوها دخلوها ودخل معاها هو وصاحبتها ومشاو ديريكت للطبيب.ماهي إلا دقائق كانو وصلو،نزلو ودخلوها الممرضات نيشان للمستعجلات وعلقو ليها سيروم ودارو ليها أوكسيجين،أيمن والبنت صاحبتها باقيين كايتسناو برا،شوية جا الطبيب ودخل عندها باش يشوفها،شوية ولا خرج،أيمن غير شافو ناض عندو مخلوع وكلو كايرجف،لا هو لا البنت لي معاه
