يا مرحبا بفلذات قلبي معشوقيني كليباتي شلونكم ....
هسة احنه اخر ايام شهر 12 / 2023 اتمنى تعيشون هاي الايام بسعادة او متخلون احد يأثر عليكم ....
....
__________________________
سارة ....
بعد ما وصلت للبيت او ارتاحيت تقريبا ساعة خمسة العصر اجاني اتصال من عندة ....
سارة : نعم استاذ تفضل بس حبين اذكرك انو اني وقت دوامي خلصان ...
انس : لا لا اسف اولا على الازعاج ثانيا اني ممتصل عليج على مود العمل ...
سارة : لعد على شنو ...
انس : حبيت اعزم حظرتج على عشاء اليوم ساعة 8
...
سارة : اني مقدرة عزيمتك استاذ لكن اعذرني ما أكدر اجي ...
انس : زين بعد كم يومين عيد ميلاد مَلِكْ انشاءالله اشوفج..
سارة: اي اكيد اساسا اني كبالك بالشركه تريد نتكلم وقت الاستراحة ...
انس : سارة يا سارة افهمي عيني انتِ
سارة : شفهم استاذ رجاءً شفهم ...
انس : سارة من النهاية اريد احجي وياج انتظرج يوم حفلة العيد ميلاد ...
...........
اشو هذا سد الخط بوجهي او وراها اتصلت على تالين ...
سارة :. هلو حبيبتي شلونج ...
نارين:. يا اهلا بمحاميتنه ...
سارة :.اذا كاعدة يم ملك كومي لغير مكان ...
نارين : ماشي ...... يلا هسة احجي ...
سارة :. عيد ميلاد ملكْ بعد يومين اكيد بعدكم ممخططين مو ...
نارين : لا خططنا انو يكون بمكان مينسي بس كلت على اساس اجيككم باجر او نحجي بس انتِ خابرتي..😄
سارة : ايييي هو اني هم كلت هيج بس باعي خلي تنظيم الحفلة علية انتِ اشتغلي على المعازيم ماشي ...
نارين: اتسوين فضل والله 😁
سارة : يلا اتفقنه ...
باي
كتبي قائمه المعازيم او دزيها الي
تالين : ماشي بس ساعة وحدة ...
__________________________
سارة ....
اني قبل شهر طلعت عندي اعلان قاعة على الانستكرام بالله خل اشوفها ...
ايي موجودة ...
_الو السلام عليكم انتوا قاعة *******
_ نعم عيني تفضلي ...
_عيني اريد احجز القاعة يوم الي بعد باجر او اريد التصميم يكون نادر او مختلف ...
_ نعم عيني شلون طلبج ..
_ اريد اول ما يدخل صاحب الحفلة يطلع دخان يعج عج شلون الأفلام....
او اريد جدران القاعة تنطبع عليها آثار دم او آثار ايدي هم او اريد اشخاص مقنعين يوكفون مثل الصنم او شكلهم عبالك اموات الي بالمستشفى ...
