كل الامان في حُبك وكل الاماني قربك

B 39

للتذكير ..
نط لؤي وقال : والله يويلنا غيوث حاط الشركه تحت أمرنا و حنا من راح غيث وحنا قاعدين هنا نسولف و نضحك
احمد : امش امش معاي ، مُلهموه رح شف الوضع مع آدم تحت كيف وانا بروح الطابق الثالث و لؤي اقعد شف الطابق ذا وشلون
لؤي : ابد قدام 
~
فـ بيت ابو سلطان تحديداََ
دخلت عليهم الجده بشرى وقالت : والله م لحقنا امس نجي للعرس بس ربي يتمم لهم على خير
ام سلطان : عادي ياخيتي عذرتس معاتس
نجد : يوه راحوا بدون م اشوفهم
ضحكت ام خلف وقالت : والله وفاتس الكثير
ريهام ضحكت وقالت : كثييير ، تعالي تعالي مشينا الصاله ذيك
ام سلطان : ايوا يلا الحين يجون العيال هنا
~
عند بيان و خلف ..
فتح عيونه من دخل عليها ضوء الشمس ، زفر و لف جمبه و شاف بيان و سيف الي غارقين بـ نومتهم ، ابتسم و قال : بيان
فزت وقالت : هاا
خلف : الوقت قومي يلا
عبست بوجهها وقالت : ٥ دقايق
ضحك خلف وهو يشوف الادوار تنقلب بعد م كان هو الي يقول لها ٥ دقايق ، قرب منها وقال : الوقققت ي بيان قومي الله يهديتس وراتس صلاه بعد
فتحت عيونها بتعب و قامت تناظر للـ ساعه : خلوف ٥ دقايق بس
خلف : ياعيون خلوف والله لاحقه عاد انا ناوي اداوم هاليوم
بيان : هاللححيين !
خلف : بسم الله ايه ليه
مسكت يده وقالت : منت رايح اقعد بس
ضحك وقال : وش جاتس انتي ؟
قامت وقالت : خليف انت شايف الساعه بتدرعم عليهم كذا ف نص الدوام اقعد خلاص
خلف : يلا لعيونس نقول تم
ابتسمت وقالت : تفداااك
-
~ بـ الفـندق تحديدا ~ عند اميره و غيث
لف غيث و شهق بصدمه ، فتحت اميره عيونها من سمعته وقالت : شفيك بسم الله
انفجر غيث يضحك وقال : معليش طول عمري م تعودت انام و جمبي احد
حطت اميره يدها على راسها و ضحكت : حييوان احسب صار شي
ضحك و قام من السرير وقال : زين قومي يلا بنمر اهلي و اهلش و نازلين ل بيتنا
قطبت حاجبها وقالت : بيتنا بيتنا ؟ ولا مع اهلك تقصد
غيث : الا بيتنا ، امي م عليها شي خالاتي هناك
اميره : اها زين يلا بقوم اللبس
~
و عند سُميه و صقر
ابتسم صقر وهو يتأمل ملامح وجهها وهي نايمه ، طبطب عليها بهدوء وقال : سُميه
فزت تفتح عيونها بهدوء وقالت : لبيه ؟
صقر : لبيتي حاجه ، الوقت
قامت بهدوء وقالت : يووه بعد ورانا اهلي و اهلك و مشواارر
ضحك و غمز لها يقول : الليله طيارتنا صوب لندن
شهقت وقالت : احلف
صقر : اي والله نبي نجهز اغراضنا هالحين و بعدها ننزل عند اهلي و اهلك و اذا تبين تتجمعين مع البنات شويات و بعدها نحرك
سُميه : اجل تم
قامت لل حمام ( يُكرم القارئ ) تغسل وجهها و تصحصح شوي ، طلعت و قربت تفرفر ف ملابسها و اخذت لها
فستان طويل ماسك عليها ، يبرز تفاصيل جسمها عليه لمعه و من النص حبل لونه سماوي خفيف ، فاتحه شعرها و لبست اكسسواراتها ، و كعب لونه فضي ،
و حطت ميكب خفيف مناسب ل وجهها ، و صقر لبس ثوب لونه ابيض و رش عطره العود و لبس ساعته و ابتسم يوقف جمبها يعدل شماغه وقال : مقدر عليتس انتي و كشختس
ابتسمت بخجل وقالت : من بعددكك يحبيبي
ابتسم وقال : نفدا عيونتسس السوود
ضحكت وقالت : صقرر بس ععااد
ضحك وقال : اقول انتظرس تحت
سُميه : يلا جايتك
~
عند ديم و محمد { تحديدا ب المطبخ }  ، نزل محمد و وقف جمبها وقال : رايح لل دوام توصين ؟
ديم : وقف تعال اكل لك شي لا تروح كذا
محمد : مستعجل عاد
ديم وهي تصب له شاي ، ضحكت وقالت : زين بسم الله هاك اشرب
ابتسم يبوس يدينها وقال : جعل هاليدين م تمسها النار
ابتسمت بحنيه وقالت : يحبيبي انت
محمد : يلا طالع
ديم : المغرب ابيك توديني عند البنات
محمد : يعيوني والله م يطلعوني هذا وانا كل م زانت الجلسه اخذت اجازه
عبست ب ملامحها وقالت : خلاص زين
ضحك وقال : وش هالحركات الحين بشوف لو طلعت تبشرين من عيوني اجيتس
ابتسمت بخفه وقالت : زين استودعتك الله انتبه من الطريق
مسك الكوب و طلع مسرع وقال : لنا لقاء الليله هاا
ضحكت وقالت : حموود رحح
~
عند الجوهره و ذياب
بـ الصاله ، نزلت الجوهره معصبه وهي تسمع ضحكات ذياب العاليه : ذيياااببب بسسس
لف وقال : شفيتس
الجوهره : نجد نايمه اسسكتت
ابتسم و فتح حضنه يقول : زين تعالي
ابتسمت بهدوء و قربت عنده فـ الكرسي و حطت راسها على صدره من حست بـ الدفء ، ابتسم ذياب وهو يحط الكمبيوتر فوقه وقال : يلا شتبين نتابع
ضحكت وقالت : ورني وش تضحك عليه
ضحك وقال : يلا تم
~