|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا
ضحگت وگلت: شبيك آدم هاي بلسم
ابتسم وگال: اي اعرف بلسم بس منو هي
حسيت الكلام ضاع مني وماعرف شلون اگدر احجي حرف واحد
انطيت بلسم لاندي الي لهسة متعجبة ومصدومة من كلام آدم
رجفت شفايفي واني اگول لاندي: اخذي.... اخذي حسوني وبلسم ليجوة
رادت تحجي بس قاطعتها وحجيت بـتوتر: اندلس عفية بعدين نحجي هسة بس اخذي الجهال
دخلت ليجوة واني باوعت على آدم وگلت: تعال ندخل للاستقبال عندي موضوع مهم وياك
حسيتة مستغرب كلامي بس ما نطق حرف ودخل وياي، صح بـنفسي اعاتبة اكثر واكثر بس حالتة النفسية ما تسمح اعرف هسة بـشو جاي يمر ما اريد ازيدها عليه
قفلت الباب ورحت گعدت يمة
لزمت ايديه وگلت بابتسامة متوترة: آدم راح احجي هسة كلام يمكن تنصدم بيه بس اترجاك لا تقاطعني وخليني اكمل للنهاية
_شبيج اري خوفتنيني صاير وياج شي؟
_شفت البنية الصغيرة؟
_الجانت برة؟
_اي هي؟
_شبيها وليش تسألين
نزلت راسي وگلت بغصة ما اعرف شلون ابدي : من سافرت قبل سنة جنت كلش مقهورة على سفرك و دائما احس نفسي تعبانة ومريضة ومالي نفس بأي شي بالبداية جنت متوقعة يمكن هيج مجرد مرض بسيط او بسبب حالتي النفسية بس انصدمت بيوم من فقدت وعيّ واهلي من اخذوني للمستشفى اكتشفت اني حامل بالشهر الاول
رفعت راسي اريد اشوف ملامحة حسيتة منصدم مدري ما مصدگ السمعة
رجعت استأنفت كلامي
_المهم اني بالبداية ما عرفت شاسوي وشلون راح اتصرف جنت اكره الطفل واتمنى يموت بس بمرور الايام من صرت احس بيه وهو ينمو باحشائي صرت اتقبلة شوي شوي لما صرت يومية بكل صلاتي ادعي ربي يحفظة واولدة بسلامة من بعد ما جنت اتمنى موتة لان جنت غبية وما اعرف قيمة النعمة العندي
مرت الاشهر وعرفت بنفسي حامل ببنية فرحت كلش وقررت اسميها بلسم و الحمدلله ولدتها بخير وسلامة وهسة هي عمرها خمس اشهر
هز راسة ررفض ما مصدگ لزمت ايديه وگلت: آدم لا تعذبني وتسوي هيج يمكن انت ما تدري وماعرف ليش وشلون بس بكل الاحوال هذا الي صار اترجاك حاول تضبط نفسك أني محتاجتك هواي لا تخذلني وتعذبني
