AHALINA
(Siblings of different fathers )
Book two 'in Aure uku series
By chuchujay
Episode 3⃣1⃣➡3⃣2⃣.
NASREE VENUE.
Cike Nasree Venue yake ,katafaren guri da aka ƙirkiresa saboda taro irin na manyan malamai da walima,
Taro ne ake a gurin na manyan malamai waɗanda kana kallansu kasan malamai ne na gaske da gaske ,
Duk cikin su malami ɗayane yaro wanda bazai wuce shekaru Talatin da tara ba da haihuwa,
Wani dattijan malami ne Ya tashi yana Mai gabatar wa ta buɗe seminar ɗin da suka taro domin ita,
Kiran babban baƙo aka fara wanda shine Abdallah amma bai ƙaraso ba.
Tunda ya iso harabar gurin yake jinsa gashi nan dai amma hankalin sa ba kwance ba baki ɗaya,
Daliban da suka taru dan bawa ilimi a gefe Ya kalla bayan Shigarsa gurin bayan sa da masu basa tsaro,
Yana shiga Ya samu gurin da aka tanada dominsa ya zauna ,
Bayan wasu mintuna aka gayyacesa domin zuwa kan stage yayi jawabi,
Tafi guri Ya ɗauka inda shikuma ya taka yana Mai faɗaɗa fara'arsa ,
Bayan yayi sallama yafara jawabinsa cikin iyawa da sani,
Bayan wasu lokuta ya bada filin tambaya inda yake amsawa duk wani Mai tambaya cikin hikima da ilimi,
Daga chan baya guy d'in dake baya ne fuskarsa ɗauke da face mask Ya ɗaga hannu alamun zaiyyi tambaya inda aka basa dama yayi,
Daga zaune mic na hannunsa yace "akaramakallahu munajin labarai akanka wanda muke da yakinin gaskiya ne amma muna so ka sake sanar mana da gaskiyar akan maganar tunda mu nan kowa yanaso ne a ɗora ka a kujerar shugaban matasan malamai,"
Tambaya ta anan kuma itace"shin menene gaskiyar zama mahaifinka ɗan shan jini wanda Ya tara dukiya da kuɗin jinin mutanen da basuji ba basu gani ba,sannan mun tsinci labarin cewa ka gaji wani abu daga cikin dukiyarsa ta haram ,Shin menene gaskiyar Al'amarin?"
Shin ka zama babban malamine a yarda kake yanzu dan kawai ka boye tabon mahaifinka da baka san mutane su faɗa?
Daga kusa dashi ɗayan yace "Haka maganar take dan Babu wanda bai sani ba dan hatta mahaifiyarsa ance kafun ta Auri mijinta na uku abu yayi ta yaɗuwa Akan suna zaman daduro ne ."
Daga nan sauran abokan da suka zo tare suka fara fadin "a faɗa mana gaskiyar Al'amari,"
Take jikin Abdallah Ya fara karkarwa dan a rayuwarsa ta duniya babu abunda bayaso kamar ace yau ana masa magana kan mahaifinsa ko Akan clip ɗin mahaifiyar sa da yayi yawo a baya wanda yake ƙanzan kurege ,
Haka nan yaji jikinsa Ya fara kyarma musamman da yaga kowa kallan sa yake yana jiran yaji ta bakinsa sannan ga yan jarida kowa na faman haska masa camera suna san ɗaukar zazzafan shayi ,wani irin jiri yake ɗibansa,cikin nutsuwa ba tare da yace komai ba Ya fita daga kan mambarin yana mai jin kamar zai faɗi,
Ɗaya daga cikin waɗanda suke basa tsaro ne yayi saurin zuwa Ya kamosa inda suka taimaka masa suka fitar dashi a gurin yayin da kowa ke ihu da ikirarin Ya dawo Ya fadi gaskiyar abinda ake faɗa ɗin yayin da shikuma yake jin muryoyi da yawa suna masa tsiwa a kunne ,
Yana zuwa bakin motarsa hannu Ya ɗagawa wanda Ya kawosa inda Ya fahimta yaja baya,
Ya jima a motar shi kaɗai yana san kansa Ya dai daita kafun yaja motar yabar harabar gurin,
Shikadai yake bulayi a titi dan baya san zuwa gida a haka,so yake yayi kuka sannan yana so wani Ya ara masa kafaɗarsa yayi ,bashi da kowa a wannan lokacin da Ya wuce yan uwansa biyu,Nameer da Nadiya waɗanda bazaiso takura masu da damuwarsa ba Ya ƙara masu ciwo Akan wanda yake damunsu,hakazalika iyayensu sunfi kowa shiga damuwa dan me zai ƙara masu da nashi,
Duk cikin yan uwansa shine wanda Ya samu uba mafi muni wanda Ya barmasa tabo mafi muni,duk yarda yaso Ya nuna He's okay amma abun yaci tura He's not and yau Ya kara tabbatar da He's not,
Duk ƙokarin da yake wajen zama mutum nagari amma sai da aka samu waɗanda suka binciko bakin mumunan bayansa suka yab'a masa a wajen taro mafi muhimmanci gurinsa,a gurin taro da matasan dalibai ke dubansa a matsayin abun koyinsu manyan malamai suke ganinsa da daraja amma a yau magana ɗaya wadda take dole tana jikinsa ta zubar masa da dukkan wannan kimar ,
Yana wannan tunani tunannin ya juya kan sitiyarin motarsa ya nufi gidan Auntynsa shatuh wadda sau da dama takan basa shawara ga damuwarsa sannan yaji hankalinsa Ya kwanta da shawarar saboda iirin shakuwa da yayi da ita tun yarinta,sau tari idan komai yayi masa zafi gidanta yakanje yayi Clearing kansa na kwana biyu.
