قضية لا تموت
البارت ١٩
زينب العبودي
-نسرين على كيفج مو هيج قصدي صدك تحجين وبعدين إني البارحة كتله المجاهد حتى يعوفج أني وأنتِ على علاقة
باوعت عليه بدهشة
-أنت كتله أني وأنت بيناتنه علاقة..!كلي سرمد كاعد تقشمر عليه ، تتشاقة وياي أكيد مو
-كتله هيج علمود يعوفج وميضايقج بعد لأن أعرفه من يعرف إني وأنت
-هه يعني صدك هيج كتله
-أني ردت احميج ليش ضجتي نسرين ،أنتِ مو تكولين هذا الإنسان مأذيني لإن ماعندي احد إني حميتج منه بعد ميدوسلج على طرف
-تحميني..! وين الحماية بالموضوع، وين الحماية سرمد أنت شوهت سمعتي، أنت حالياً متفرق عنه بشي، هو ساومني على شرفي وأنت شوهت سمعتي، مشكور
مقصرت
عفته ورحت ألملم اغراضي لحكني ووكل كبالي
-يعني هسه أنتِ أخذتي موقف وطلعتيني بلا شرف لإن ردت احميج
-هم كآل احميج سرمد هو ماخذ عليه نظرة، أنت هسه اكدتله
-والله مااعرف شكلج اني حاليًا ممستوعب، كل ألي أعرفه ردت راحتج، شو انكلبت عليه وطلعت بلا شرف، وبعدين ردة فعلج ممفهومه مفروض أنت واثقة بنفسج وميهمج شيفكر عليج إي مخلوق
-أني كلشي أتقبل بحياتي ماعدا أحد يجيب طاري شرفي، إني انسانة تعبانه على روحها، متربية أحسن تربية
لبست جنطتي وختمت كلامي ويا
-باجر أفرغ الجهاز من برامجي واجيبه الك
غادرت المحل وأني احس عقلي يريد يوكف ململة قبظة أيدي وضاغطة على اصبع السبابة من كد ما مشدودة أعصابي، نزلت دمعتي گبل مسحتها
كمية الانهيار ألي كاعد اعيشها ماكو كلمة تعبر عنها ، سالفة بنتي ريان، كابوس مجاهد وهسه تصرف سرمد، الدين ألي عليه، وكعة خالة، الماضي الحاضر دائماً
وياهن عدم نوم بسبب ريان وعدم آكل
حسيت فجأة توازني اختل مااعرف شلون وكعت محسيت على شي غير ضجة فوك راسي وبنية بعمر العشرين تذب عليه مي تغسل وجهي وجسمي كله يرجف ،اجه سرمد وكف كبالي ممستوعب وواضحه على ملامحه الخضة
طلب سرمد من البنية تساعدني ،سندتني البنية ودخلتني للمحل كعدت كل أطرافي بارده معافتني جاب سرمد جهاز ضغط مااعرف منين قاسلي الضغط طلع هبوط حاد
تشكرت من البنية وراحت
بعدها اجه قريب عليه سرمد
-اسف نسرين متوقعت هذا الشي راح يأذيج الهاي الدرجة الله يشهد عليه ردت بس ابعده عنج ، لإن أعرف مجاهد ميتقرب صوبج من يعرف ، نسرين والله العظيم مااعرف شحجي، أني مشوهت سمعتج بلعكس كتله أني أريدها وهي تريدني بالحلال بس أهلي ميقبلون لإن ارملة
بقيت ساكته شال العصير وطلب مني أكمل شربه
هزيت راسي بمعنى ما أريد
-نسرين كليلي شنو يريحج أسوي، نسرين احجي شي آني متأذي لأن بسببي حالتج هيج صارت ، أنتي غالية عليه مو مجرد بنية تشتغل بمحلي
أنت تقرأ
قضية لا تموت
Fiksi Umumكاتب للروايات تسرق فتاة عقله بغموضها وقضيتها وحكايتها تشوش العقل ! قالت لهُ لا تتجاوب معي إهمل رسائلي لأنني سأحولك لشخص مريض لا يثق حتى في نفسهُ وانتم كذلك أيها المتابعين إن دخلتهم وتعمقتم بسطور هذهِ الرواية ستجعل منكم شخص لا يثق حتى ف...
