أغا الريف

الأجزاء 10

أغـــــا الـــريـــف ...🍂🥂
بـقـلم : استـبـرق دانـيال و راشـيـل زيدان
الفـصل الأول :رذيــلـــة أنــثــى أذلــهــا الـحــب
𝐏𝐀𝐑𝐓  91

هزات سعاد عيونها بسرعة معلقاهم عليها و من فوق الكنابي وقفات حانية راسها باحترام ليها و بصوت منخافض نطقات ..

سعاد : سمحي ليا الالة غير كنت تنطوي الحوايج وعيت و ....

خديجة : [ بنرفزة ] مقلتش لك قراي عليا زابورك  [ قربات لعندا بخطاوي تقال وموزونين ] ومني نتي مقاداش على الخدمة اش جابك ليها هاا..

سعاد : [ بنبرة هادئة ] سمحي ليا مكنتش قاصدة الالة ..

خديجة : [ طلعاتها وهبطاتها بسخرية ] تحركي جيبي ليا الماء ومسدي ليا رجليا ضروني ..

سعاد : [ حركات لها راسها بالايجاب ] وخا الالة هي اللولة ..

تمشات قدامها قاصدة الحمام بخطاوي سراع وهي تتلوي في كمام يديها لهبط و تطلب ادوز هد نهار بخير وبلا مشاكيل ، ممستعداش عاود تعرض لشي اهانة اخرى من طرفها ..

في جهة تانية وبالضبط في أمريكا " نـيـويـورك "

واقف في المحل تقاد في المجوهرات وتمسح الغبرة على البعض الاخر ، تسمع جرس الباب و لتافت للداخلين كان شاب وشابة وفي يد بعض شادين من لباسهم تعرفهم ناس على قد الحال ، قرب لجيهتهم و على شفايفو ابتسامة بالكاد تتبان و بنبرة رزينة نطق ..

حكيم : مرحبا ، شنو حب الخاطر ..

الشاب : [ ببتسامة عريضة ] شكرا اخاي ، بغيت خاتم زواج شي حاجة زوينة وفي الاستطاعة لله اخليك ..

حكيم : [ حرك راسو بالايجاب وتحنى جابد بواط كبيرة فيها مجموعة من الخواتم و حطها قدامهم ناطق ] ختار لاناسبك ..

شاب : [ طبطب على صدرو كحركة شكر ناطق ] احفظك اخاي .. [ لتافت لبنت لمعاه ناطق ] ختاري لاناسب صبعك ومقاسك احبيبة

شابة : [ بحياء مبتاسمة ] زوينين ولكن باينة غالين بلاش  [ شافت في كريم وقالت بخفوت مسموع ليه ] بغينا ارخص حاجة في المحل اسيدي وسمح لينا انعدبوك ..

حكيم : [ حرك راسوا بالرفض ناطق ] لا بالعكس مكاين مشكل ولكن راه هدا ارخص شي ..

شابة : [ بتوتر ] وشحال تمن ..؟

حكيم :  1000 دولار ..

شابة : [ برفض ] لا غالي بلاش يالله نشوفو محل تاني اكون رخص ..

حكيم : [ شافها كيفاش عجبوها ولمعة لكانت في عينيها طفات بعدما سمعات تمن نطق ] لكن كاين فيهم خصم 50في لمية

شاب : اه اه صافي اناخدوه ..

عزلات لبغات وخلصوا وخرجو فحالهم بينما كريم رجع مكمل شغلو ، مر وقت طويل بعض الشيء حتى عاود سمع الباب تحل لتافت ببتسامة حتى لمحها في ديك الحالة وشعرها مشنتف و على خدودها بعض ندوب  وحتى فيديها بينما حوايجها مسخين ومقطعين و في رجليها حافية ، منظرها خلاه اشفق عليها و لكن عملتها خلاتو ارجع لوعيو و اخنزر فيها ...