احببت بنت عمي

البارت الاول

بسم الله الرحمن الرحيم
احببت بنت عمي
Part 1

في حي شعبي في محافظة الإسكندرية بتحديد في بيت سعد الجبالي الجد الاكبر لعائله الجبالي البيت مكون من اربع تدوار الدور الاول للجد سعد ومراته هناء الدور الثاني لي الابن الاكبر رضا متزوج من وفاء ومعاه شهاب وهاجر والدور الثالث لي الابن الثاني حسن ومراته راندا ومعاه سيف وسليم والدور الرابع لي الابن الأصغر عماد ومراته اسماء ومعاه ميرا وزينه
في الساعه 10 صباحاً كان الكل متجمع عند الجد والجده سعد وهناء علشان الفطار
هناء:- يا وفاء فين هاجر منزلتش ليه
وفاء:- مش عارفه ياماما م انتي عارفه أن هاجر كسلانه وميرا وزينه طلعوا ليها علشان يصحوها
رضا:- والله يا حاجه البت دي مغلباني مش عارف طالعه لمين غلباويه كدا
هناء:- هههههههههههه ربنا يخلهالك وانت يا واد يا سيف كنت فين امبارح مشوفتكش علي العشا ليه
سيف:- يا تيتا كان عندي محضره في الجامعه غير جدي سايب الشغل عليا كله
سعد:- مش انت ف تجاره يبقاا لازم تدرب عندي
سيف:- يا جدو يا حبيبي انا بعد م اتخرج هشتغل في شركه او بنك مش ف محل عطاره
سعد:- م انت ماسك الحساب ف المحل عايز اي تاني انا بعدك عن البيع والشرا خالص وسايب شهاب وسليم ولا تحب اخليك معاهم
سيف:- لا يا جدو ده انا ف نعمه ده الحمدلله
شهاب:- اه م انت الوحيد الي قاعد علي المكتب مش همك حاجه وانا والولا الغلبان ده مرزوعين ف شكارت الدقيق
هناء:- هههههههههههه احسن تستهلوا علشان تعرفه قيمة التعليم اي
شهاب:- علي اساس أن احنا مش بنتعلم
سعد:- لا ياخويا م انت بقالك انت والمحروس التاني سنتين بتعيدو السنه وياريت ف كليه ده انتوا ف معهد نظم و معلومات ياريت كليه عليها القيمه انت والفشل الي جوه
سليم:- وهو خارج من المطبخ ومسك طبق عنب وبياكل منه حد بينادي عليا
راندا:- تعاله ده جدك بيشكر فيك هههههههههههه
سليم:- اشك في ده
سعد:- يلا يا خويا انت وهو انزلوا افتحوا المحل الساعه بقت 11
شهاب:- يافتاح يا عليم يا رزاق يا كريم ف اي يا جدي م تستنا شويا الواحد مكلش عنب هات يا سليم وبعدين لسه مجتش 11
سليم:- ايدك يالا اوعي كدا
وفي شقه رضا كانت هاجر نايمه
دخلت ميرا وزينه
زينه:- هتصحه ازاي دي يابت
ميرا:- هاتي ازازة مياه من التلاجه وتعالي
زينه:- جابت الازازه من التلاجه خدي يا ميرا
ميرا:- مسكت الازازه وكانت المايه ساقعه وفتحت االازازه وكبتها علي هاجر وهيا نايمه
هاجر:-قامت مفزوعه من النوم لقت ميرا وزينه وقفين بيضحكوا عليها
هاجر:- والله م هسبكم وطلعت تجري وراهم وهيا متعصبه فتحت ميرا الباب ونزلت تجري هيا وزينه وهاجر وراهم بي البجامه
سعد:- اي الهبد ده يا عيال
هناء:- هو انت مش عارف البنات والي بيعملوا ف هاجر اكيد عملولها حاجه دخلت ميرا تجري هيا وزينه وهاجر وراهم
هاجر:- والله م هسبكم
سيف بعصبيه وزعيق:- مسك هاجر من اديها وقال الي منزلك بي البجامه كدا اطلعي فوق
هاجر:- اوعي كدا يا سيف بقاا
سيف:- بنظره ارعبتها اطلعي يا هاجر اخلصي
هاجر:- بديق طيب وطلعت
رضا:- والله حلوه ياسي سيف انا وأخوها وقفين وانت الي تعرف تطلعها
سيف:- هو انا اي حد ولا اي
شهاب:- انزل قدامي يا خويا علشان المحل جدك هيبهدلنا
ونزل سيف وشهاب وسليم وسعد علشان المحل أما عند رضا وحسن وعماد كل واحد راح علي بقيت فروع المحلات التانيه
ميرا:- وهيا بتهمس لي زينه شوفتي ولا عبرني يا زينه
زينه:- يابنتي م انتي عارفه شهاب مش بيحب يبوصلك وحد واقف مش زي سيف هههههههههههه شوفتي عمل اي ف هاجر
ميرا:- احييييي انا خايفه دي هتنزل دلوقتي هتموتنا يلا بينا نستخبه وطلعوا البنات يجرو
أما عند الجده هناء ووفاء وراندا واسماء كل واحده راحت تعمل حاجه الي راح يروق البيت والي راح السوق والي راح يغسل علشان يستعدو لي عمل الاكل قبل م يرجعوا من الشغل

تعالوا بقاا نتعرف على إبطال روياتنا

شهاب شاب عنده 23 سنه فاشل دراسيه بقالوا سنتين بيعيد ف المعهد نظم ومعلومات بس وسيم جدا طويل جسمه رياضي عيونه سوده ووسعه كاالصقر بس مرح بيحب الهزار جدا
سليم شاب عنده23 سنه نفس سن شهاب وفاشل دراسة برضو عيونه بني طويل ووسيم
سيف شاب عنده 22 سنه بيدرس ف كليه تجاره شاطر الي حد ما عيونه خضرا ورياضي ووسيم
أما البنات
هاجر بنت تبلغ من عمر 19 سنه ف  أولي كلية فنون جميله عيونها سوده وبشرتها بيضه وجسم ممشوق
ميرا بنت تبلغ من عمر 18 سنه ف اخر سنه ف ثانويه عامه امحويه البشره عيونها بني فاتح وجسم رشيق
زينه بنت تبلغ من عمر 17 ف تانيه ثانوي عام عيونها رصاصي غامق وبشرتها بيضه وجسم رفيع
وبكدا نكون اتعرفنا علي اهم الابطال ف الروايه والباقي هنتعرف عليهم بعدين
ف الفصل الثاني

وبكدا يكون البارت ده خالص استونييي في البارت الجاي 2

واحداث مشوقه للغاية 😍

بقلمي المتواضع:- ندي محمد ♥️