المغتصبه والحنون

بارت٣١

هلا وغلا

قصص مع نور 🥀
قصص ام مينا

...

ادهم؛ حسيت بيها غفت ااووف اكو عطر بشعرها يجذبني لاحضت شعرها مقصلته لان جان لاكتافها وهسه طاير اووف بعد ما اخليها تگصه لو شيصير خليت راسي برگبتها ابوسها وطبعت ختم اووف لج غافيه واني نار وگبت بجسمي اخذني لتفكير شديصير ويايه ليش بديت اميل لريماس وليش افكر برهف وليش اتخيل ريماس رهف بس لازم اشيل هل فكره لازم ادفن حبي لرهف هيه تزوجت وبدت حياتها واني لازم اسوي نفس لشي ادهم انسه رهف انته متزوج ولتريده اخذه من زوجتك بس موو هسه لا هسه بياحال هيه غفيت على عطر شعرها لا ارادين
ريماس؛ صحيت الفجر 5:30 بحضن ادهم بعدت عنه وغطيته توضيت وصليت ودعيت الامي اختنگت ومتحملت بچيت لان ما شبعت من امي غفيت على المصلايه
ادهم؛ صحيت راسي يوجعني والساعه8كعدت وشفت ريماس نايمه على الارض ولابسه عبايت الاصلاه ما حبيت اكعدها فغطيتها بالبطانيه ودخلت للحمام سبحت طلعت غيرت ملابسي ومشطت صليت وندهتها ريماس ريماس
ريماس؛ صحيت على صوت ادهم ينده بيه هاا
ادهم؛ صباح الخير
ريماس؛ صباح النور
ادهم؛ تعالي نامي على السرير
ريماس؛ لا انزل اسوي ريوگ نزعت عبايه الصلاه وفيت المصلايه ونزلت
ادهم؛ شفت العلامه يلي على ركبتها مبينه بس كلت عادي رجعت تمددت على السرير وكعدت اتصفح بتلفوني
ريماس؛ نزلت محد كاعد حنونه بعدهي خليت الچاي على النار وصعدت الحنونه دكيت الباب محد رد دخلت نايمه ولاتدري كمزت يمها حنونه حنان حنو حنوشه اكعدي عاد
حنان؛ هااااا هااوو خلوني انام
ريماس؛ شتنامين اكعدي وياي حبابه
حنان؛ فتحت عيوني ريماس بجهي مبتسمه واخيرا فرحت لان شفت ابتسامتها
ريماس؛ شبيج صافنه صباح الخير
حنان؛ صباح النور ولسرور ياااا عززه
ريماس؛ شبيح
حنان؛ هاي مطيره شعرج مره ثانيه
ريماس؛ اييي شبي مو حلو
حنان؛ حلو يجنن بس ادهم عادي يقبل
ريماس؛ ماا اعرف يمكن ملاحضه
حنان؛ يعني گصيتي بدون متگليله
ريماس؛ اي
حنان؛ هاااا يحلوه ترا ادهم يحب لشعر الطويل
ريماس؛ وشدخلني اني احبه هيج
حنان؛ هههه والله يحبه مره گلت اريد اگص شعري مقبل
ريماس؛ ايي لان لشعر الطويل حلو عليج شهگت عزززهه
حنان؛ شكو
ريماس؛ االقوري على الطباخ نزلت ركض طفيته وغيرت المي ورجعت فورته نزلت حنونه
حنان؛ هاا رموسه
ريماس؛ ههه اذا ابقا هيج احرك البيت
حنان؛ ههه والله اسحلج واحركج ويانه عززه
ريماس؛ هاا انتي هم ناسيه شي
حنان؛ لا هااا ريماس
ريماس؛ هاا شكو
حنان؛ هذا هذا وخليت اصبعي على رگبتها
ريماس؛ شنو
حنان؛ عضيت اشفتي ادهم مسويلج ختم ههههه
ريماس؛ شنوو هاي شبيها مدتت من لضحك باوعت على المرايه يلي بالكاونتر وطارت عيوني لعلامه بركبتي ومبينه كولش استحت وحنونه مدده وتضحك رفعت التيشرت
