الهَواجس

الـخـتـامـ

أنا غيرهنّ

كنتُ ولا زلت مُختلفة
وجهي، ملامحي، صوتي،رائحتي، وحتى حُبي.

لا أنا هُنَّ
ولا هُنَّ أنا

هناكَ الأفضل
أعلم، وهناك الأجمل
ولكنك لو بحثتَ عمراً فوقَ عمرك
لن تجد فيهنَّ "طيفي ". 💗

تصويت +تعليق +متابعة للحساب

____________________________

رقية

اختاريت حياة ثانية ما تشبه حياتي عند اهلي وركضت وره مشاعر مراهقة متعبة جداً تقمصت شخصية كانت حاجز بيني وبين مشاعري وبين الشخص الي تمنيته سنتين من الصراعات النفسية والجسدية والعقلية تمنيت بيوم من الأيام يجي ويتقرب ويعترف ان هو عنده مشاعر تجاهي بس للأسف ما صارت وكأن رب العالمين ديعاقبني ع الغلط الي اقترفته بحق نفسي من قررت ادخل بهالعلاقة بس ما تراجعت ضليت احاول ومستعدة احاول لأخر نفس بس بشرط ما اهز كرامتي بالعكس ما بينت حبي ولا اهتمام زايد ولا غيرة زايدة اخذت نفس وضعيته بالعلاقة شنو يقدم انطيه بالمثل ما اريد يجي يوم ويگول ذبيتي نفسچ عليه وماشية على مبدأ ومقولة واضحة جداً

لا تتنازل
لا تتنازل عن كبريائك ولا تبدأ بخسارة نفسك
من أجل الحفاظ على من لم يهتم يوما لفقدك..!

لسه راسخ بذاكرتي اليوم الي عرفنا بأفعال حمزة وجرائمه بحق روند وزوجها وبعد ما انسجن ونحكم 10 سنوات بتهمة محاولة القتل المتعمد والي زاد الطين بلة حرقه لبيت مصعب وبستانه والدلائل موجودة عنده بالصوت والصورة..

دخل بيومها علي للغرفة صاير نار كبرة يمشي ويسولف ويه نفسه كل هذا وما شافني اصلاً فاتحة باب الكنتور اريد ارتبه و هو دخل بدون ما ينتبه لوجودي صرت گدامه من انتبهلي صرخ بوجهي بقوة..

-كله من اختچ الحقيرة دمرته دمرت حياته ومستقبله خلته مثل المجنون يسولف ويه نفسه...

-اختي شعليها اذا هو مجرم

رفع ايده بوجهي يريد يضربني ضليت ثابتة عيني بعينه ورجع يكمل بحقد..

-لا تگولين مجرم چان مثل الورد من دخلت حياته تغير وصار غير انسان

-ماضربته على ايده وخلته يسوي كل هالشغلات بعدين تعال اگلك شو جاي تحاسبني اني شكو تره ابن عمي قبل مايصير صديقك وكلنا شاهدين على تصرفاته الي مو اخلاقية بحق روند من كلامه وياكم وغلطه عليها لحد زواجه من وحدة غيرها وجيتها بيوم عرسهم لاتضل تذب الصوچ بأختي وتطلع صديقك مضلوم رجاءاً وشي اخير شغلة ما تخصني لا تجي تدخلني بيها غصب ماعايزة تره

هستوني تحركت اريد ابتعد حرگلي اعصابي جرني عليه بقوة لزگني بيه..

-لسانچ لسانچ ديري بالچ مني بمزاجي تاركچ بس تجي الخبالات محد يخلصچ مني...