حكايتنا بتدا من زوجه جشعها وحبها للمال وقعها في المحظور وبحر الخيانه تحت سيتار الفقر هو السبب وزوج مطحون في ساقيه الشغل عشان يوفر مطالب زوجته وبنته وصاحب عقده النقص والغيره من صاحبه استحل حرمه بيته وطعنه في شرف بيته مستغل فلوسه ونفس مريضه جشعه تجاه المال
تعالو بينا ندخل مع الشخصيات ونشوف الحكايه بدأت ازاي
* خناقه كل يوم في بيت خالد و امال عشان الفلوس
امال . خالد انا عوزه ٥٠٠٠ ج عشان اجيب فستان احضر بيه فرح اختي
خالد . ٥٠٠٠ ج اجيبه منين انتي عارف الظروف دي مرتب شهرين حرام عليكي وما تاجري اي فستان او روحي بأي فستان من عندك
امال . نعم فستان متاجر ايه انت مجنون لا طبعا وبعدين انا اخت العروسه وكمان استحال احضر بفستان قديم انت عوزهم يقولوا عني ايه النهارده تكون عندي الفلوس يا خالد اتصرف عشان الحق اجيب الفستان قبل ماحدش ياخده
خالد. يا شيخه حرام عليكي انا ماشي كان يوم اسود يوم لما اتجوزت. كل همك الفلوس ومظاهر وبس انا بشتغل اكتر من شغله ومش ملاحق علي طلباتك
وخرج خالد ورزع الباب وراء وراح علي شغله أما امال
امال . وهي بتكلم نفسها اوف ايه القرف ده انا الا غلطت يوم ماتجوزتك من بين كل الناس اتجوز واحد زيك ليه مكنتش زي مها بنت خالتي الا تجوزت راجل اعمال كبير ولا ساره اختي الا جالها محامي كبير ومشهور وانا الا حظي وقعني فيك
وفضلت تكلم نفسها أما عند خالد الا راح الشغل وكان مخنوق من آمال الا طلبتها مش بتخلص ابدا وعمال يفكر هيجيب منين الفلوس ومين هيسلفه المبلغ ده عشان يقطع عليه تفكيره
ايمن زميل خالد . يا خالد المدير الجديد عوزك في مكتبه
خالد . خير استر ده عوز ايه هو كمان
ايمن . شكله عوز المشروع الجديد الا انت شغال عليه
خالد . يا دي النيله المشروع لسه مش خولص اعمل ايه
ايمن . هتعمل ايه روح ليه بدل مانت قاعد تندب حظك
خالد . طب هروح اهو وامري الله
واخد خالد المشروع وراح اوضه المدير وخبط لحد ماسمع صوت
المدير . ادخل
خالد . صباح الخير يا فندم
وهنا بيرفع شاب ٣٠ رأسه وبيبص لخالد
المدير . ايه ده خالد السيوفي مش معقول وكان بيقوله وهو جواه كره كبير لخالد بس بيخبي ده
خالد . تامر مش معقول انت رجعت امتي من السفر وحشتني يا صاحبي
تامر الا هو المدير الجديد . رجعت من اسبوع بس بجد صدفه اني اشوفك هنا في شركه والدي المهم احنا لينا قاعده مع بعض بس اهم حاجه اخبار المشروع الجديد