حنان؛ هههه حيل ونوب طيرتي شعرج صار الموضوع علني هااا رموس شوكت يجي البيبي
ريماس؛ اكلي تبن
حنان؛ تعالي تعالي نجهز الريوگ
ريماس؛ جهزت الريوگ اني وحنونه وبقيت افكر بادهم جنت كولش مستحيه خلينا الريوگ على الطاوله وحنونه راح تنادي خالتي واني صعدت للغرفه انادي ادهم بقيت واكفه بالباب مستحيه شلون ادخل رفعت التيشرت حتا يغطي العلامه ودكيت الباب
ادهم؛ تفضل
ريماس؛ فتحت الباب ااا ادهم انزل تريگ
ادهم؛ ايي جاي
ريماس؛ رحت لغرفت حنان وخليت فونديشن على العلامه حتى متبين ونزلت جنت طول الكعده اني ما رفعت راسي وحنان كل شوي تضحك عليه وتغمزلي كملنا واخذت المواعين اني وحنان وادهم طلع للسوگ وكللنه لاتسوون غده اني راح اجيب ويايه
ريماس؛ جنت اغسل بالمواعين وحنونه تباع عليه وتضحك
حنان؛ وين وديتي العلامه ههههه
ريماس؛ حنااااان كافي
حنان؛ هههههههه انتي مو كلتيلي اكولج شيسويلي ادهم هااا هسه اريد اعرف
ريماس؛ اكلي تبن لا ما اگولج اتزوجي وتعرفين
حنان؛ ايي واصلان اني اعرف اكيد نومج بحضنه وسولج ذيج لشغله وهايهيه ههههههه
ريماس؛ عزززه كمشت كاسه مالت مي ورشيت المي عليها طلعت تركض
حنان؛ اكول لماما
ريماس؛ اشو انتي رجعتي امشي ولي من كدامي مالي خلگج روحي شوفي درجاتج بلكي طلعت
حنان؛ صح اكولج انتي ممتحنتي
ريماس؛ اخذت نفس عادي اصلان ماريد ادرس حالين مالي خلگ كلش تعبانه
حنان؛ حبيبتي حضنتها عمري نشالله تعدي هاي الفتره وتنسين
ريماس؛ نشالله
حنان؛ هههه
ريماس؛ هاا شبيج
حنان؛ ادهم ينسيج ههههههه
ريماس؛ ههههه فويسده
حنان؛ هههه كلش
ريماس؛ صعدت لغرفه نضفتها وغيرت الاحاف وغسلت الملابس بخرتها فتحت الشوباك حتى تتهوى ودخلت سبحت ولبست بجامه طلعت وبقيت اباوع على العلامه يلي برگبتي وافكر ليش ادهم صار يهتم بيه قبل چان ميهتم بيه وطول الوقت بشغله ملتهي او نايم ومنتضر الوقت يلي ينتهي بي زواجنه بس هسه تغير صار يهتم بيه ويريد يكمل بهذا زواج والله ما اعرف
مر اسبوع وطلعت نتائج الامتحانات مالت حنونه والحمدلله ناجحه ومر 17يوم على وفات امي تعذب بكل يوم الاف مره اشتاقلها وافكر بعزوز شنو حاله هسه رحتلهم للبيت اني وحنونه عزوز متغير وضعفان وعيونه منتهيه وابويه من الدوام للبيت وعزوز بس بالبيت لايطلع ولايمشي ونسوان عمامي يدزولهم اكل المهم نضفنا البيت وطلعت ملابس ماما لميتهم بجنطه وخليتهم فوگ الكنتور اخذت شالين من مالات امي واحد عند عزوز وثنين عندي وسويتلهم غده للعصر اجا ادهم اخذنا مر يومين نفس الروتين
ادهم؛ اتصلت عليه رباب وسولفتلها على حالت ريماس وكلتي ليش متجون للديوانيه عيالها عدهم بستان ومزرعه كولش چبيرع بالريف كلتلها افكر واشوف سديت الاتصال ونزلت يم امي وفتحت الموضوع وياها
ام ادهم؛ ايي وليدي احسن روحو تونسو واني اخذني يم اخوتي
