قبل سنتين :
وقفت عند البحر تتنفس بعمق وهي مبتسمه تحس بوجوده معها تختفي كل مواجعها ، تتمنى يكون معها طول وقتها حتى تحس بالامان ، اصبحت حياتها حياة بعد وجوده بحياتها وبجانبها ، يزيل كل احزانها ويجعلها مطمئنه ، كل لحظه فيها بجانبه تشعر وكأنه عيد ، في اول يوم التقت به سجلت هذا اليوم من اعيادها السعيدة ، التفتت له تشوفه يراقبها من بعيد ومبتسم مشت لعنده بخطوات هادئة و وقفت مقابله ونطقت بفضول : بيجي يوم وتتركني فيه ؟
استغرب باسل من كلامها : اكيد لا ، انا دايم معك حتى لو كنت بمكان ثاني ، في اخر الدنيا وابعد مايكون عني ، انا معك وانتي اقرب لي من ثيابي وجلدي ، و اقرب لي من ظلي ، واذا كنت بعيد
اشر على قلبه ويكمل : انتي هنا في قلبي ، محد يقدر يبعدك عني
ابتسمت ابتسامة عريضة ماعرفت كيف توصف له مشاعرها واكتفت بالمعانقه شدّ عليها ، وبعد مدة قصيره ، عذاري : طولنا عليهم خلينا ندخل
هز باسل راسه لها ومسك كف يدها ودخل معها للشاليه
.....
صحيت على اصوات ازعاج من تحت زفرت بغضب تقلبت للجهة اليسرى تتجاهل الصوت وتحط المخدة على راسها زاد الصوت وتأففت بصوت عالي تقوم من السرير توجهت للحمام تغسل وجهها و طلعت تنزل تحت شافت نورا مشغله اغاني ورافعه الصوت و غدي قاعده تساعد اصيل بالكيكه هزت راسها بصدمه : قمت من نومي ومن ذا الازعاج عشان كيكه ؟
التفت الكل لها ونطقت نورا : دامك قمتي تعالي علميني كيف افتح الفرن ماعرفت له ؟
ابتسمت عذاري : رفلات
توجهت عذاري للفرن وضربت غدي كتف عذاري بخفه كشرت عذاري وحطت نورا قالب الكيك بالفرن زفرت غدي : اخيرا ياناس لنا ساعة عليه
اصيل : كان شرينا جاهز احسن
ضحكت عذاري : وليه ذا الازعاج كله !
اصيل: اسألي نورا حاطه اغاني خايسه مدري شجوها
ضحكت عذاري ونطقت نورا : خير انت كنت بسوي لكم جو حلو بس ماتستاهلون
ضحكت غدي : لا تغلط على عبدالمجيد
قاطع كلامهم صوت ياسر وهو نازل من الدرج : تعالوا بوريكم شي بالابتوب
تجمع الكل على ياسر وقعدوا على الطاوله فتح ياسر اللابتوب ونطق : ذا الكلب مارح يسلم مني حاول التنصت علينا بالمستودع معرف كيف عرف المكان !
عذاري : بروح معك
رفعت يدها نورا : وانا !!
