အချပ်ပို ၁
''အန်တီ့ကလေးလေးအိပ်ပုတ်လေးထတော့ကွယ် ဒီနေ့ဆိုင်မသွားနဲ့တော့ကွယ်ဆိုင်ကကလေးတွေသာလွှတ်ထားလိုက်တော့နော် မနက်ဖြန်နဲ့သဘက်ခါပါပိတ်ပေးလိုက်နော်ပူတူးကလေး''
''အစောကြီးရှိသေးတယ်အန်တီဆရာမကလည်း ငါးမိနစ်လောက်နော်ငါးမိနစ်။ ငါးမိနစ်ပြီးရင်ထမယ်လေနော်အေးအေးလေးနဲ့ကွေးနေချင်လိုက်တာ။ မနေ့ကတည်းကပြောထားပြီးသားပါ။မုန့်ဖိုးပါတစ်ခါတည်းပေးထားပြီးပြီ ဝှားးးးကန်ကော့မယ်လုပ်နေလို့မနည်းတောင်းပန်ရတယ်''
''အမယ် အန်တီ့ပူတူးကလေးတောင်ကန်တော့ခံရမဲ့အရွယ်ရောက်နေပြီပဲ။ အန်တီတော့ဖြင့်မနေ့တစ်နေ့ကမှ ၂၀ပြည့်တယ်ထင်တုန်းကွယ်ဟင်းဟင်း''
''အန်တီဆရာမရဲ့ပူတူးကလေးပဲဟာ နုပျိုတာမဆန်းလှဘူးမလားဒီလောက်လှတဲ့အမျိုးသမီးကိုပိုင်ဆိုင်ထားမှတော့ ပူတူးပိုပြီးလှလာတာမဆန်းလှဘူးမလား ''
ခုတင်ပေါ်တင်လေးလွှဲပြီးထိုင်ရင်းစောင်ခြုံထဲကကိုမထွက်တဲ့ကလေးပေါက်စကိုထိုင်းနှိုးနေရတာဆယ်မိနစ်မကတော့ဘူး။ အိပ်တာလည်းမဟုတ်စကားတွေသာပြောနေတာ။ ဘယ်လိုနှစ်တွေကြာစေအုံးတော့ ပုံရိပ်လေးတွေကမနေ့တစ်နေ့ကလိုပဲသစ်လွင်နေတုန်းပါပဲ။
''ကဲကဲထတော့ကွယ်အချိန်လည်းမနည်းလှတော့ဘူး အန်တီ့တပည့်လေးတွေလာကန်တော့မလို့တဲ့ပါရမီဖြည့်ဖက်ကလေးကအနားကနေမိန့်မိန့်ကြီးနဲ့ထိုင်နေပေးရမယ်လေ ပြန်မအိပ်နဲ့တော့ကွယ်''
ပြန်မအိပ်နဲ့ပြောကာမှ မိုးကိုခါးလေးကနေဆွဲချပြီးစောင်ခြုံထဲသာအတင်းသွင်းပြီးတင်းနေအောင်ကိုဖက်ပြီးအိပ်တော့တယ်။ လက်ငါးချောင်းထောင်ပြီး ငါးမိနစ်တဲ့။ ဒီလိုအပြုအမူတိုင်းဟာ မိုးအတွက်ဘယ်တော့မှရိုးမသွားသော သင်္ကေတတစ်ခု အမှတ်အသားတစ်ခုရယ်ပါ။ ဖောင်းနေတဲ့ပါးကလေးကိုဖျစ်လိုက်တော့ ပြုံးဖြီးဖြီးနဲ့အကောင်ပေါက်လေးဟာ။ အသည်းယားလို့စိက်ရှိလက်ရှိသာလုပ်ပစ်လိုက်ချင်မိတယ်။
''ဒေါက်ဒေါက်ဒေါက်ဒေါက်''
အိမ်တံခါးခေါက်သံကြားမှမိုးပါလန့်နိုးလာခဲ့တယ်။ ဘယ်နှယ့်ရှိစအိပ်ယာနှိုးဖို့လာတဲ့ကိုယ်ပါပြန်အိပ်ပျော်သွားရတယ်လို့။ ပူတူးကလေးကိုပါအမြန်နှိုးပြီး သေချာသပ်သပ်ရပ်ရပ်လေးဖြစ်အောင်လုပ်ပြီးမှ အိမ်ရှေ့တံခါးသွားဖွင့်ရတယ်။ ကလေးတွေတောင်ရောက်လာကြကုန်ပြီ။ ကလေးတွေလို့သာပြောတာပါ ကိုးတန်းဆယ်တန်းကလေးတွေဆိုတော့ လူကောင်ကြီးတွေကလည်းထွားထွားကြီးတွေ ပူတူးကလေးဆိုင်ကိုပိတ်ရက်တိုင်လာနေကြကလေးတွေဆိုတော့ ပူတူးကလေးနဲ့တောင်Levelဖြစ်နေကြပြီ။ ကိုယ့်ကလေးကပဲပိုပိုနုလာသလားမပြောတက်။
VOCÊ ESTÁ LENDO
ပန်ပေးပါရစေနှင်းဆီနီနီ သို့မဟုတ် အန်တီဆရာမ(Complete)
Romanceအန်တီဆရာမက ကလေးတွေကို စာအကြောင်းပြော ပူတူးငယ်က အန်တီဆရာမကို ချစ်တဲ့အကြောင်းတွေ ပြောမယ် ဘယ်လိုလဲ။ နှင်းဟေမာန်ကျော် ချစ်တဲ့ အကြောင်းတွေပဲ စာစီမနေနဲ့ ကလေးမ အာဘွားလေးတော့ လက်တွေ့ပေးလှည့်အုံးကွယ်။ ဒေါ်မိုးမြင့်အိန္ဒြေ
