|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا
اشرت عالدائرة وگلت: منيلك هاي
عگد حواجبة وگال:تعرفينها؟
هزيت راسي بحيرة واستغراب وگلت: اي أي اعرفها
وجهة بسرعة تغير للون الاصفر لزم ايدي وگال بتوتر: تعرفين لمنو هااا احجي بسرعة احجي
بلعت ريگي وكلت: اي هاي هاي الگلادة جانت لآسر وهاي صورتة من جان صغير بس شسوي يمك وليش تسأل
ايدة گامت ترجف وبالگوة گام يسيطر عليها
بسرعة گمت من مكاني ولزمتة من ايدة گلت بقلق وخوف
_ آدم شبيك شبيها ايدك
مسح وجهة وشفايفة يرجفن ما يگدر ينطق
باوع بعيوني وگال: أري عيوني أنتِ متأكدة هاي لآسر
_ورب الكون شلون ما اشوفك گدامي متأكدة مليون بالمية هاي صورة آسر من هو صغير وهاي الگلادة قبل مادري كم سنة ضاعت جانت بيها جزئين وكل جزء بي صورة الة وصورة أمجد بس صورتة ضاعت وبقى الجزء البي صورة أمجد بس انت ما گلتلي هاي شسوي عندك وليش تسال
_اذا مثل توقعي فآسر هو الشاهد الشاف اخوية وابوية من انقتلوا لان هاي الگلادة جانت بالمكان الانقتلوا بي جان عندي امل ضعيف صاحب هالصورة شاف الصار ويگدر يشهد ضد حماد وجماعتة بس ما توقعت راح الگاه ويكون آسر
_يعني آسر هو الشاهد الجنت ادور عليه
_اي هو
_بس شمدريك هو يمكن گلادتة صدفة وگعت بذاك المكان
_ادعيلي اري ادعي آسر نفسة الجنت ادور عليه لان راح يكون تغير قوي بصالحنة من ارجع افتح القضية
طلع موبايلة من جيبة وصار يتصل اتوقعت على آسر جان يمشي بتوتر وخوف عبالك ينتظر قرار مصيري
فتح الخط وبسرعة بدون اي مقدمات گال
_آسر انت وين
_وعليكم السلام اعذرني ما سلمت شوية دايخ انت وين هسة محتاجك كلش ضروري
_لا لا مصاير شي بس عندي موضوع شخصي وياك عندك مجال نتشاوف
_لا لا اذا تريد تعال على بيتي
_يالا في امان الله منظرك
غلق الخط باوعلى واتنهد وعيونة تحولن للون الاحمر امبين رجعتلة ذكرياتة ليوم وفاة اهلة