ياسر : لا خليك بس نبي اثنين بسيطة
هزت راسها نورا والتفت ياسر على عذاري : تجهزي الحين نطلع حددت موقعه
هزت راسها عذاري تطلع لغرفتها فتحت دولابها تطلع توب اسود وبنطلون جلد اسود والبوت الطويل الاسود مع بليزر اسود و وشاح رفعت شعرها تلبس الكاب و اخذت كمامتها ، فتحت الدرج تطلع سلاحها رفعت البليزر تحطه خلفها وطلعت من الغرفه نزلت تحت تشوف ياسر يطلع من البيت طلعت خلفه وركبت السياره فتحت المرايا الاماميه تلبس الكمام وتنزل الكاب على عيونها التفتت لـ ياسر تشوفه لابس قميص اسود وبنطلون اسود ولِبس الكمامه ونزل الكاب ، حرك السيارة واعطى عذاري جواله ونطق : اوصفي المكان
هزت راسها عذاري تشوف الموقع وتوصف له
وقف على الموقع مد يده يفتح الدرج امام عذاري طلع السلاح وحطه بجيبه ونزل من السياره فتحت عذاري المرايا تغطي وجهها والتفتت تشوف ياسر من الشباك ينتظرها نزلت من السيارة وتقدمت لـ ياسر نطق ياسر : ذا بيته اول شي بنراقب اذا فيه احد ولا بيخرج احد وبعدها ندخل
هزت راسها عذاري وقعدت خلف حجره كبيره تغطيها بالكامل وقعد ياسر عند السياره امام عذاري ، شاف شخص من البيت يطلع التفتت عذاري تطلع سلاحها وتقرب تشوف ملامح الوجه راح الشخص لسيارته وطلع من البيت أشر ياسر لـ عذاري بمعنى مافي احد
هزت راسه له وتقدمت خلفه تدخل البيت فتح ياسر الباب بشويش ومشى بممرات البيت بحذر وعذاري خلفه نطق ياسر بصوت خافت : انا بشوف فوق وانتي دوري تحت
هزت راسها ودخلت المطبخ شافت باب مخفي عند طاوله الطعام فتحته بخفوت تسمع اصوات ازعاج نزلت بشويش وحصلت ثلاث رجال يلعبون بلوت ومنهم الشخص المطلوب صورته عذاري وطلعت بشويش من المطبخ ومشت عند ياسر شافته بغرفه النوم يفتح الادراج يدور على شيء ، التفت يشوف عذاري امامه : موجود تحت
هز راسه ياسر بعدم فهم : مين ؟
فتحت عذاري جوالها ، مسك ياسر الجوال وهز راسه : شفتي عندهم اسلحة ؟
عذاري: ماركزت بس اعتقد لا
هز راسه ياسر ومشى امامها للمطبخ فتح الباب بخفوت واشر لـ عذاري : بروح أتاكد واجيك
نزل ياسر من الدرج لكن دعس على حديد وطلع صوت لها التفتوا الرجال للصوت ومشى واحد منهم بسلاحه لمكان الصوت خبى ياسر سلاحه وشافه الرجال و وجهه سلاحه بوجهه ياسر رفع ياسر يده ونطق الرجال 1 : معك شي ؟
هز راسه ياسر بـ لا ونطق الرجال 2 بصوت عالي : منهم ؟
هز راسه ياسر بعدم فهم ونطق : انا عامل توصيل طلبات طلبتوا بيتزا !!
لف الرجال لبعض وهزوا راسهم بـ لا ونطق الشخص3 : محد طلب
اخذ الشخص 2 السكينه الموجوده في الطاولة وغرزها بساقه ياسر صرخ ياسر بألم وطاح على الارض
سمعتهم عذاري وطلعت من البيت تفتح الصوره شافت ورا الرجال باب راحت عند الباب بسرعه كان خلف البيت فتحته بخفوت وطلعت سلاحها توجهه جهة الشخص الي معه سلاح اطلقت النار على راسه وطاح الرجال التفت الكل لـ عذاري حرك ياسر يده يطلع السلاح من جيبه وطلق على الشخص 2 و طلقت عذاري على الشخص 3 ركضت عند ياسر بخوف تضغط على مكان الطعنه شالت وشاحها من على رقبتها وشدته بساق ياسر نطق ياسر وهو يصارع الالم : مافي وقت خلينا نروح قبل مايجي صاحبهم الرابع
نطقت عذاري بصوت خايف ومتوتر : طيب طيب !
رفعت ياسر وثبتت ذراعه على كتفها ومشت بصعوبة ، وصلت للسيارة وركبت ياسر وتوجهت بسرعة عند مكان السائق وبنصف الطريق كسر ياسر حاجز الصمت ونطق : لولا الله ثم انتي كان مت
لانت ملامح عذاري تتذكر نفس الموقف مع باسل التفت ياسر ونطق : شفيك ؟
حاولت تتمالك نفسها ونطقت : ولاشي
