لحظااات صمت وصدمه من كل الموجودين وبالأخص هااشم
هاشم/ ياباشا عمر ممكن يموت
بدر بضحك/ بطيره علشان يخف سخريه وسف
متقلقش هينزل علي البحر دلوقتي كل واحده منكم هينط
ويوريني تعامله ازاي في الهواء
بدأ الكل ينط واحد واحد وبدر نزل وراهم
والكل كان بيحاول يطير في الجو
بس ذكر كانت مصدومه ومكنتش عارفه تتصرف
لان هي متمرنتش قبل كده وبدر صدمها
لما دفعها بره الطياره
بدر وصل لنفس مستوي ذكر وحاول يشاورلها تعوم
في الجو وذكر بصتله بصدمه وكانت بتتلاشي تبص
في عنيه وكانت بتعمل زي هاااشم لغايط اما وصلت لسطح البحر ونزلوا كلهم واحد ورا التاني
وبدئوا يطلعوا واحد ورا التاني وبدر طلع طلع وكان بيأكد عليهم وذكر قبت بعد بدر وكانت علي اخرها من بدر وكانت هتعيط ونش قادره تتنفس أصلا
ذكر بصت لبدر بزعل واضح اوي وفضلت تعوم بسرعه
وهاشم عام وراها وبدر لاحظ ان هو ذودها وعام برضو
هاشم/ اهدي يابنتي بقه اهدي
ذكر بعياط/ هاشم سبني والنبي ومتكلمنيش لحد
يسمع انا ع اخري بجدد سيبني ياهاااشم
ذكر كملت عوم بسرعه وبدر عام اسرع وراح ناحيه
ذكر
بدر/ اي يامعلم كنت بعلمك الطيران في الجو بدل
مانت بطير ع الأرض
ذكر بصت لبدر ومرضتش عليه
بدر بصلها وحس ان فعلاً غلط معاه
بدر/ اهو انت بترجع تتقمص زي الحريم اهو
ذكر بعصبيه/ اتقمص اي انت حدفتني ومدتنيش
اي انذار انا متخيلتش ان انت هتعمل كده ابداا
بدر / بدربك علشان تبقي وحش خلاص مش ههزر معاك تاني
ذكر ضحكت/ لو ده هزار مش عايزه انت عايز تخلص مني
انا عارف قال هزار قال أي ياشيخ مصعبتش عليك وانت بتحدفني زي شوال البصل كده
بدر/ بالعكس كنت في قمه انبسااااطي اسعد لحظاات حياتي والله
ذكر بصتله بغضب وعامت علي ضهرها وهي ساكته
بدر/ ده من اي ده ان شاء الله
ذكر/ تعبت بريح اعصابي اي مش من حقي اتعب ولا اي
بدر/ لا من حقك ومن حقي اغرقك
ذكر اتعدلت وعامت بسرعه علشان بدر ميغرقهاش
ذكر بضحك/ انا هنفد بجلدي اكرملي بجد مش ناقصه
كلهم عاموا لغايط أما وصلوا ع الشط
واول مخرجوا ذكر مناخيرها بقت تنذف دم وكانت بتخاول توقف النزيف ده ومش راضي يقف
بدر راحلها ومعاه مناديل
- ارفع راسك علشان يقف
ذكر غمضت عيونها علشان متجيش في عين بدر
ورجعت راسها لوارا بتعب وهاشم جري عليها
- النزيف وقف ولا لسه
بدر / لسه شوفوا وانا هشوف الباقي
هاشم فضل جنب ذكر لغايط اما النذيف وقف وذكر قامت وهش دايخه
هاشم/ السندي عليا وريحي نفسك
حمزه/ سلامتك ياعمووور اكيد من ضغط الهوا مناخيرك
عملت كده طبيعية ياعني متقلقش
ذكر/ تسلم ياجمزه منا عارفه
بدر رجعلهم تاني والكل كان واقف مرهق
بدر،/ معاكم اجازه اربعه وعشرين ساعه ياشباب تريحوا
اعصابكم فيها
الكل صقف وكان مبسوط وذكر مشيت وهي تعبانه
وكانت متسنده علي هاشم بتعب
ذكر / انت توصلني لحد السرير احسن حاسه اني هيغمي عليا بجد في أي وقت
هاشم/ ماشي ياختي عد الجمايل بسسس
ذكر/ عداهم عداهم اسكت بقه لك لك لك .
