Oops! This image does not follow our content guidelines. To continue publishing, please remove it or upload a different image.
နှင်းတွေခပ်ဖွဲဖွဲလေးကျနေတဲ့ ဒီဇင်ဘာညတွေမှာအပြင်ထွက်ရတာကို ဂျေးမနှစ်သက်။ မရွေ့နိုင်တဲ့ကားတန်းရှည်ကြီးကိုကြည့်ပြီး ဂျေးမျက်မှောင်ကြုတ်လိုက်မိသည်။ မကြာခင်ခရစ်စမတ်ရောက်တော့မှာကြောင့် ဆိုးလ်တစ်မြို့လုံး အနီရောင်တွေနဲ့ပြည့်နှက်နေ၏။ ဒီဇင်ဘာညရဲ့အရာရာတိုင်းဟာ သူ့အတွက်စိတ်ရှုပ်စရာ၊ ဘယ်အချိန်ကတည်းက ဒီဇင်ဘာညတွေကို သူမုန်းမိသွားတာဖြစ်မလဲ။
ဂျေးဆက်မတွေးချင်တော့တာကြောင့် ကားမှန်ကိုချကာ တဖွဲဖွဲကျဆင်းနေတဲ့နှင်းများဆီကိုသာအကြည့်ပို့လိုက်သည်။ သို့သော်သူမတွေးချင်ဆုံးအကြောင်းအရာရဲ့ အဓိကပါဝင်ပတ်သတ်သူက သူ့မျက်လုံးထဲဖိတ်မခေါ်ပါပဲ ရောက်လာပြန်၏။ ထိုလူသားကို မြင်ရတာဟာအထူးအဆန်းတော့မဟုတ်၊ နာမည်ကြီးမင်းသားတစ်ယောက်ဖြစ်တာကြောင့် ကင်မ်ဆောနူရဲ့ကြော်ငြာ Billboard တွေဟာ ဆိုးလ်မြို့ရဲ့နေရာတကာမှာ နေရာယူထားသည်။ ဂျေးနေသားကျနေခဲ့ပါပြီ။
အပြုံးလှလှတွေဆင်မြန်းထားတဲ့ ထိုမျက်နှာလှလှလေးအား ဂျေးအေးစက်စက်မျက်လုံးတွေနဲ့သာစိုက်ကြည့်လိုက်သည်။ ဘယ်တုန်းကမှ မသိခဲ့ဖူးတဲ့လူတစ်ယောက်လို။
ဟုတ်သည် ကင်မ်ဆောနူနဲ့သူ ဘယ်တုန်းကမှမတွေ့ခဲ့သင့်ပေ။
°°°°
~ မရောက်သေးဘူးလား လူစုံနေပြီ။
ဆောင်းဟွန်းပို့ထားတဲ့စာကိုဝင်ဖတ်လိုက်ပြီး စာမပြန်တော့ဘဲ ချိန်းထားတဲ့အခန်းကိုသာတန်းသွားလိုက်သည်။ ဟိုတယ်ရဲ့ VIP ဟုရေးထားသည့်အခန်းထဲ ဝင်လိုက်တာနဲ့အခန်းထဲရှိလူတိုင်းရဲ့ အကြည့်တွေက ဂျေးဆီသို့ဆိုက်ဆိုက်မြိုက်မြိုက်။
YOU ARE READING
𝘽𝙖𝙘𝙠 𝙏𝙤 𝘿𝙚𝙘𝙚𝙢𝙗𝙚𝙧 ☾︎ SunJay ☽︎
FanfictionI'd go back to December , turn around and change my own mind . - Jay & Sunoo - Ex to lover
