"أثر الهناء حلم يا حمد"

البارت الثالث والأربعين

- في بيت صقر -
كانت ساره تتمشى في البيت بغياب شريفه وصقر النايم واستوقفتها صورة ضاري وجلست تتأملها وهي تفكر بحياتها مع صقر وتتساءل عن هذا الإنسان اللي مابقى منه غير صورته واسمه وطلع صقر وهو مستعجل وشاف ساره تناظر صورة ابوه
ساره:بسم الله عليك! مابعد اذن الظهر
صقر:وش تسوين عندتس؟
ساره ناظرت صورة ابوه وأشرت بيدها عليها
ناظر صقر الصورة:ادري انتس تناظرين ابوي مير وش تبين به؟تعرفينه من مكان؟
ساره:لا والله لكن ملامح الطيب بيّنه
صقر بهدوء:فعلاً مايموت إلا الطيب ... والخبيث بيلحقه
ساره ببراءة:اكيد ، كلنا بنموت .. الله يرحمه ، تصدق انك تشابهه؟
صقر ناظر ساره لثواني بدون اي ردة فعل بملامحه وتوترت ساره حست انها قالت شيء ما ينقال أو خطأ وابتسمت بتوتر
صقر:انا مسافر يومين وراجع اقعدي مع امي
ساره بصدمة:تسافر!!!!!!
صقر وقلبه معوره بس يكابر: علامتس!
ساره ضحكت بخذلااان:انت بصباحية عرسك وتسافر! ماعشت معك غير ساعات ياصقر
صقر اوجعه قلبه من نطقها لأسمه وعتابها الواضح:لازم تتعودين على السفريات الضروريه
-اخذ معه ثوب وشماغ وطلع لسيارته وحرك لمطلع الديرتين-
ساره:مازان لتس حظ بأول عمرتس والظاهر مهب زاينٍ بتاليه
-تقدمت لمرآية المغسله اللي عند الحمام وناظرت شكلها وجسمها وشعرها تحاول تشوف لو فيها شيء خطأ ينفر صقر منها ولا شافت غير الزين لكن اهتزت ثقتها وضاااق فيها الفضاء-

صقر ضرب البوري لرايد اللي كان طالع وهو يركض
رايد:علوم العريس!!
صقر بنرفزه:اركككب واسكت ازين لك ... البنت امس واختها اليوم! مافي راسك مخ انت؟؟ (الأخت تُطلق على بنت العم) تبيهم يعرفون ويشكون!
رايد ضحك: يشكون بوش؟ مهربين شيء حنا؟ رايحين نخطب على سنة الله ورسوله اهداااا يابو ضاررري اهدددا وخلها علي
صقر:وضامن موافقتهم؟
رايد:ماحركت إلا بعد الموافقه اصلاً المهم الجدول كالتالي نطلع الشرقيه نريح اليوم وبكره نخطب ثم نرجع و..
صقر:وانا اذلف الرياض واخليك مع خططك وافكارك كمل لحالك
رايد ضحك:ههههههههههههههههههههههههههههههههههههههه المهم تخاويني ذا الخطوة وعقبها سهالات كذا ولاكذا انا راجع الديرة ازين البيت لين يحددون العرس
صقر تأفف وناظر الطريق وهو ماوده يقدم على هالخطوه ما وده يجرح ساره جرحين في وقت واحد بس يتذكر ابوه وحالهم وانقطاع ذرية ابوه بسبب وفاته بدري وتكاثر الطايل وسعادتهم ويحقد لاشعوريًا ، اما رايد فكان يدرس مفرداته ومخططاته بالحرف الواحد ويرتب كلامه وكل اللي ناوي عليه بالطريق ويحاول يستعد أتم الإستعداد

- في سوق الديرة -
مرو عيال الديرة يسألون سعود عن منصور
سعود:اليوم مناوبين عند العفاريت محد موجود غيري يا عيال تبوني؟ لا منصور ولاحمد ولا تركي ولامتعب ولا عيال عمي ولا عيال عبدالرحمن
عوض:قضت الاجازه اجل؟ياشين العطاله ماندري ببداية الاجازه ونهايتها غير من جية فايز الطايل وروحته
سعود:اي بالله قضت ورجعنا للهدوء
-راحو العيال مع بعض لقهوة العم سعد وتركو سعود يشتغل في المحل ويرتب الاسمنت ويرفعه الين مره متعب وهو راكد وجلس معه-
سعود التفت يشيل كيس الاسمنت وانفجع من متعب الجالس: سكنننهم مساكنهم ابك انت علامك داخل لا صوت ولاحس!
متعب تذكر فجعة هيا وضحك بينه وبين نفسه:جنب عني تراني ضايق
سحب سعود الكرسي وقرب لمتعب:وش مضيقك يابو سيف؟
متعب:روحة عم سيف
سعود:وعم سيف رايحٍ يجاهد في سوريا؟ رايح يعلمهم المرجلة ووالصبر ويرجع... حي عينه اخو ساره
متعب:وانا خوفي كله من الصبر حمد عصبي ويتنرفز بسرعة خوفي احدٍ يستفزه ويخرب عليه مستقبله وحنا بالقوة قدرنا نضّبط جزء من المستقبل
سعود تنهد:على طاري المستقبل متعب لازم تعرف
متعب انشد بانتباه:شصاير! انا مايروعني ولايهز ثباتي غير نبرتك هذي
سعود نزل عيونه:مدري شلون ابداها الصدق
متعب:سعود اخلص!!! عمي قايل شيء؟
سعود ناظر متعب: انا حامل
متعب تنح شوي يحاول يفهم ولا صحى إلا على ضحكة سعود وهروبه من المحل ولحقه متعب بسرعته كلها يطلع حق الرعب اللي زاره من هبال سعود وقعدو يتراكضون ويتطاردون في سوق الديره
متعب:والله ان لزمتتتك لا اسقيك من دمك ياسععععود
سعود كان يركض وهو يضحك وهذي طريقته في إخراج اللي حواليه من الضيقه مايعرف غير هالأسلوب وهالمزح