الكل مشي وذكر وصلت بيتها محستش بنفسها
غير وهي نايمه
بعد كام ساعه ذكر صحيت علي صوت تليفونها
وكانت كاميليا
- اي ياكميا عامله اي
كاميليا/ وحشتيني اوي اوي متيجي نتقابل ونرغي سوا
ذكر بتعب/ متيجي البيت عندي ونسهر سوا
كاميليا/, لا البيت لا
ذكر ،/ امممم البيت لا طيب تعالي نتقابل في كافيه ولا اي حاجه
كاميليا/ طيب هلبس وهستناكي هناك
ذكر قامت بتعب ولبست وراحت الكافيه ال في كاميليا
- خير خير خير قالبه بوزك ليه ياست كميا
كاميليا حضنت ذكر وفضلت تعيط وذكر حضنتها وواستها كتير
ذكر بحب/ مالك ياحبيبتي مالك اهدي كده ياكميا مالك
كاميليا/ مش قادره ياذكر انا تعبت انا مش قادره٨
محبوس ومش قادره انسي ال حصل اخوكي جرحني
تفتكري اسامحه بالسهوله دي
ذكر / اي ال حصل بالضبط احكيلي بس
كاميليا حكت لذكر كل حاجه حصلت مع سلمان وكانت لسه بتعيط ومنهاره
ذكر/ اهدي كده وبعدين اهو أخيرا ابو الهول نطق
لو عايزه نصيحتي استمري ع برودك واستفزازك ليه
خليه يستوي شويه ويدفع تمن غروره طلعي عينه
يابت ياكميا
كاميليا/ ياعني انتي شايفه كده
ذكر/ اكيد مش هو اخويا بس يستاهل صدقيني٩ يستاهل
انك تعلميه الادب وتعرفيه ان الله حق
كاميليا ضحكت وحضنت ذكر جامد وذكر حضنتها بحب
- اي ده يابت مش ده اخوكي ورنيم
كاميليا بعدت عن ذكر / اااه دول همااا
نادال بيتقابلوا من ورانا
ذكر بغمز/ دي شكلها غمزت يابت ياكميااا
كاميليا/ عندك حق يازيزي تعالي نقطحم قعدتهم
ذكر / لا لا خليهم مع بعض احسن خليهم ياخدو
وقت مع بعض شويه يمكن يتلحلحو شويه
كاميليا/ عندك حق تعالي نطير احنا من هنا علشان منضايقهمش
في ترابيزه هاشم ورنيم
هاشم/ مالك يارنيم مش باباكي تراجع عن موضوع السفر ده
رنيم/ ايواا
هاشم/ اومال مالك مضايقه ليه
رنيم/ بصراحه حاسه ان بعمل حاجه غلط خاسه
ان بخون صحبتي
هاشم / ازاي ياعني مش فاهم
رنيم/ خروجنا لوحدنا ده اي احنا متعودين
مخرج كلنا مش نخرج انا وانت لوحدنا
هاشم/ عادي ياعني واصلا ذكر تعبانه واكيد مش
هتحب تنزل
رنيم بعصبيه/ ده مش مبرر ياهاشم
هاشم مسك ايد رنيم يحاول يهديها
هاشم/ رنيم هدي نفسك احنا مبنعملش حاجه غلط
رنيم/ حتي مسكت ايدي دي غلط
هاشم/ غلط ليه يابنتي مالك
رنيم بعياط/ هاشم انا في احاسيس بتجيلي مينفعش
احس بيها مينفعش انا احس بيها ناحيتك انت خالص
انا حاسه ان انا واطيه بحد
هاشم / رنيم اهدي وسيبك من كل ال في بالك ده
كله عبط وهبل بجد أولا ذكر مش بتحبني وهي مقتنعه
بده كويس وانا خلاص اعتبرتها اختي يبقي ليه لأ بقه
رنيم بصتله بصدمه / هو اي ال ليه لأ
هاشم خد نفس طويل وبصص لرنيم
- رنيم انا بحبك
ذكر كانت بتتمشي وشافت تليفونها بيرن ومان بدر
- وحشتيني
ذكر بلهفه/ وانت وحشتني اكتر انت فين
بدر/ في البيت قاعد مع امي شويه علشان تعبانه
ذكر / لا الف سلامه طيب متيجي نتقابل وتجيب
طنط تشم هوا شويه في كافيه هنا ع البحر يرد الروح
بدر بضحك/ اكيد يرد الروح للي خالقها
ذكر ضحكت بنعومه/ لا والله ده تحفه هيعجبك
وهادي لعلمك علشان طنط تكون مرتاحه اي رايك
بدر/ هشوفها واقولك
ذكر / قولها بس زيزي هناك وهي هتيجي
بدر / هي أصلا متعرفكيش
ذكر/ ياسلام اكيد كلمتها عني
بدر/ اي الثقه دي
ذكر/ لأني انا كمان قولت لمامتي عنك
الابحاث بينت ان البني ادم ميقدرش يخبي حاجه
ع مامته اكتر من يومين
بدر بضحك/ ياواد يابتاع الأبحاث
ذكر / مستنياكم
بدر راح قال لوالدته ال رحبت جداا ومانت مبسوطه
ان هتشوف ابنها مع ذكر واتخركوا ووصلوا للكافيه
وذكر كانت حجزالهم ترابيزه هاديه بعيده عن الدوشا
وع البحر
بدر/ اهي يامي ذكر ال قاعده هناك دي