Yana isa bakin gate ɗin yayi horn ,Mai gadin na lekowa yaga motarsa babu tambaya Ya buɗe masa,ganin bai kulasa ba Ya saka shi tabbatarwa da lallai yau Abdallah ba kalau ba.
Parking motarsa yayi yana Mai ajiyar zuciya kana ya fito yana Mai takunsa cikin nutsuwa kamar babu komai a cikin ransa amma ransa fal yake da baci da damuwa ,
Yana ƙokarin shiga sashen yaji yayi gware da mutum inda manjan dake riƙe a hannun Mai fitowar Ya zubar masa jikin farar shaddarsa ɗa tayi worthing kuɗi masu yawa,
Bama ta shaddar yake ba tukkuna, ɗaga kai yayi ransa a mutuƙar bace yana san ganin fuskar wanda Ya ƙara masa bacin rai cikin wanda yake ciki.
*
GARABASA GARABASA BONANZA
2024 Shin kuna sane da ban bada garabasa ba?
To ku kwantar da hankalinku ga chuchu dai tazo maku da garabasar sabuwar shekara,
Shin kin fara kin fara karanta YAR AREWA labarin captain Jasmine Bilal shareef da captain Shuraym Sadauki,
Ta tashi da mafarkin zama pilot a yayinda shi da yake kan aikin yake kusheta Akan tayaya ɗiya mace Yar Arewa zata zama matuƙiyar jirgin sama?
Soyayyar da ta shiga tsakaninsu ba tsammani wadda take ƙokarin danne kiyayya .
Ko kuwa kin fara karanta littafin ABLA ADNAN ne labari na matashiyar budurwa wadda bata barin taƙwana ,budurwar da tazamarwa masu kuɗin gaske barazana ,
Shin baki fara karantashi ba ko kin fara kin tsaya saboda kuɗin Ya maki yawa?
Maza zo na maki sauki ki ji yarda soyayyar ABLA take farawa da PRINCE WASEEMUDDIN,kowa na kiranta karuwa harda shima Shin ita ɗin karuwarce?
Maza garzayo gareni ka samu amsa,
Normal price na YAR Arewa book 1&2 N700
ABLA ADNAN N700 complete amma a wanann lokaci na garabasa kuzo na baku ,Yar arewa 1&2 da ABLA adnan Akan farashin naira N600 dukka biyun ɗari shida kacal 🥱ragin N800?
Kamar yayi yawa amma a haka dai Ya zanyi na baku wannan garabasar ta sati,maza kar ayi baku.
0264267657
Gt bank
Amina jamil adam.
09058191213
Dm me
*
Wata irin karkarwa jikin HAFSA Ya fara ganin ta'asar da tayi,tana ƙokarin basa haƙuri bakinta Ya sarke sakamakon ganin mutumin da har ta mutu bata taba tunanin zata sakashi cikin ido ba,
Bakinta na rawa tace "Malam Abdallah?"
Cike da fushi yace"shine Kalmar haƙuri wadda aka koya maki a gidanku?"
Ke makauniyace ko kuma Hankalinki ne ba dai dai ba kina tafiya baki kalla gabanki saboda hauka ko menene?
