"أثر الهناء حلم يا حمد"

البارت الثاني والأربعين

طلعت الجدة منيره  من بيتها بعد ماسلمت على دلال واتجهت لأم منصور وقابلها حمدان في الحاره
حمدان:صبحتس الله بالخير يا ام سيف
مشت الجده منيره بدون لاترد وقلبها مشغول تبي تفضفض لأم منصور واستغرب حمدان بس تجاهل وكمل طريقه للسوق
-في بيت ابو متعب-
كانو العيال والرجال كلهم ودلال معهم في الحوش ويتوداعون من بعض والحزن كاسي ملامحهم بس يكابرون على بعض
سعود همس في اذن عمر لأن سيف وعبدالرحمن يتكلمون:الحمدلله انكم للحين عندنا بالعاده ابوي يفطرني في المحل ، هذا حن صرنا ضحى وانا باقي مقابلك
عمر بنفس الهمس:بنسافر وترجع تنكرف لاتفرح
حمد وهو مبتسم وللحين مواصل ورايق :وهالايام صدق بينكرف لحاله ضييعف
مشعل:حتى انت بتنكرف في الميدان وش تحسب العسكريه؟تجهز بس نحتريك تلحقنا
ركان:اههخخخخخ يارجال كرفها ولا كرف البل تراكم مستريحين كلكم حليلي انا بس
سعود:مايحبون يهونون على الواحد تقل فيه جايزه للي يعاني اكثر!
عمر:ههههههههههههههههههههههههههههههههههههه اقول يلا سلم على عمتك واذلف للمحل وانا بمسك خط للرياض ثم اوصل وانوم واشبع نوم واقوم اجدول في العاصمه وانت انحككككر هنيا من المحل للعزبه للبيت
سعود:اهيب ولاتسدك
العيال:ههههههههههههههههههههههههههههههههههههههههههههههههههههههههههههههههههه
دلال سلمت على ابو متعب بنفس الوداعيه المعروفه واللي تنعاد نهايه كل اجازه ببوسة الراس والدموع والاحضان
عبدالرحمن: يله يا ام فارس بنرجع لهم ان شاء الله
دلال:تكفى يا سيف انتبه لأمي ولنفسك وعيالك
ابو متعب وهو مبتسم:الله يستر عليتس وان بغيتي شيء وانا اخوتس ولا لزمتس شيء كلميني انا وعيالي خدامينتس
دلال قربت تحضن ابو متعب الحضن الاخير وهمست بأذنه:سيف امي مهب طيبه تكفى انتبه احد يزعلها او يقهرها خل عينك عليها مدري وش صابها بهاليومين ... يلا سلم على عيالك والله يطول عمرك ويخليك لي سند وذخر
فارس قرب يبوس راس خاله:استودعتك الله يا القايد والقدوة
متعب:هذا علامه قالط معنا ؟ هذا قايدنا حنا انت عان قايدك يحتريك في الموتر
فارس:هههههههههههههههههههههههههههههههههههههههههههههههه خالي سيف في كفه والدنيا في كفه .. نشوفكم على خير الله يحفظكم
متعب:نظامك عقوق مير مدسوسه بالعسل ههههههههههههههههههههههههه
مشعل وعمر اتبعو خُطى فارس وسلمو على خالهم والعيال وركبو ثم دخل ابو متعب وعياله للمشب عشان يطلعون البنات ويركبون
-داخل البيت-
مزون:مدري ليه قلبي يقول اني نسيت شيء! بس يلا
الهنوف: كلامكم كل سفريه وبيتنا نهايه كل اجازه يصير صندوق امانات
بدور:والزين فيكم ماتسرقون
هيا:ابوكم يناااادي اطلعوو! عذبه امس وانتم اليوم ياحبكم للتأخير يلا سافرو خلوني استفرد بذي على راحتي
زينه:ههههههههههههههههههههههههههههههههه شهالكلام بينكم ما كأنه هرج موادع! الله يحفظكم يابنات ويوصلكم بالسلامة
مزون وبدور سلمو عليهم وطلعو وهم متضايقين فعلاً من الروحة وودهم انهم يطولون في الديرة بس حكم الله اقوى وركبو السياره وسافروا
-بنص الخط-
التفت مشعل وشاف بدور ساكته حتى ما فتحت كتبها ولا رواياتها وتناظر الشارع
مشعل:وراك ساكته
بدور:هاه تبيني ارقص؟ مسافرين اكيد بسكت!
مشعل:هذي طنقرة مهب سكوت .. انا مدري ليه تزعلين على الهنوف وانتي تهاوشينها وما تتفقين معها! محد يفهمكم انتم عجيبين
بدور:بعذرك ماتزعل وانت نايم طول الوقت .. طس عني اقول
مزون ضحكت وهي تسمع سوالفهم :يقولك القطو يحب خنّاقه يا مشعععل
بدور:ياخي منيب زعلانه عليها بس مابي المدرسة
عمر التفت وهذي فقرته المفضله:  الله يا هالمدرسه اللي تقلب الصوت... نقرب الفاين؟ شكلها مهيب بعيده
فارس:ههههههههههههههههههههههههههههههههههههههههههههههههههههههههههههههههههه نقولها؟
كلهم بصوت واحد قالو لبدور:
مزون:بكت
عمر:بكت
مشعل:بكت
بدور:يعععععععع يععععع! بابا!!
عبدالرحمن:خلاص انت وياه
فارس:صاحت صاحت .. تبين الهنوف؟ ههههههههههههههههههههههههههههههههه
-استمرت طقطقتهم على بدور ومزون تحاول تدخل معهم عشان محد يلتفت عليها ويلاحظ حزنها حتى هي ويطقطقون عليها ودلال كانت ساااااكته وتفكر في امها ووش مشغلها-