بدر راح ناحيه ذكر وذكر قامت بلهفه سلمت عليه
وبعدين ؤاحت ناحيه مامته ال خدتها بالخضن
ذكر/ اتفضلي ياطنط اتفضلي
بدر ومامته قعده وذكر كمان قعدت
منال/ بسم الله ماشاء زي القمر ياذكر اي الخلاوه دي كلها
ذكر بخجل/ حضرتك أخلي ياطنط ماشاء الله عليكي ياعني ال يشوفك يقول اخت بدر
منال ضحكت/ يابكاااشه اخته حته واحده
ذكر / والصغيره كمان ياطنط
بدر/ بكاشه برو ماكس كده
ذكر ضحمت والكل كان بيضحك ومنال لاحظت
ان بدر بيحب ذكر جداا وملامحه متغيره وهو معاهااا
ذكر كانت قاعده مع بدر واتفاجات باخوها داخل الكافيه
ذكر / احيييييه
بدر / في أي
ذكر / شايف المز ال داخل هناااك ده
بدر بصلها بغضب/ اي ده متتلمي واعدلي الفاظك
ذكر / اتنيل بجد الشخصيه دي اخويا الكبير
ومش بعيد يدخل يعلقني
بدر/ والله تستاهلي علشان تقولي مز تاني ع حد
ذكر بهمس/ استر عليا يستر عليك ربنا هيضربني حتت اسفين قدام ابويا يجبني الارض
بدر بضحك/ احسن
سلمان خد باله من ذكر واستغرب وراح ناحيتها وبصلها بتساؤلات في عيونه
ذكر قامت بسرعه حضنت اخوها
- اخويا الكبير العاقل الهادي الراسي اكبر محامي في اسكندريه هنا ده الكافيه نور اقسم بالله ياكبير
استريح ولا تقعد فوق راسي والله
منال كانت بتضحك علي زكر وطريقتها مع اخوها
سلمان بعد ذكر عنه / بت اضبطي كده مين دول حضرتك
ذكر بهمس/ استر عليا هفهمك بعدين والنبي والنبي والنبي
سلمان بإستغراب اكتر/ بت مالك انتي عامله عامله ولا اي
ذكر / تعالي بس اعرفك عليهم وهفهمك كل حاجه بعدين
سلمان اتخرمت مع اخوها
-سلمان فارس اخويا الكبير وده كابت بدر السيوفي مقدم في الجيش ودي والدته
سلمان/ اهلا وسهلاً
بدر/ أهلا وسهلاً بحضرتك
سلمان/ سيادتك بقه قاعده هنا ليه
بدر / استاذ سلمان عايزك دقيقه ع جنب
بدر مشب مع سلمان وذكر مشيت جنبهم
بدر/ ذكر سيبيني اتكلم مع اهوكي مش معقول
ذكر بتمثيل الخوف/ الوضع مش ناقص وحياه اغلي
حاجه عندك متعكهاش علشان متهانش
ذكر راحت٨ناحيه الترابيزه وكانت مش قاعده ع بعضها
منال/ اهدي ياحبيت هو اخوكي عارف حاجه
ذكر بهمس/ لا ياطنط ميعرفش ده انا هتكسح
منال/ اهدي بدر هيحل كل حاجه
ذكر/, انا مش خايفه غير من بدر
بدر ساب سلمان وهما بيضحكوا
منال/ طالما بيضحكوا خير
سلمان/ انا في ميتنج هنا مع ناس مهمه تمام
ذكر/ اتمني سياده اللواء مياخدش خبر هااا
لمها وحياه امك ياشيخ
سلمان/ الله يكون في عونك يابدر بجد نووو كومنت بجد
بدر بضحك/ اخوكي هيطير من الفرحه
ذكر بصتله بقمصه/ اي ده قصدك ان هما مصدقوا خلصوا مني
بدر بضحك/ ولا يهمك علي قلبي ذي العسل
منال كانت مبسوطه جدااا بذكر وحبتها اوي وذكر كمان حبتها اوي
قصوا وقت لطيف مع بعض لغايط اما بدر روح والدته
وراح يروح ذكر
-ذكر
ذكر بصت لبدر بحب/ نعم ياحبيبي
بدر/, خوديلي ميعاد من سياده اللوا
ذكر/ حاضر يابدر بس انت متاكد من خطوتك دي
بدر/ دي اكتر لاحظه انا متأكد منها انا مش هسيب ضحكتي تضيع مني تاني
ذكر بدون تردد حضنت بدر جاامد وبعد زقت بعدت عنه
ذكر/ تصيح علي خير ياحبيبي
بدر / وانتي من اهل الخير ياحبتي
ذكر جت تنزل لفت فجأه وباست بدر في خده بوسه رقيقه خالص وقامت جريت طلعت بيتها
وبدر كان مبسوط جدااا من قربها وحس بنعومتها
لغايط اما اتحرك بالعربيه
ذكر طلعت وهي مبسوطه جدااا وجت تدخل ؤضتها
اتفاجات بصوت ابوها
- ذكر انت مقولتليش انك اتنقلتي
ذكر بتوتر/ عادي يابابي محبتش اشغلك
فارس/ هاتي اسم المستشفي واسم المدير ال فيها
انا ليا تصرف تاني
ذكر / بس يابابا
فارس/ مفيش بس ومفيش سفر تاني ٧ي كلمه واحده هاتي اسم المدير ال هناك
