ذكر / اكيد حضرتك بتهزر ياعني صحح
فارس/ هي الحاجات دي فيها هزار يابنتي
ذكر/ لا لا يابابا مش موافقه طبعا ثم اني مش
بفكر في الموضوع ده دلوقتي خالص
فارس/ ليه بس ده عريس كزيس جداا واي بنت
تتمناه يتذكر
ذكر بعصبيه/ اي بنت غيري انا مش بفكر في الجواز
دلوقتي وارجوكم متفتحوش معايا الموضوع ده خالص
فارس/ ذكر اتكلمي بهدووء اديني سبب واحد يخليكي ترفضي مصطفي شاب مثقف ومحترم ومن عيله كويسه ووالده سياده الوزير متمنيكي زوجه لابنه يبقي ليه لا
ذكر/ عادي مش بفكر في الموضوع دلوقتي مش حابه ادخل اي علاقه دلوقتي انا مش جاهزه
فارس بزعيق/ ده اسمه دلع ده
قدر ادخلت بينهم لما شافت صوت فارس علي
قدر/ خلاص يافارس سيبها علي راحتها ده جواز واهم حاجه تكون هي مرتاحه برضو بلاش نغصب عليها
فارس/ انا مش بغصب عليها انا عايز مصلحتها
ذكر سابتهم ودخلت ؤضتها مش عارفه هي مضايقه ليه
ولا عارفه سبب رفضها أصلا وفضلت قاعده شويه تفكر في اللاشئ لغايط أما باب ؤضتها خبط وكان ابوها
فارس/ ممكن ادخل
ذكر/ اكيد طبعاً يابابا انت بتستأذن
فارس / اكيد منا شايفك كبرتي عليا وبتكلميني بعصبيه
ذكر / لا والله يابابا انا بس الموضوع فاجأني وانت عارف مش بحب اتتفاجأ
فارس بضحك/ بقه ذكر ملكه المفاجأت بتكره تتفاجأ قولي كلام غير ده يازوزو
ذكر ضحكت علي كلام فارس وفارس خدها في حضنه بحب
فارس بحب/ انا اكيد عايز مصلحتك ياذكر وسعادتك تهمني اي اب ياذكر بيحب يشوف بنته سعيده ويتمني يشوفها مع انسان يستاهلها وانا فكرت ان مصطفي انسان كويس وهيسعدك
ذكر/ مش موضوع مصطفي بس انا مش جاهزه نفسياً للفتره دي حقيقي يابابا مش جاهزه
فارس بحب/ خليكي في حضني اخسن انا اصلا مش قادر اتخيل البيت ده كله من غيرك انتي نور عيوني ياذكر ربنا يخليكي لياااا ياعيوني انتي واخواتك وافرح بيكم كلكم يارب
ذكر/ ويخليك لينا ياقلبي بس إحنا مش عايزين نكبرك يابووب
فارس بضحك/ يلا يابكاااشه كولي بعقلي حلاوه كولي
بدر كان رجع لشغله واول حاجه راح لمكتب اللواء
حاتم/ حمد الله علي سلامتك يابطل
بدر/ الله يسلمك يافندم
خاتم/ المعلومات ال جبتها مهمه جدااا يابدر دي كفيله
تنقلك ناقله تانيه في شغلك
بدر/ ده شغلي يافندم انا روحي فدا بلدي وحضرتك
عارف كده كويس
حاتم/ عارف يابدر وحتي الضباط ال بتدربهم بيكونوا
ذيك بالضبط حتي الدكتوره ذكر
بدر انتبه اول مسمع اسم ذكر وبص للواء بتركيز
حاتم/ ذكر دي بقه حكايه تانيه ع فكره البنت دي
ذكيه جدااا جدااا جدااا دي قدرت تقنع العصابه
ان هي ممرضه أصلا إحنا كنا حاطينها اختيار
بخطفوه بس هي ذكيه جداا وهربتلك الدوا بطريقه
انا لغايط دلوقتي مقدرتش افهمها
بدر ابتسم لما افتكر ذكر وهي بطلع الدوا من بطانه
الهدوم بتاعتها زبص للواء بضحك
بدر/ دكتوره ذكر كانت عامله بطانه ومخبيه فيها الدوا
وحتي التوكه بتاعت شعرها كانت حاطه فيها دوا
لفته بطريقه غريبه كده علشان ميتأثرش بأي ميه
وفي الاخر الدوا وصليييي
حاتم/ شعله نشاط البنت دي هي مترددتش لاحظه
ولا خافت ع نفسها ع فكره
