بين فنايا الظلمات

البارت الثالث

بسم الله الرحمن الرحيم

قبل البدء طيبوا افواهئكم بالصلاه على محمد وآل محمد الطيبين الطاهرين

الحمد الله
استغفر الله
سبحان الله ♥
............................................................................

بلكي نموت
خلصنه العمر لچمات
محد يفهم شبينه
الوجع لاحگنه من كل صوب
حافض حتى اسامينه

ــــــــــــــــ~.ـــــــــــــــــــــــــــــ.~ــــــــــــــــــــــــــــــــــ

اليوم الاخير من امتحانات نصف السنه جان امتحانه اليوم فيزياء امتحنت الحمد الله مجاوبه زين رجعت للبيت  نمت دخلت بغيبوبه حرفيا صارلي شهر تقريبا تعبانه حيل الامتحانات التحريريه طولت اسبوعين والشفوي اسبوع واسبوع قبلهن بديت بيه اراجع المواد واتحضر

الحمد الله فتره وعدت هسه عدنا 15 يوم راحه عطله

گعدت بـ 12:45

بدلت ورحت للشغل كملت شغل گلت اليوم اونس نفسي حاچيت بابا  اروح لبيت عمتي وهوه قبل وگال باليل يجي مرتضى ياخذني لبيتنا.

طلعت من الشغل رحت اشتريت اربع لفات گص وببسي وعصير  ورحت لبيت خاله ام حسين هاي امكانيتي ما اكدر اجيب شي اغلى وبالكوه صارلي شهر اقتصد
سلمت عليها سألتها اذا محتاجه شي واكلنا

ودعتها ورحت لبيت عمتي.
دگيت الباب بسرعه فتحوا مبين چانوا منتضريني

نجلاء: هلا ببنيت اخوي هلال شلونج يمه نَور البيت
هلال: هلو عمه شلونج
نجلاء: شفتج وصرت كلش زينه
اليوم تباتين راح احاچي ابوچ اهد عليه مو بكيفه
هلال: لا عمه اجيت بس اتعشى يمكم واشوف البنات شويه
نجلاء: ولج البنات طايرات من الفرح من گتلهن هلال جايـ...

بعدها ما كملت كلام دخلت اسيل ركض اجتني ضلت تحضني وتسلم عليه اسيل بت عمتي طبعها خجوله كلش ويه بقيه الناس وما تحجي ومن يأذيها احد تسكت تخاف كلش وتحبني لان اني ما أذيها ومو مثل اغلب البنات هيه عدها خوات ثنين واخو واحد كلهم زينين وحبابين

مر الوقت بلمح البصر تونست وياهن وره العشا اتصلت عمتي على بابا وبقت تحجي وياه يخليني ابات وبالگوه قبل

اخذت من ساره ملابس هيه صف اول متوسط وهيه بس النتلابس اني وياها انطتني دشداشه عليها توم وجيري

شكلي بيها يضحك

سهرنا لـ 1:30 AM

خطيه البنات تعبانات اليوم جان عدهن امتحان نصف سنه

عطشت رحت للمطبخ اشرب مي

طلعت كلاص ورحت للبراد

شويه وما احس الا واحد شابگني ويبوسني من وره

الصدمه والخوف كلش صارن واسمع صوت ضحك وخرت بالگوه جان يطلع حسن ابن عمتي ويضحك