Dame kuke so mutum yaji ne ,da abunda Ya damesa koda rashin nutsuwarku?
Shashanci banza kawai.
Wani dogon tsaki yaja bayan Ya kai karshen maganarsa yana Mai kallan rigarsa cike da takaici kafun Ya juya Ya koma motarsa,
Rigar Ya cire daga shi sai singlet Ya ninketa ya aje a gefe kana yayiwa motar key yabar harabar gidan kamar zai tashi sama.
Wani irin zazzafan hawaye Hafsa taji yana mata zarya a kumatunta,tasan lafinta ne amma dan me zai kirata da mara hankali,mutumin da take mafarkin gani a rayuwarta ta bawa guri mafi girma a zuciyarta yau gamon su da zaginta Ya fara,
Shin mene Ma yazo yi gidan?
Jin muryar Aunty shatuh ne Ya saka tayi saurin goge hawayenta tana Mai tsugunnawa domin kwashe manjan da ya zube.
Tsaye Aunt shatuh tayi kanta tace "naji kamar muryar Abdallah ina sallah ina kuma yake?"
Kamar jira take a tambayeta wane Ya dake ki taji hawaye yana reto a idanunta kamar suna jira,ƙokarin gogewa ta fara amma Aunty shatuh ta riga da ta gani,
Kamota tayi tace "subhanallah hafsa mene Ya faru,"
Cikin karyayiyar zuciya tace "Aunty ban sani bane na zuba masa manja a jikinsa,Shine ransa ya baci. "
Da mamaki Aunty shatuh ta Kalleta tace"ran Abdallah ya baci?"
Abun da mamaki,amma dai ba wani abu yayi maki ko yace maki ba dai ko?
Kaɗai kai tayi tace "babu abunda yayi mun Aunty,"
Cikin nutsuwa ta Kalleta ,ta tabbatar wani abun yayi mata amma bata san faɗa dan haka tace "shikenan maza gyara gurin dan kansa zai dawo,"
Babu musu ta koma ciki dan gyara inda ta bata hankalinta kashe kan Abdallah tana tunanin menene alaƙarsa da masu gidan?
Tabbas ita ƙaddara a rubuce take babu yarda za'ayi ka chanza ta domin a rayuwarta ta gama yarda da babu yarda za'ayi ta ga Abdallah ko ta taka inda Ya taka,ashe a kaddararsu zasu haɗu a yanayin da bata taba tsammanin zasu haɗu ba domin a dukkan tunaninta Abdallah mutum ne da baya fushi ballantana har yakai ga faɗawa wani magana mara daɗi,
Amma Mai take tsammani ?
Shima d'in dan adam ne Mai zuciyar da idan aka daɗaɗa mata zata ji daɗi idan kuma aka b'ata mata zataji babu daɗi kamar ko wanne ɗan adam.
Bangaren Abdallah kuwa tunda ya figi motarsa tunanin Hafsat da yanayin da fuskarta ta nuna mutuƙar tsoro ne kawai yake damunsa ,
Shi ba mutum bane Mai wulaƙanci amma muddin ransa ya b'aci kamar na yau zai faɗawa mutum maganar da zata damesa sai kuma shi daga baya Ya dawo yana dana sani,
Karamin tsaki yayi yana Mai shafa kansa cike da ɗumbin damuwa ,kai tsaye gida Ya wuce da zummar idan yaje yayi wanka zai koma gidan Aunty shatuh Ya bawa wanann baiwar Allah haƙuri idan Ya sameta ,idan kuma bai sameta ba Ya saka Aunty shatuh ta bata haƙuri a madadin sa,
Yana shiga gida sashen sa yayi kai tsaye hannunsa ɗauke de rigarsa da ta b'aci,
Bathroom Ya shige Ya sakarwa kana ruwan mai dumi ,bayan ya gama shirin sa cikin navy blue kaftan Ya fito domin komawa gidan Aunty shatuh ,yana ƙokarin fita ta kitchen muryar mami ta Katsesa ,
Sunansa ta kira ,juyowa yayi ya hangota a babban falo a zaune,
Shigowa yayi yana Mai buye damuwarsa sosai yace "Mami ina wuni ,"
Yar ƙaramar fara'a tayi tace zo nan zauna.
Babu musu yazo Ya zauna a kujerar dake kusa da ita,
Hannunsa ta kamo tace "i saw everything on the live news,caressing hannunsa ta fara tace "ka yarda dani ko?"
