نمشيو عند فريد لي كان وصل عند نور لليسي،خرجات سلمات عليه وركبات موراه وشدو الطريق للدار.
وصلو،دخلو للدار وهوما كايهضرو ويضحكو،طلعو لبيوتهم.
نور دخلات دوشات وخرجات لاوية عليها فوطة وشعرها الطويل كايقطر،وفخاضها بويض كايشعلو باينين،وقفات قدام المراية كاتنشف شعرها،شوية شافتو موراها فالمراية واقف مربع يديه وكايطلع ويهبط فيها،ماحساتش بيه ملي دخل كان صوت سوشوار عالي،طفاتو وحطاتو ودارت عندو بزربة وهي شادة فالفوطة باش ماطيحش ليها.
فريد:ههه مناش خايفة؟
نور بتوتر:أ أ أنا؟؟ ماخايفاش،علاش غانخاف،هه
فريد قرب لعندها حتى كالاها مع البلاكار وقرب وجهو لوجها حتى تقاص نيفو مع نيفها،شدها من خصرها وزير عليها وجرها لعندو حتى تلاصقات معاه،طبع بوسة خفيفة على شنايفها وهمس ليها
فريد:ماحدك واقفة قدامي ماغانقدرش نصبر،دخلي لبسي حوايجك حسن ماغايطرا داكشي مناش خايفة.
ورجع طبع قبلة اخرى فحنكها ورخى منها وهي مشات كاتجري لفين كاتبدل حوايجها.
فريد بقا كاينش على راسو وكايسوط بالجهد طلعات معاه السخانة ولكن مابينش،شرب كاس د لما وگلس كايتسناها حتى تخرج.خرجات بعد ما لبسات حوايجها وگلسات حداه
فريد:احمم..جيت بغيت ندوي معاك فواحد الموضوع
نور:اه گول كانسمعك
فريد:مابغيتش نبقاو مخبيين بلي كانبغيو بعضياتنا بحاليلا كانسرقو،الحب عمرو ماكان عيب ولا حرام.
نور:عندك الحق،ولكن غادي يگولو لينا بلي حنا مزالين صغار،ماغايتقبلوناش
فريد:ماتخافيش ماغادي يگولو والو،أكيد غايتفهمونا حيت حتى هوما كايبغيو
نور تنهدات:واخا،أنا نگولها لختي ونتا گولها لأيمن واخا؟
فريد ابتاسم وجرها لعندو وعنقها وحتى هي نفس الشيء
ننتاقلو عند يمنى وسعد لي كانو وصلو للجزيرة و دخلو للمنتجع لي تما كايرتاحو بينما وصل رومان،دازو ساعات ومزال ماجاش،قنطو وبغاو يخرجو يكتاشفو المنطقة.
خرجو بزوج فدقة وحدة من الغرف ديالهم لي كانت قبالة بعضياتها،كانو ماشافوش بعضياتهم ملي وصلو
يمنى: السلام
سعد:لاباس
يمنى:احم،الحمد لله
وتمات غادية،مشات وخلاتو واقف مسمر بلاصتو.حرك راسو بلا حول وغادي يهبط يتبعها،كان أوطيل فخم فوسط الجزيرة وفيه بزاف دالناس على برا.خرج دور راسو غادي تبانليه غادية خارجة من المنتجع،تبعها بلا ماتحس وبقا غادي متتبع خطواتها:خرجات باش غادي يبانليها البحر قرييب ليها،مشات كاتجري وهو بقا غير كايشوف فيها،وصلات للبحر لي كان خاااوي حيدات صندالتها وبقات كاتجري فجنب البحر وكاتلعب بالما وهو غير حاضيها وكايشوف فيها،شوية دخلات للبحر وفزگات،لصقات عليها الكسوة وبزات تفاصيل جسمها،بقا كايشوف فيها مبتاااسم،يلاه غايخطو الخطوة اللولة شاف راجل ببنية هزيلة وشعر مايل للحمورية،داير بيرسينغ فوجهو كامل،ولحمو كامل موشوم،غير شافو قاصدها،شد على قبضة يديه وعض على سنانو بغضب،وتم غادي جيهتهم بحال شي ثور هايج،