بدر / عادي يافندم لسه في بنات شجاعه
حاتم ضحك وبص لبدر/ لا ياسياده المقدم
بالرغم من شجاعه٩ ذكر الا ان واضح جداا حبها
لسيادتك
بدر / يافندم اصل
حاتم/ مفبش اصل يابدر انت ذي ولادي وعارف
معزتك عندي البنت فعلاً بتحبك وانت كمان بتحبها
ع فكره باين اوي من ملامحك دي انك بتحبها
بدر/ خلاص يافندم كل حاجه انتهت
حاتم/ لا منتهتش يابدر حارب علشانها البنت تستحق
انك تتعب شويه لا تستحق انك تتعب كتيييير علشانها
هي صحيح مجنونه بس عندها هدف وبتحب توصله
دي فخر لأي بنت انا نفسي بنتي تبقي ذيها كده
بدر كان مبسوط ان اللواء بيشكر في ذكر قدامه
وحس ان هو ظلمها اوي ومخاولش يسمعها
بدر خرج من عند اللواء وهو مش بيفكر في حاجه غير ذكر. وازاي هيقدر يرجعلها
وفضل يفتكر ذكرياته معاها وهي عمر وهي كانت
مستحمله كل ده ولما رماها من الطياره ولما علقها
في المبني ولما كان بيضاعف عليها التمرينات
وهي كانت مستحمله وافتكرها لما خدته الملاهي
وكانت بتتنطط معاه زي الاطفال بالضبط
وفتح تليفونه يشوف كل صورهم سوا وفديوهات
ذكر وهي خايفه من الالعاب ومستخبيه فيه
بدر فضل يفتكر ذكرياته معاهااا وابتسم بحزن
لما افتكر قسوته معاهااا لما طردها من بيته
بدر / انا اسف ياذكررر انااا. اسف انا مش هسمحلك
تضيعي مني بجددد
الوضع في بيت ذكر كان مختلف والكل كان مشغول
بتحهيزات فرح هاشم ورنيم وذكر كانت مبسوطه
جدااا بجوازهم
ذكر / حاضر ياشق هطلبلك الاجازه واخد انا كمان اجازه
وهرجع
هاشم بضحك/ اجازه ليه ان شاء الله
ذكر بسخريه/ مسمعتش ان البيست فريند لازم تحضر
شهر العسل بتاع صحبتها ولا اي
هاشم/ وليه منا ممكن احجزلكم سويت انتوا
واستناكوا أنا هناااا
ذكر/ ياااا طول عمري اقول هاشم ده مفيييش ذيووو
بجددد بتلمحها كده وهي طايره
هاشم/ منك لله
ذكر/ قل أدبك لما مجبلكش تصريح الاجازه اقفل
بقه علشان وصلت
ذكر دخلت المستشفي وبدأت شغلها لغايط اما نزلوها الطوارئ
الممرضه/ دكتوره ذكر في حاله في جناح أربعه
ذكر/ تمام تمام هرزحلها
ذكر راحه جناح اربعه وكان بدر هو ال هناك
ذكر بصدمه/ الف سلامه يافندم
بدر كان متصاوب في دراعه بس جرح خفيف
جدااا
ذكر لبست الجلافز وقربت من بدر
ذكر/ بعد اذنك القميص علشان اعرف اشتغل
ذكر بدأت تطهر الجرح وتلاشت النظر لبدر خاالص
بدر بأسف/ ذكر انا اسف انا عارف اني جرحتك
ذكر برسميه/ خلاص يا كابتن هكتبلك علي مضاد
تمشي عليه وهتكون تمام
بدر / ذكر انا بكلمك بوصيلي ياذكر انا جاي مخصوص علشانك
ذكر بصت لبدر بحده/ كابتن بدر قولتلك ققبل كده دكتوره ذكر غير كده مفيش اي نقاش بينااا اصلا
ذكر جت تمشي٩ بدر شدها من ايدها وحاوطها بإيده
ذكر/ لو سمحت مينفعش كده
بدر/ مانتي لازم تسمعيني
ذكر ببرود/ سوري ياكابتن انت مش دكتور زميلي هنا علشان اسمعك اظن جرحك واتكشف عليه وكتبتلك الدوا اي استفسار بخصوص جرحك ممكن اسمعه غير كده لا
بدر يصلها ومسك دراعها/ اسمعيني يتذكر انا مش همشي من هناااا غير لما تسمعيني ونتفااهم
ذكر بصت لبدر بسخريه/ نتفااااهم !!!
