كل الامان في حُبك وكل الاماني قربك

B40

<< للتذكير >>
مُلهم : يصير خير ان شاء الله
ضحك ذياب وقال : إذا م انذبحنا كلنا
نادر : والله مالي شغل
احمد : لا بالله ؟ إذا نويدر ماله شغل اجل انا مالي شغل
مسعود : ولا انا
ذياب : إذا كلكم مالكم شغل اجل من له شغل ؟ انا ؟
ضحكوا و قعدوا يسولفون شوي و اتجه كل واحد لـ بيته
~
و عند ديـم فـ البيت ..
قاعده بـ الصاله عابسه بـ ملامحها لحالها طفشانه م تدري وش تسوي م حست الا بـ صوت الجرس نطت تفتحه ، فتحت الباب و شافت محمد الي كان واقف بتعب و إرهاق ، نطقت وقالت : حمود شبلاك ؟
تقدم محمد و قعد عـ الكرسي وقال : والله ي ان الشغل لعب براسي لعب م بعده لعب
ضحكت تقدم له كوب ماء : هاك اشرب
انسدح وقال : ايه شسويتي هاليوم
ديم : ابد منتظرت..ك
قاطعها جوال محمد الي فز يدق ، قطب حاجبه من شاف رقم غريب ، تقدمت ديم تقعد جمبه وقالت : من ؟
محمد : رقم غريب
ضحكت ديم وقالت : اقص ايدي لو مب روضه !
رفع الجوال من بدا يرد السلام : عليكم السلام ! من معاي
المُتصل : محمد ؟
محمد : ايه نعم ، عفوا بس من انت ؟
المُتصل : معاك اخو فلانه
محمد بذهول : يالله حيه
المُتصل : الله يحييك و يبقيك ياعين اخوك ، والله ماتقصر على الي سويته
محمد : ابد م سويت شي ذا شغلي ، و الحمد لله على سلامتها
المُتصل : يسلمك ربي ياحبيبي
و كملوا حديثهم لين قفل محمد ، قطبت ديم حاجبها وقالت : مييينن الحمد لله على سلامتها !!
ضحك محمد وقال : استهدي بالله ، ذي وحده انقذناها من مجرمين هاليوم ب الشغل و اخوها يدق يشكر
شمقت وقالت : طيب
ابتسم يسحبها عنده وقال : تغارين ليه وانا عيني م تشوف غيرتس و قلبي م يحب غيرتس ؟
ابتسمت تبوسه على خده وقالت : احبببكك
ابتسم وقال : مهوب كثثري
~
ف بيت ابو سلطان تحديداََ
نجد : بنات جوععااننه
ريهام : تعالي مشينا للمطبخ
نجد : طيب تقدمي حجيك
ريهام : تم
تقدمت ريهام تدخل و شافت سالم الي قاعد على همه ، لبست طرحتها وقالت : سالم ؟ وش تسوي لحالك هنا
فز وقال : ابد جيت اسوي لي قهوه
ابتسمت وقالت : اها زين بالعافيه
سالم : يعافيس ربي ، وانتي وراتس جيتي ؟
قاطعهم دخول نجد الي دخلت بحماس وقالت : رييهاا..
ريهام : بسم الله وش فيتس
نجد وهي تحاول تلقط انفاسها انصدمت من شافت سالم موجود وقالت : ااء ولاشي
عبس بملامح وجهه و كمل يسوي قهوته ، طلعت ريهام تجيب اندومي من غرفتها لأجل يطبخونه هي و نجد و قالت نجد بهدوء من بقى هي و سالم لحالهم : س..الم ؟
لاحظت انه يصد عنها ولا يرد قالت بصوت متذبذب : اشبك زعلان مني ولا ايش ؟
اخذ سالم قهوته و لا ناظر لها ، طلع بعدم رد و انقهرت نجد من حركته ، غمضت عيونها بـ حسره وقالت : انا ايش سويتتت
دخلت عليها بيان وقالت : هلاااا والله
نجد : هلابك بيون
بيان : توني شايفه سلوم طلع من هنا لايكون قال شي
نجد : بيان م قال شي !! انا الي قلت وهو م يرد عليا لييييييه
بيان : الولد جته عقده نفسيه منكم كل م حب وحده تروح من يده وهي راضيه
طلعت نجد تبي تروح تكلمه ، لمحته واقف لحاله متكي على الجدار يشرب قهوته و يناظر السماء و هدوء البيت محد له حس ، قربت وقالت : سالم
لاحظت عدم رده و قالت بصوت عالي : سااااللممم
فز بصدمه يوخر السماعه من اذنه وقال : شبلاتس انتي !! خبله ولا ويش
نجد : اوه لابس سماعه ونا صار لي ساعه اقول سالم
سالم : شتبين ؟
نجد : ابغى اعرف انت زعلان مني ولا ايش ؟
ضحك بـ استهزاء وقال : وراتس م تروحين لـ سياف ؟
نجد ب عصبيه : سالم !! بتقعد كل شويه تقول لي روحي ل سياف ؟؟ انا وافقت عليه لان انت م جيت تطلبني من اهلي تبغاني اقعد الين متى انتظرك
سالم بنفس ردة الفعل : نجد انتي لو تحبيني كان انتظرتي زين ؟ لا تقعدين تضحكين على نفستس زعلت ولا م زعلت هذي شي م يخصتس ابد ولا انتي داريه اني جاي اتقدم لتس وانا قد كلامي بس حصل خير و الله يتمم لتس على خير ..