Ƙaɗa mata kai yayi idanun sa na cikowa da Ƙwalla yace "mami na yarda dake fiye da yarda na yarda da kaina."
Kaɗa kai tayi tana Mai goge ƙwallar dake idanunsa yayin da take ƙokari wajen ganin ta boye tata karayar gabansa .
Duk cikin yaranta babu wanda Take tausayawa irin Abdallah duk da kuwa shiɗin yarone Mai ƙwazo da sanin Ya kamata tun yarintarsa sannan uwa uba tausayi ,
Cikin sanyin murya tace "duk wata tambaya da wani zaiyyi maka Abdallah a kullum ka sa a ranka kuma ka sani Mamin ka ba mutuniyar banza bace ,sannan mahaifinka yayi zunubai mafi muni a duniya wanda Ko ni kaina ina tir amma a kullum ban gushe ba wajen nema masa sauki da rahmar ubangiji,sannan kaima na koya maka haka tun yarintarka sannan ina da yaƙinin kana masa Addu'ar neman rahma a kullum,"
Goge ƙwallar dake shirin zuba mata tayi tace "kafun Papanku mahaifinka shine mutum na farko da na Aura saboda soyayya inda shima na yarda kuma na yarda da soyayyarsa gareni gaskiya ce ,lokacin da na samu cikinka ,irin kulawa da Ya bani ba'a cewa komai duk da yana da yawan zafi ,tunda na haifeka kuma yake nuna maka soyayya Mai girma wadda a kullum idan Ya ɗaukeka sai tsoro Ya bayyana a idanunsa wanda bansan na menene ba tunda bani da idea ɗin abunda yake yi a boye,"
Tabbas samunka nayi imani da Allah ya haifarwa da Hafiz babbar nadama Akan abunda Ya tsunduma kansa wanda Danginsa suna da babbar gudunmawa wajen faɗawa halaka ,marayane wanda suka wofintar ,bashi da komai bashi da maiyyi masa sannan ko wacce hanyar samun sa ta toshe.
Katseta Abdallah yayi yana Mai kuka yace "amma mami Ai dan komai nasa Ya toshe Ai Allah baice ka bijirce masa ba ta hanyar aikata haram,Shin shi ba musulmi bane wanda yayi imani da ƙaddara Mai kyau da mara kyau".
Ƙaramun murmushi mami tayi tace "ita kanta wannan da kagani ƙaddararsa ce,ba wai ina karesa bane dan wani dalili,mutum duk rashin imaninsa bazai rasa wani hali Mai kyau ba ,sannan ina faɗa maka abunda baka sani ba,Nasan hakkin jinin mutum abune Mai girma amma mahaifinka kafun Ya koma ga ubangijinsa yayi nadama mafi girma ,yaji tsoran Allah wanda ada Baiji ba a lokacin da Ya tabbatar za'a kashesa ne sannan baya da aikin da zai kalli ubangijinsa bayan sallah da azumi,Abdallah amfaninka ma mahaifinka a yanzu shine ka kasance iya tsawan adadadin rayuwarka kana masa Addu'ar samun sauki,
Iya rayuwata da kai nayi ƙokari wajen ganin na maidaka mutumin kirki wanda yazamana kai a yanzu Malami ne Mai tunatar da mutane wanda babban mafarkine na mahaifinka,
Sannan kuɗin da na baka kaƙi tabawa na cikin dukiyar da Ya bar maka ,zan iya tsaya masa a ko ina kudin halak ne wanda Ya aje maka da gumin sa ,nasan kasan ta yarda zaka juyasa Ya amfani al'umma,haka na raini Abdallah na sannan ina alfahari dashi"
Kansa ya ɗora kan kafaɗarta yace "Mami Allah baya yafe hakkin wani."
Shafa kansa ta fara a hankali tace "nasani amma mucigaba da nema masa rahma bamusan ta inda Allah zai masa rahma ba,ka sani yawaitar adduarmu da aikin ladan da zamuyi danshi su biya masa hakkin rai sannan su rage Ya shiga Aljanna."
Tsintar kansa yayi da yin murmushi inda itama tayi ganin nasa murmushin kafun yace "Allah yasa mami ,bana san babana ya shiga wuta.
Kaɗa kai tayi tace insha Allahu baki ɗayanmu baza muga kalarta ba ma,
Shiru yayi yana Mai jin wai irin nutsuwa na ratsashi sannan Ya fara tuna irin ayyukan da yayi domin mahaifinsa,dan a garuruwan da Ya saka aka samu ruwa domin shi suna da yawa ,ga masallatai da yayi suma dan mahaifinsa sannan bazai goshe ba wajen cigaba da nema masa lada da sassauci har Ya koma ga ubangijinsa.
