حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 20 -

صورت ريماس بجوالها لصديقاتها في الديرة القديمة ، وآسيا بدأت تتمكيج وتترتب لعرس أخت صديقتها ..

مكيجت نفسها واستشورت شعرها وخلصت وطلعت أقل ما يقال عنها غزاله !! فوق جمالها الطبيعي زادها المكياج جمال وأنوثه وفستانها الأسود المرصع بحبات لولو صغيرة متفرقه وعلى راسها حاطة طوق لولو أبيض بعد وشعرها الويفي الخفيف منسدل على ظهرها العاري من ورا !! حرفيًا كانت ملاك يمشي عالأرض لدرجة انبهار ريماس منها ومن جمالها ..

تصوروا ريماس وآسيا مع بعضهم واستانسوا وهم يصورون في هلأغاني وفي هالترندات إلى أن راحت ريماس تدق على السايق لحتى ياخذهم ..

رجعت ريماس لآسيا وجهها عابس .. قلقت آسيا وفز قلبها لا يكون صار شي .. وفي بالها توقعات لا تخطر على البال بسبب المسلسلات الكثيرة والمتنوعة اللي تتابعها مثل هل هربت العروس ؟! هل زوجها فسخ الزواج ؟! وغيرها وغيرها من هلتوقعات الغبية لكن ريماس قطعت تفكيراتها وهي تقول ..

ريماس: تخيلي السواق مهوب في

آسيا : ( باستغراب) وش يعني ؟!

ريماس: يقول السايق ان أخوي أرسله لقاعة العرس بالرجال لحتى يجهز وينقل المويه وغيرها من التجهيزات

آسيا : وش الحل ذا الحين ؟!

ريماس: بدق عليه

آسيا : تدقين لمن ؟!

ريماس: عايض

آسيا : ( بنبرة شوي فيها صراخ ) : لاااااا وين وأنا متبرجة ومتزينة زي كذا وتبيني اطلع في وجهه ؟!

ريماس: البسي عباتك طيب ترا ضروري وهو ما رح ينتبه عليك أصلًا مشغول بالمعازيم وغيرها

آسيا : ريماس مافي غير عايض ؟!

ريماس: لييه هو شسوى عايض ؟!

آسيا : ولا شي بس ..

ريماس: بلا بس بلا خرابيط ترا تأخرنا وأنا الحين بدق

سكتت آسيا واستسلمت أمام قرار ريماس اللي أخذت جوالها ودقت فيه على عايض ومن خلال ملامح ريماس العابسة اللي تحولت للسعيدة عرفت آسيا ان عايض هو اللي بياخذهم لقاعة العرس ..

ريماس: هااه آسيا يالله البسي عباتك عايض في الطريق

.................

مشغول مع صديقه ويضبط له غترته اليوم يوم زواج أقرب صديق له ، ومن من من أخته وقطعة دمه ، بسوالف ضحك ممزوجة بابتسامات وفرح وسعادة ، بعد ما مرت جائحة موت أبوهم محسن بعمرهم ما ذاقوا السعادة من بعدها وعلى الرغم من السعادة كانت معدومة في بيتهم من بعد ما ماتت أمهم سعاد الله يرحمها ..

قطع سواليفه مع صديقه ثامر صوت جواله وهو يدق ، طلعه من جيبه وشاف المتصل إلًا هي اخته ريماس .. رد عليها والواضح انها تبي منه يوصلها للقاعة لأن السايق مشغول بشغل كلفه إياه عايض ..