نجد بغصه : يعني لو رفضته حتخطبني !!
لف ياخذ جواله و سماعته و صد بدون م يرد و طلع يروح ل صالح ، نجد بقهر : انا غبيه !! كيف حيخطبني بعد م وافقت على غيره
~
عند صالح و سالم تحديداََ .
صالح : سلوم عسى خير ؟
سالم : صلوح ودي اطلع اسافر
ضحك وقال : تمزح ولا وش ؟؟
سالم : م امزح ! و باخذك معاي
صالح : اجل قدام
سالم : صلوح منجدي اتكلم والله العظيم ودي اطلع اتنفس ودي م اشوف هالتشكيلات
صالح : اجل نروح ل عيسى فـ أمريكا !
فز وقال : تم ثم تم
صالح : خلاص اجل اكلمه و نشوف كيف
سالم : حبيبي وش نشوف كيف هاليوم بنروح
صالح : أعوذ بالله سلوم استهدي بالله
سالم : صلوح تكفى
صالح حك شعره وقال : زين ع الاقل بكلم ابوي
سالم : الحين سريع دق عليه وانا بروح اعلم خلف وهو يعلم اهلي بعد م نحرك
صالح : ليه خلف ! علم فهد اخوك
سالم : خلف متفاهم فهد اخوي بيقعد يهاوش
ضحك وقال : خلاص علمه و تعال قل لي
~
عند البنات
نزلت انفال معاها لينا وقالت : وااه تجننن
ضحكت ريهام وقالت : عيونس الي تجنن
بيان : خييير !! لو اميره هنا م راح تترك سيوف
انفال : كل م جاء حفيد للعائله تصير معزته غير
ريهام : بيون م رحتي تفحصين ولد ولا بنت ؟
ضحكت وقالت : خليها سبرايز لكمم
ريهام : خخيييرر علمييناا
انفال : احم م بنعلم خليف
بيان : احم ذي م تطمن بعدين اظن انه يدري
انفال : اخلصيي
بيان : وعد ؟
ريهام : وععدد
انفال : و ع د
بيان : فنو قسم اطرحس
ضحكت وقالت : ودي أعلمه بس يلا وعد
ضحكت وقالت : ولد
شهقوا وقالت ريهام : اوووف يعني اخخ ل سيووففيي
بيان : اييهه
انفال : فيه اسم فبالتس ؟
بيان : سلطان على جدده
انفال : عااشش سمي اخووي
ضحكت وقالت : تعيشين ، ان شاء الله اولد ب السلامه بس
ردوا بصوت واحد : ان شاء الله
~
تحديدا عند سالم و صالح ب السياره .
صالح : يلا توكلنا على الله
سالم : قلت ل خليف يعلمهم إذا اقلعنا
صالح : ايه زين مشينا
بعد مرور ساعات طويييله ، تحديدا فـ بيت ابو سلطان
ام فهد : سعود وين ؟
فز سعود وقال : لبيه يمه
ام فهد : وين اخوك
سعود : عندي خوان نفداس اي واحد قصدس
ضحكت وقالت : سالم وين ابيه
سعود قطب حاجبه وقال : والله مدري م شفته تلقينه طالع مع خويه ضايق صدره هاليوم
قاطعهم دخول دخول خلف وقال : يخاله
ام فهد : هلا ؟
خلف : ودي اقولتس شسمه
دخلوا البنات الصاله و شافوا الكل متجمع
ام فهد : وش ؟
خلف : سالم
ام فهد : شبلاه
بيان : خلوف شصار ؟
نجد بخوف : يمه اشبه
خلف تقدم وهو ماسك ورقه بـ يده ، وقال : افتحي
ام فهد بتعجب اخذت الورقه و فتحت الي كان يقول فيها ( السلام عليكم ي اهل البيت ، اول شي مابي احد يخاف م فيني شي الحمد لله ، بس قررت اسافر ل خارج البلد ودي اخذ لي فتره لحالي النفسيه تعبانه ، ثاني شي يمه لا تخافين إذا دقيتي و م رديت تكفون ابي ارتاح شوي انا مدري كم بقعد بس يمكن أطول .. و معاي اثنين من اخوياي و انا الصدق مابي اعلمكم وين مسافر علمت خلف وهو يدري بكل شي و يمكن اذا فتحتوا الرساله يكون قد اقلعنا ، معاي فلوس م قصر خليف و اموري تمام الحمد لله ، فهد و ريهام ان شاء الله تكبر بنتكم و تفرحون فيها و بيان ان شاء الله تولدين بـ السلامه ، عسى ربي يتمم لـ اميره و غيث و صقر و سُميه على خير و يرزقهم الذرية الصالحة و ربي يتمم ل سياف و نجد و يرزقهم من واسع فضله ، استودعتكم الله ولدكم : سالم )
انصدمت ام فهد وقالت : خلف تمزح معاي !!