ذكر سكتت لاحظه وبصتله بحزن وقالت ....فات الوقت ياكابتن صدقني فاااات
كل حاجه فاتت خلاص متتعبش نفسك
ولو سمحت ابعد عني خالص إنساني اسهلك
لان خلااااتص كل حاجه انتهت ومن زمان اوي أو أصلا مكانش في بينا حاجه علشان تنتهي ياكابتن
ذكر سابت بدر مصدوم وخرجت تجري لآخر المستشفي
وفضلت تعيط كتييير وقسوه بدر عليها وهي في بيته مش قادره تنساها خااالص وفضلت تتنهد كتير٩
لغايط اما لمحها حمزه
حمزه/ مالك ياذكر في حاجه ولا اي
ذكر/ مفيش حاجه دخلت في عيوني بس
حمزه / بصلها بشك وكل شكوكه اتأكدت لما لمح عربيه
بدر خرجه من المستشفي
حمزه/ حاجه في عينك طب تعالي يادكتوره تعالي
ده انتي حالتك صعبه اوي ياريت اختك ذيك كده
ذكر/ صحيح وصلتوا لايه
حمزه/ بصراحه كده ياذكر انا مش بحب اللف والدوران
انا٩معجب بأختك وعايز انجوزها
ذكر بصدمه/ بالسرعه دي
حمزه/ الله انا بحب الرسميات لاكن اللف وكده مبحبوش
ذكر / بوص عليك وع سياده اللواء ع طول البت ريم دي
قفل ومش هتاخد معاها لا حق ولا باطل اسمع مني أنا
حمزه/ ياعني انتي رايك كده
ذكر / طبعا يابني اسمع مني بس هتكسب
حمزه بضحك/ والله مش خايف غير من كلامك
ذكر/ يلا ياجزمه من هنااا
ذكر خلصت شغلها وكانت مسحوله في فرح هاشم
ورنيييم وبتختار مع رنيم كل حاجه
ورنيم اكتشفت ان هي بتحب هاشم جداا جداا
ومكنتش هتقدر تشوفه مع واحده غيرها فعلاً
البنات كلها راحوا بيت رنيم علشان كانت الحنه بتاعتها
ذكر بفرحه/ متزغرطواااا ياجدعاااان اي الليله الماسكه دي طروهاااا كده
ذكر شغلت اغاني وبدأت ترقص مع رنيم وكاميليا وشدت
ريم ترقص معاهم والكل كان مبسوووط
وذكر كانت مبسوووطه جدااا وبتهزر مع الكللل
ذكر حضنت رنيييم بحب وعيونها دمعت
- مبرووووك يانونه انا مش متخيله ان السنين
عدت بسرعه كده وخلاص هاشم هياخدك مننا
رنيم بعياااط/ لا طبعاً هاشم مين وبتاع مين
انا عمري مهسييبك
كاميليا بضحك/ والله لقولوا متنسيش ان اخويا يابت
البنات كلهم ضحكوا وقضوا الوقت كلوا ضحك
والاغاني شغاله وسهروا كلهم مع بعض فوق سطح بيت رنيم وكانوا بيغنوا ويلعبوااا ويفتكروا ايام طفولتهم كلهااا وذكر كانت مبسوووطه جدااا ان رنيم وهاشم اخيرا هيكونوا مع بعض لاخر العمر البنات كملو سهرتهم من ضحك وغنت ولعب وناموا من كتر التعب علشان يرتاحوا للفرح
وصحيوا تاني يوم والبنات كلها كانت بتجهز
للفرح وذكر كانت بتعمل الكيك اب لنفسها
ذكر / كميااا بسرعه اللون ده ولا اللون ده
كاميليا/ ميكس ميكس احسن
البيت كله كان في حاله استعدااد للفرح
ذكر لبست فستااان ازرق غامق طويل وبدوون اكمام
وفردت شعرها الطويل ولبست عقد يزين رقبتها
وكانيليا لبست فستان نفس اللون
وراحوا لرنيم ال لبست فستانها الأبيض وكانت
طالعه جميله كالعاده
وحضنوا بعض كلهم وهاشم جه خد عروسته
وراحوا ع قاعه الفرح
وذكر كانت عملالهم داخله مجنونه جدااا
والكل كان متفاجأ من داخله العرسان
وهاشم عزم بدر وكل صحابه وبدر عيونه
كانت ع ذكر مستني ظهورها بأي شكل
واول مشافها كأن محدش في القاعه غير بدر
وذكر بسسس بدر اتسحر من جماال ذكر
وجمال عيونها ال دايما سحراااه
ذكر كانت دايماا بترقض مع رنيم وهااشم
سلمان/ كاميليا
كاميليا/ نعم
سلمان بغمز/ اي القمر ده
كاميليا/طول عمري قمر بس انت الاعمي ع فكره
سلمان بضحك/ كنت اعمي فعلاً وكنت هضيعك
من ايدي انا بحبك ياكميليا
كاميليا ضحكت وسكتت بخجل
سلمان/ قولتي اي ياكاميليا اكلم عمي
كاميليا ضحكت بكل صوتها// تكلم بابي بالسرعه
دي انت لسه تخت الاختبار يامتر