ادهم؛ تمام حنونه وياي ماكو تروح لخوالي
ام ادهم؛ بكيفك اختك وقرر انته
ادهم؛ ايي احسن خليها كدام عيني
ام ادهم؛ هاا بنات جهزتو العشه
حنان؛ اييي تعالو تعشو
ادهم؛ كعدنا نتعشه وفتحت موضوع الطلعه
حنان؛ اييي واخيرن سفره نغير جو ونطلع من روتين البيت
ادهم؛ خوش وانتي ريماس
ريماس؛ اااهاا
ادهم؛ شنو رايج
ريماس؛ بكيفكم روحو اني ابقا يم عزوز وابويه
ادهم؛ ريماس لازم طلعين تغيرين جو وترتاحين شويه من خنگت البيت
ريماس؛ لا ابقا يم عزوز
ام ادهم؛ براحتج حبيبتي
حنان؛ لااا رموسه شبيج فدوه روحي حبابه فدوه
ريماس؛ نزلت راسي ماجنت اريد اطلع من البيت وكلتلهم ابقا يم عزوز وابويه كملنا عشه وادهم طلع من البيت نضفنا البيت كوله ورحت بالغرفه تعبانه غفيت
ادهم؛ ورى العشه رحت على بيت ابو عز گعدت يمهم ساعه وكلتلهم تروحون ويانه ابو عز گال لا علمود دوامي بس عز اخذو و عز رفض بالبدايه بس گلتله علمود ريماس وافق رجعت للبيت الساعه10دخلت للبيت كل شخص بغرفته صعدت للغرفه فتحت الباب لغرفه بارده والضويه خافته عرفت ريماس نايمه سديت الباب وغيرت ملابسي ونمت بصفها وبل يوم الثاني الصبح صليت وهيه كعدت على الريوگ كلتلهم عز حيروح ويانه ريماس وافقت لما عرفت عز حيروح اتصلت على قدس والتفقت وياه 
حنان؛ رموسه تعالي نجهز ملابسنه
ريماس؛ يله
حنان؛ ملابسي بالبدايه
ريماس؛ ههه اكيد
حنان؛طلعت جنطه وخليت بيها بنطرونات وعطور وكوه شغلات
ريماس؛ شدعوه ترا خمس ايام
حنان؛ عادي اريد اكشخ
ريماس؛ هههه
حنان؛ ترا كشختي كولها علمود عزوز وبس
ريماس؛ ههه هوه شصاير بحاله حتى عيونه رايحه
حنان؛ عمت عيني عليه فدوه لعيونه
ريماس؛ ههه الله يجنعكم يارب
حنان؛ يله يله كملت تعالي لم ملابسج
...
..
ريماس؛ رحت الغرفتي وطلعت جنطه وحنونه كامت كامت ونفشت الكنتور اخذتلي بنطرونات وتيشيرتات وقميص وكومه شغلات كملت جنطتي وطلعت جنطه الادهم
حنان؛ اني مالي دخل بعد زوجج وانتي جهزيله جنطته
ريماس؛ والله انتي مريضه عقلين
حنان؛ كعدت على السرير وكلتلها يله يله خليني اشوف الزوجه شلون تلم ملابس زوجها
ريماس؛ كلش صاعد الخبال
حنان؛ اييي اييي واهز بايدي ههه
ريماس؛ طلعتله تيشيرت ابيض واحد اسود واحد بيجي وكومه وطلعتله بنطرونات وتراك 2وكاسكيته
ادهم؛ صعدت للغرفه وشفت حنونه وريماس يجهزون بالجنط
حنان؛ ااا اني اترخص
ريماس؛وين
ادهم؛ اكعدي اريد بصمت السياره اريد اطلع
اخذتها ونزلت
حنان؛ هااا عبالي تردون سوون شي
ريماس؛ فنج لو حجيتي هيج كدام ادهم
حنان؛ ههههه حتى يخلي راسي بالبلوعه
ريماس؛ ههه حل
مرت اليوم وبل يوم الثاني كعدنا الساعه5الصبح صلينه وسويت ريوك اني وحنونه وصعدت غيرت ملابسي لبست بنطرون وقميص ازرق وشال اسود وحذاء اسود وحنونه
طلعت جنن
....