رفعت كتفها عذاري بمعنى عدم المعرفة ونطق اصيل : شرايكم عشاكم اليوم علي
نورا : موافقه بس بشرط ماتذلنا
ضحك اصيل بسخريه : صح انتوا تتفقون بدوننا ماش مافي عشاء
نطقت نورا بعدم اهتمام : مافرقت
تجاهلها اصيل ونطق بمزاح : غدي وعذاري فقط مُرحب بكم
ضحكت عذاري : معليش اذا نورا مافي انا ما اجي
ضحك اصيل يمازحها : وفرتي
كشرت عذاري وشربت شوي من عصيرها وطلعت من البيت ركبت سيارتها زفرت تشوف الفراغ امامها فتحت جوالها تختار اغنيه حطت تايلور سويفت ولبست نظاراتها الشمسيه تغادر القصر .
'
وقفت عند باب القصر لها فترة ما دخلت بيت حمد ولا فكر يناديها استغربت من مناداته لها استجمعت نفسها تدق الجرس فتحت لها العاملة نطقت عذاري : حمد ناداني موجود ؟
هزت العاملة راسها دخلت عذاري القصر تشوف ذكرياتها كلها هنا ، كانت علاقتها مع عمها منذ الصغر جميلة لكن تحولت إلى عداوة بعد موت جدها وبسبب انانية حمد قرر ياخذ كل الورث ومايبقي لاخوه سّيف شيء تنهدت تدخل الصالة بكل ثقه تنسى كل الاشياء اللي تفكر فيها حتى لا تبين ضعفها لـ حمد ابتسم حمد يوم شافها : تو نور البيت
رفعت حاجبها عذاري وابتسمت بسخرية من طريقة كلامه اشر لها على الكنب : شفيك واقفه اجلسي
تجاهلت كلامه وسحبت كرسي تقعد امام حمد ضحك حمد : لهدرجة ما تثقين فيني
ردت عذاري بكل ثقه وغرور : انا إنسانة ما اثق بسهولة فيه سببين الاول ما اعرف الشخص الي قدامي ابدا ، او اني اعرفه كويس
ضحك حمد : لا تبينين القوة وانتي ضعيفه !
ابتسمت له عذاري : ذي كلمتك المعتادة اتمنى تغيرها
حمد : مارح اغيرها لانها الحقيقة
سكتت عذاري و ابتسم لها حمد : جبت لك بشاره حلوه
عذاري : غريبه ، دايم وراك المصايب
حمد : انا اشوف انك شخص كبير وما يحتاج اني افهمك لكن جاك شخص يبي يتقدم لك وانا وافقت
تلاشت ابتسامتها عذاري : يتقدم لي ؟
هز حمد راسه ، عذاري بغضب : على كيفك انت مين قال لك اني بتزوج !
حمد : شفتك تغيرتي بعد علاقتك الفاشلة مع باسل قلت خليني اغير نفسيتك شوي تراني عمك وادرى بمصلحتك
سكرت عيونها بصدمة هزت راسها بنفي : كم مره قلت لك لا تجيب سيرته على لسانك !
ضحك حمد : للان تحبينه ؟
صرخت عذاري: كيف تقرر بدون ما تستشيرني حتى !!
حمد : رأيك مايفرض علي
عذاري بنظرات كلها كره وحقد : في اصعب الايام لي ، توقعت انك بتكون بجانبي !
كملت كلامها وهي تاخذ شنطتها : وين قلبك !!
مشت تعطيه ظهرها ونطقت بصوت مسموع : طبعاً اذا كان عندك
دخلت السيارة و حطت راسها على الدركسون تبكي بصمت تعبت من الاشياء اللي عاشتها لوحدها ما فكر يواسيها حتى مهما حاولت تسوي خير لهم يقلبوها شر لدرجة كرهتهم كلهم ، من بعد موت امها وابوها وهي ماتعرف تتحكم بمشاعرها ، نطقت تكلم نفسها : اف عذاري افف
ومشت تغادر قصر حمد
'
وقفت عند البحر نفس المكان اللي تروحه مع باسل دايم اخذت جوالها وسكرت باب السيارة تقعد عند الكراسي المقابلة للبحر فتحت جوالها تدور على اسم نورا حصلته ودقت عليها ، نورا : هلا
عذاري : فاضيه ؟
نورا : اي وينك ؟
عذاري : برسل لك الموقع تعالي
ردت نورا بإيجابية وقفت المكالمة