سلمان/ لا والله
كاميليا بغمز/ اه والله انت عزبتني خمس سنين
عايزني اسامحك في كام يوم مش عدل ياعني
سلمان/ هي واحده بواحده
كاميليا/ حاجه زي كده ياعني مهمشني سنيين ونتعرف علي دي وتكلم دي وانا استحمل في الاخر عايزني اصفالك كده انسي ياسولي مبقاش كمياااا لو معلمتكش الأدب هكون قداامك كده بس في نفس الوقت ابعد ما يكون بالنسبالالك
كاميليا سابت سلمان وراحت ترقص مع ذكر وغمزت لسلمان بعيونها غمزه جننت سلمااان وكملت رقص مع ذكر
ال كانت مش مبطله رقص وبدر كان قاعد شايط
من تصرفتها المجنونه ورقصها مع هاااشم
ذكر أخيرا خرجت بره القاعه تاخد نفسها
وكانت بترتاااح شويه
بدر بغضب/ أخيرا خلصتي فقره الرقص
ذكر لفت بصتله بطرف عينها ورجعت بصت للبحر
تاني وسكتت
بدر وقف قدامها
-جرا اي يا ذكر انا مش عارف اكلمك خالص
ذكر رفعت حاجبها/ وتكلمني بتاع اي
بدر/ اني بحبك وانتي بتحبيني
ذكر بصتله بسخريه / بحبككك
ذكر قالتها وضحكت بكل صوتها وبصتله بحده عيد حساباتك تاني بس وانت بتعيدها حرجني منهاااا خالص
بدر / حسباتي كلها انتي اساسها ياذكر وانتي اه بتحبيني عيونك دي بتقول انك بتحبيني وهنرجع لبعض
ذكر ضحكت بسخريه/ بص يابدر علشان اوفرها عليك
حبي ليك انتهي يوم مجتلك بيتك واهنتني
ساعتها حلفتلك انك مش هتلمحني وان ال بينا
انتهي تعايش ان ال بينا انتهي بقه
بدر مسك ذكر من ايدها٨. جامد
- اتعااايش وخوفك علياااا ده كان أي مخاطرتك
بحياتك خلال علاجي ده اي اظن انك مش قسم
ادمان كل ده وهم ياعني
ذكر/ اعتبره زي متعتبره بس احنااا خلاص
ال بينا انتهي يابدر او اقولك رد جميييل انك لما انصابت ودتني المستشفي مسبتنيش
بدر/ لا منتهاش ياذكر ال بينا عمره مهينتهي ده لسه هيبتدي يادكتوره ذكر
بدر من غير اي مقدمات خطف شقايف ذكر في قبله
طويله وذكر كانت بتحاول تبعد بس مقدرتش
بعد وقت بدر بعد عنها وذكر بصتله بعند
- بدر احنا انتهيناااا تعايش ان ال بينا انتهي
ذكر بصتله بعند تكتر وقالت
- ع فكره انا أصلا مسافره بكره قدمت علي هجره
واتقبلت وطايرتي بكره الساعه ٤ العصر هستناك تودعني
تعايش بقه
بدر بصلها بعند اكبر من عندها
- حكايتنا ابتدت ياذكر خليكي فاكره كلامي ده كويس
ذكر مشيت وسابت بدر واقف مكانه وباصص نحيتها
ورجعت الفرح تاني وكانت مبسوووطه وسط اهلهااا
والفرح انتهي ورجعت البيت جهزت نفسها للسفر
وحضرت شنطهااا
فارس / انتي متأكده من الخطوه دي ياذكر مش لازم سفر ياعني يتذكر انتي ممكن تاخدي اجازه من المستشفي وتروحي تقعدي في بيت جدك ويكون برضو تغيير جو
ذكر. / إحنا اتكلمنا قبل كده في الموضوع ده يابوي وبعدين ده هو شهر ولا حاجه هغير جو بس وارجع اول محس اني كويسه وتمام هرجع ع طول
فارس بقله حيله/ ماشي ياذكر طالما دي رغبتك خودي بالك علي نفسك ياحبيبتي واول متوصلي طمنينا علي طول
ذكر/ حاضر ياحبيبي عن اذنك بقه هتاخر كده
ذكر خدت شنطتها واخوها وصلها المطار وودعت
اخوها ودخلت المطار وهي بتجر شنطتها وقررت
ان هي تنسي كل ال حصل الوقت ده وترمي كل ده
عند باب المطار وتبدا حياه جديده
ذكر بصت للبوابه لاخر مره
- خلاص كده خلصت حكايتنا يابدر
..........
انتظروني قريباً جدااا في الجزء التاني وباقي حكايتنااا من احببت جنونها
واوعدكم ان ال جاي احلي كتيييير واجننن كتييير من ال خلص انتظروا الجزء التاني ❤️
خلينا ناخد هدنه شويه وارجعلكم ببارتات اجمد
وياريت تعرفوني رأيكم في الرو
ان شاء الله اسبوعين اكون ارتحت وارجع تاني
دمتم في خير ،❤️❤️❤️
