✦ أغـــــا الـــريـــف ...🍂🍁
بـقـلم : استـبـرق دانـيال و راشـيـل زيدان
𝐏𝐀𝐑𝐓 𝟑𝟏
فالاول تعجب لطلبو ولكن لباه وجلس قدامو ، بداوها بتعارف وشويا بشويا بداو كيدخلو فمواضيع كتيرة ، منهم زراعة والفلاحة ... كان كل موضوع كيجبدو فاروق كيتفاعل معاه هشام ويتعمق فيه ..
هشام مكانش شخص قروي فقط عقلو كيسوط فيه ريح .. كان شاب واعي ومتقف متشبع ببزاف الافكار من خلال لكتوبة لكيقرا ومن اهمهم رواية " شيفرة دافنشي " متشبعة ببزاف الافكار والمعلومات لكيحتاجها ناس فحياتو
ناضو كيتمشاو للحقل ومواضيعهم كلها سياسية ، دازت ساعتين بالحساب غير فهاد المواضيع وهوما محاسيينش براسهم حتى لقاو راسهم وسط موضوع تصميم مجوهرات .. حتى كيتصدم باذراكو لذالك الموضوع وشغفو ليه
فاروق : عندك شهادة فهاد المجال
هشام : وي " ضحك بالاستهزاء على محيطو وهو كيلعب بالحجر فرجليه " خديت الباك بميزة ممتاز وقريت وراها تصميم المجوهرات فاش خديت شهادة كنت باغي نقلب على خدمة ولكن باك صاحبي هيا لكتمشى فهاد البلاد ..
فاروق : بغيتي تخدم فهاد دومين !
هشام : " شاف فسما ليالله بدات كتبان فيها خيوط شمس " شكون كره ولكن ملاقيينش فين اخاي فاروق كولشي كيتمشى بالفلوس
فاروق : "حك لحيتو باهتمام " تخدم معايا !
هشام : " بضحكة " علاش ل...
مجرد ماستوعب كلامو وقفو ليه الحروف فحلقو ، شاف فيه بصدمة وعيونو سودة خرجات فيه ، سرط ريقو لنشف ليه وقبل ماينطق دوك جوج حروفة سبقو
فاروق : عارف غاتقول كيفاش وعلاش .. بصح حاليا عمي محتاج مصمم وبا عيني قايد وغاتكون مسؤولية القبيلة كبيرة عليا ومغانقدرش نوفق بيناتهم " اشار ليه لطيلي " غانعطيك طيلي و بيسي جداد تخدم بيهم وفكل سيمانة تبدع ليا مجوهرات جداد وكل تصميم عندك خلاصك فيه
عيونو دمعو بالفرحة ، مقدرش يخرج كلمات شكر ليه فقط اكتفى بعناق رجولي معبر على فرحتو وشكرو ليه ، " دموع راجل فاش كطيح ماشي ضعف " ، بادلو العناق لكان عناق اخوي حار وبعد ثانية بعدو على بعضهم ..
فاروق : " شاف فساعة " سبعة هادي مع 10 دوز عندي نبداو الخدمة
هشام : واخا اخويا
من بعد اتفاقهم على ساعة ودقيقة كلواحد وتفرق لخدمتو ، هشام لتوجه الحقل وبدا فالحرت ولمعة الفرحة باينة فعينيه ، اما فاروق فتوجه لدار لياله وصل ليها لقاها مقربلة بالخدم وتوجاد ، معطاهمش اهمية ومشا نيشان للبيتو يدوش ..
____________
جالسة مع البنات فالكوزينة كتاكل فالخبز سخون مع زيت زيتون ودوز باتاي ، غير مبالية لنظراتهم ليها ولا لحديثهم على القايد جديد وقلبهم قريب يخرج ، يالله خشات اخر دغمة وهيا توقف عليهم رئيسة الخدم
أنت تقرأ
أغا الريف
General Fictionْْْْْ °•• أغَـــــّـــا الـــــرِّيـــــفِ ••° _ عِشقُهَا اَلمُتمَرِدُ أَضحَى بِقَلبِي أَسِّيرَ خَمـرِ شَفَتَيهَا اَلمُهلِكَّةِ ... ✨ _ بـريـشـة : راشـيـل زيــدان و إسـتـبـراق دانـيـال .. 🍂🍁 _ ممـنـوعــة الـــنـشــر بـصـفـة نهـ...
