أغا الريف

الأجزاء التانية

✦ أغـــــــــا الـــــريــــــف ... 🍷🥂
✦ بـقـلم : استـبـرق دانـيال و راشـيـل زيـــدان

ـ ✦ 𝐏𝐚𝐫𝐭 : 11

ْ
بقات معاها جداتها مرة تغبن مرة تغوت ، حتى فكاتوا لها بلكشاايف ووقفات ناطقة ..

الجدة : [ وهيا قاصدة الماريوا ] نوضي ابنت ولدي نوضي نتي غادا تقتليني قبل لوقت بفعايلك و تخليهم من هد الخدمة اجريو عليا ..

سعاد : [  تتمسح في دموعها ] والله اجدا حتى غير بيت نجربوا وهو وحل ليا في زكيكتي ..

الجدة  : [ ضرباتها بالحوايج لفي يدها ]  الله اقل حياك يا الماسخة  ، مبقيتي مني تحشمي  ..

سعاد : [ قلبات عينيها بلا مبالات ] اويلي يا جدة ياك لعندي عندك علاه انحشم منك ..

الجدة : [ لكانت وصلات جنبها ، هزاتها بقرصة ] مك وباك مرباوكش خاصني نعاود لك ترابي الخانزة ، لبسي هد الشراوط راك غادا تشدي لفراش بالبرد البرهوشة ..

ضحكات سعاد  بخفوت وهي تتحك في بلاصت القرصة و  تحنات واخدا الحوايج تتلبس فيهم وجداتها واقفة عليها كيف قباط الرواح .. لبسات وسلات التبدال وتحنات تتجمع في حوايجها لفزكو ، وشعرها الاسود القاتم المتقصف مبلول مغطي وجهها لعليه بعض الحبوب و جريحات جنب فمها و لطراس نتاع السمطة مزوقين بشرة جسمها السمراء بعض شيء ، بسب العصى لفكل مرة تاكلها من عند باباها ومها ولا خوها .. بعدما سالات جميع هزات عيونها في جداها لكانت ساهية فيها ، وهضرات وهيا مبتاسمة ..

سعاد : الميمة مالك تتشوفي فيا ..؟

فوزية : [ تنهدات وقربات معنقاها تتطبطب على ظهرها بحنان مخلياها حتى هيا تبادلها العناق وفي حضنها تنخشش حاسة بعطفها عليها ] والوا ابنيتي غير كنشوف زمان لحطك وسط زوج ولدين واحد قصح من الاخر  و خوت خاصهم غير سبة باش يحطوا عليك يديهم [ بنبرة باحة بسبب البكاء ] مكنتش باغاك تعيشي هد العيشة محرومة ولجبتيها بعرق كتافك احيدوها لك خوتك لصح منك وقادرين على الخدمة كتر منك ..

سعاد : [ هزات فيها راسها وهي مزالها في حضنها عيونها الفحمية مدمعة ] يكفي نتي لي قدما قْصِيتِي عليا  تتحني  فيا ، ديما كاسياني ومسبطاني وانا وخا نبان لك تنتنفخ ومباغاش نخدم ولكن والله حتى تنفرح فاش تنشوفك فرحانة بخدمتي ومرتاحة .. [ تعلات باستها في خدها وكملت ] الله اخليك ليا اجداتي الحبيبة ..

بتاسمات الجدة وباستها في راسها مبعدة عليها بخطاويها قاصدة لباب وسعاد تابعاها من الخلف والفرحة باينة في عيونها ... امكن فعلا  ماماها قاصحة و باباها اكتر و خوتها مكملين لباهية ... لكن فازت باجمل حاجة وهي حنان جداها عليها ولديما مهلية فيها وممخصصاها من والوا امكن تتضربها و تتقصى عليها في بعض لاحيان لكن هي واعية بانه لمصلحتها وفيه شحال من مرة تتكون دايرة علاش و مزبلها ...