Tashi yayi yace "mami zanje na bawa masu buƙata amsar da suke san sani,ni bamai laifi bane babu wanda Ya isa yayi mun alƙalanci Akan abunda banda masaniya.
Kaɗa kai tayi tace "yanzu ne nake kallan Abdallah ɗin da na haifa a gabana."
Abu na technology kai tsaye study room ɗinsa Ya wuce domin yin live video .
Bayan ya gama wallafar da live vid ɗin inda Ya amsa dukkan wasu tambayoyi da suka kunshi abunda Ya gabata kana Ya sake jaddadawa mutane shi baici kuɗin jini ba haka zalika duk wani abun na mahaifinsa da suke jin kishin akai na arzikin da yake dashi ba gaskiya bane,
Sannan Ya sake sanarwa a ƙarshe akan shi muƙamin da ake san bashi baya da buƙata Ya godewa Allah indai yau zau fito Ya faɗi Allah wasu su rabauta Ya ishe sa.
Bayan gamawarsa Yana ɗago ido Ya sauke kan Mami wadda ta masa alamar jinjina da hannu kana ta ƙaraso ta zauna kan kujera tace wasu sun ɗauki addini siyasa irin mutanen da ake kira mutane masu ci da addini,bana so ko ɗaya ka kasance cikinsu,dan haka offer ɗinka na tafiya Macca yana nan har nan da shekara goma gaba ,bazan ce maka dole ba amma idan kaji zuciyarka ta aminta da zuwan just talk to me,sannan ka cire a ranka akan zaka tafi kabarmune ,bafa wai baka ganinmu bane har abada ,zaka zo gida muma zamuzo mu ganka,
Zanyi farinciki ace yau yarona yana macca a matsayin Malami ,abun Alfahari ne.
Yar Dariya yayi yace "Mami indai na samu mata a Nigeria insha Allahu ina Aurenta zan karbi offer din nan saboda bana san tafiya bani da iyali"
Murmushi tayi na jin daɗin maganar Auren da Ya fara tace "Allah ya kawo ta gari Abdallah,ina san nima na samu sirika ta gari kamar kowa."
Yasan maganar kan Hammansa ne dan haka yace "Mami shi yasa nace,Hamma na ma ki bashi dama sannan a bama matarsa dama duk da abunda sukayi bai kamata ba ,amma Allah ma yana yafe mana balle mu yan adam, "
Daga bakin kofar da shigowa Nadiya kenan tace"Dan Allah mami yarda Abdallah Ya faɗa ki bawa hamma dama da matarsa ."
Kallanta sukayi a tare mami tace "daga ina haka ke kuma."
Zama tayi tace "na dawo ɗaukar wani file ne sannan akwai labari mara daɗi domin Anisa tun kafin aje court ta mutu a police custody wanda saseen Ya tabbatar mun da cewa aj kashe ta saboda a ranar an kawo mace prison d'in itama za'a wuce da iya court amma sai tashi akayi da safe babu ita sai gawar Anisa wanda suka da yakinin an aikota ne ta kashe ta,Mafia ɗinsu i guess ,amma dai tana Chan ana bincke sannan naje na bada statement ɗina hamma ma haka saura Ku da papa ".
Cike da tausaya mata mami tace "to yanzu wa gari Ya waya fisabililahi ,.
"Allah Ya rufa asiri cewan Abdallah,kana ya ƙara da cewa yanzu mami maganar Hamma ɗinfa, "
Tashi tayi tace "zan basa dama amma sai yayi taming wannan mara tarbiyar matar tasa tasan darajar iyayensa da AHALINSA kafin Ya sake shigo mun gida,"
Har ta fara tafiya ta juyo tana Mai kallan Nadiya tace "ke kuma ki fito da miji success ɗin da kike nema yanzu kin samu saura Aure shine darajarki ."
Kafun Nadiya tace wani abu Mami ta fita,Ajiyar zuciya Nadiya tayi tana Mai murmusawa tace"Mami ta fara fa."
Dariya Abdallah yayi yace"Ai gaskiya Mami ke faɗa a fito da miji ayi Aure Adda na nasan Akwai manema ,ga Yaya fadil Nan dai yana fadanci."
Kafun tace wani abin Ya fita yana mata dariya .
CHUCHUJAY ✍🏽
