Loco

10

Unicode

Lisa ကအိမ်ကိုဘယ်သူလာတာလဲ တွေးနေချိန် Rosé ကခြံဝရောက်သွားပြီဖြစ်သည် ဒါပေမဲ့လဲသူက ခြံတံခါးကိုမဖွင့်ပေးသေးပါ။ ဘယ်သူလဲအရင်အကဲခတ်ပုံရသည်

နောက်တော့ Rosé ကတံခါးကိုဖွင့်ပေးလိုက်တဲ့အချိန် ကားကလဲ တံခါးပွင့်သွားတာနဲ့ ကျယ်ဝန်းလှတဲ့ Lisa တို့အိမ်ခြံဝန်းကြီးထဲကို ဝုန်းခနဲဝင်လာသည် အရှိန်တမင်တင်ပြီးကိုပဲ ဝင်လာတာဖြစ်သည် Lisaကလဲ ဘယ်သူလဲမသိတာမလို့ အောက်ကိုဆင်းလိုက်မိသည်

Lisa အောက်ကိုဖြေးဖြေးဆင်းလာစဉ် Rosé ဟာ သွက်လက်တဲ့ခြေလှမ်းတွေနဲ့ ဧည့်သည်ကိုဦးဆောင်ပြီး ဧည့်ခန်းထဲခေါ်နေတာဖြစ်သည်

"Lisa ကိုတွေ့ချင်တာမလား သူဆင်းလာလိမ့်မယ် ကျွန်မသောက်စရာသွားလုပ်လိုက်ဦးမယ်"

Rosé ဟာအေးဆေးပဲ ဧည့်သည်ကိုတုံ့ပြန်ပြီး မီးဖိုထဲဝင်သွားသည် Lisaက ‌အပေါ်ထပ်လှေကားမှာပဲရှိသေးတာမလို့ ဧည့်သည်ကိုလဲသေချာမမြင်ရသေးပါ။ ဧည့်သည်၏အသံလဲမကြားရသေးပါ Rosé ရဲ့မီးဖိုခန်းကိုသွားနေတဲ့ ခြေလှမ်းသံတွေပဲကြားရသည်

အောက်ကိုလုံးလုံးဆင်းလာတော့မှ ဆိုဖာပေါ်ထိုင်နေတဲ့ Hazel Aaron ကိုတွေ့လိုက်သည် ဒီအချိန်ကြီးသူများအိမ်ကို ဘာလာလုပ်မှန်းလဲမသိဘူး သူ့ကိုမြင်လိုက်ရတော့နည်းနည်းအံ့ဩသွားရသည်

Lisaကဆိုဖာပေါ်ကိုထိုင်ပြီး Hazel လာရတဲ့အကြောင်းအရင်းကို မေးလိုက်သည် Lisaဟာ သူ့ကိုတကယ်သဘောမကျပါ။ သူနဲ့တွေ့ရင် စိတ်ထဲထင့်ထင့်ကြီးဖြစ်နေတတ်သည်

"ဒီအချိန်ကြီး ဘာလုပ်ဖို့ရောက်လာတာလဲ Miss Aaron မဟုတ်လား"

"ဟုတ်ပါတယ် ကျွန်မကHazelပါ Miss Manobal လက်ထပ်တော့မယ် ဆိုတဲ့သတင်းကြားလို့"

သူကပြောလက်စ စကားကိုခဏရပ်ထားပြီး Lisaမျက်ဝန်းထဲကိုစိုက်ကြည့်လိုက်သည် Lisaဟာလဲ မျက်မှောင်ကျုံ့လိုက်ပြီး သူနဲ့အကြည့်ချင်းဆုံလိုက်သည်

"အစ်မ Jennie နဲ့ဆို"

"ဟုတ်ပါတယ် ဘာလို့လဲမသိဘူး"

Hazelဟာ မျက်ခုံးတွေပိုတွန့်လာသည် သူဘာကိုစိတ်တိုင်းမကျ ဖြစ်နေလဲမသိပါ။ ဒါကိုမေးဖို့ ညနေကြီးLisaတို့အိမ်ကိုရောက်လာတာလား