نجد بصدمه : بيان اقرصيني انا ف حلم ولا علم ؟؟؟؟
سعود : يمه الله يهديتس م عليه اتركوا الولد يرتاح شوي دام معاه اخوياه بأذن الله م عليه شي
خلف : بأذن الله
ام فهد : و م جاء يودع !!
خلف : يخاله والله انه كان خايف تمنعونه م علم احد الا انا
جلست ام فهد وهي تستوعب وقالت : ذا مهو سالم ولدي مستحيل يسوي كذا
نجد : ليه طيب ليه !!
الجده بشرى : يوصل بالسلامة ان شاء الله
خلف : خاله هو إذا ناقصه شي بيتواصل معاي لا تخافين
ام فهد : طيب بس ليه !! راح كذا بدون سبب
بيان : مو قال نفسيته تعبانه اتركوه
ام فهد صدت تستغفر و انصدمت نجد من الي صار وقالت : معقوله كل هذا زعل ؟
بيان بهدوء : اسكتي انتي بعد
خلف : استهدوا بالله ماله داعي كل ذا الولد راح مع اخوياه و م عليه شي بأذن الله
-
عند اميره و غيث
دخلوا للـ بيت بتعب و جلست اميره على الكرسي تضحك على حالتهم وقالت : اهه غيوث وربي مشينا واجد
ابتسم يرفعها لـ حضنه و طلع فيها لـ غرفته و اميره الي كانت ميته ضحك قالت : خلاص خلاص وقف بمشي
ضحك و قعد فـ الكرسي وهي فوقه وقال : مانيب تاركش
فزت تبي تقوم و سحبها له و قام يطلع مسرع فـ الدرج حاوطت بيدينها على رقبته وقالت : يمه يمه بطيح
ضحك يفتح باب الغرفه و دخل وقال : وصلنا
فتحت اميره عيونها بذهول وقالت : الله ذي غرفتنا !!
غيث : ايه ذي
وقفت تتأمل جمال الغرفه و تفاصيلها المُبهره ، ابتسمت وقالت : غيوث والله ذويق طلعت
ابتسم وقال : ياعين غيوث اهم شي عاجبش كلشي
اميره : داامه على ذوقك يعجبني طبعاا
ضحك ينسدح على السرير وقال : وراءنا سفره نوم يلا
دخلت لغرفة التبديل تبدل اخذت لها بجامه حرير لونها ابيض مع شورت و ربطت شعرها ذيل حصان و مسحت الميكب و دخلت بتعب وقالت : متى رايحين الليل ولا ؟
فز بذهول من شافها وهو هايم فـ جمالها ، ابتسم وقال : بعد أذان المغرب
قربت تنسدح جمبه وقالت : امم حلو حلو
شدها له وقال : الحلا كله فيش ! نذر اني خذيت اميره
ابتسمت بخجل من اختلطت انفاسهم ببـعض ، غمضت عيونها من قبلها على مبسمها ، ابعدت من احمر وجهها م تعودت على كذا ، انسدحت و دخلت فـ سابع نومه و غيث كذلك
~
اما سُميه و صقر الي كانوا بـ الطائره تحديداََ
ابتسم صقر من شافها نايمه على كتفه ، طبطب عليها بهدوء وقال : سُميه
فزت وقالت : هلا
صقر : هذانا وصلنا
قامت متكسره و نزلوا ، اتجهوا للـ الفندق يدخلون و معاهم أغراضهم ، انسدحت سُميه بتعب وقالت : مالي خلق اقوم ابدل اهخخ
ضحك وقال : نامي نامي بروح اخلص كم شغله وجاي
سُميه : تم
~
فـ أمريكا تحديداََ
قام صالح و شاف سالم و عيسى الي قاعدين بـ الصاله يضحكون ، ابتسم وقال : صبحكم الله بالخير
عيسى : صبحك الله بالنور ، تعال تعال كل
قرب صالح يقعد ياكل وقال سالم : ها م تبون نطلع
عيسى : بنطلع ليه م نطلع
سالم : عيسى ياخوك والله مابي اكلف عليك
عيسى : وشو ؟ تكلفون على من خواني محد غريب
ابتسم صالح وهو يحب يسمع هالكلمه بذات منهم : ياعين خوانك انت
عيسى : هيا نجهز و نروح
سالم : دامك تقوله اجل تم
~
يُتبع .
~
( قراءه ممتعه ❤️❤️. )