#شضايا حواء
الكاتبه زهراء السداوي
مِثل شمعَه !
اشتعل كل ليله، يم عَميان
لا ينفَع ضوَاي ولا يِطفُوني
لطفا لا تنسو تصويت تفاعل بين الفقرات
كم يوم ورجعت الاهلي نفس كل مره معاناة اهلي ذكرته سابقاً والوضع ديصير أسوء أسبوعين عذاب وبهذله يم اهلي من بعد صياح واني اطلب من اهلي يخلون بنكه فوك حتى انام بغرفه اني وأبني واخذ راحتي كمت أصعد فوك وشويه اخذ راحتي اسهر على ابني ارضع بدون ماتقيد اهلي نايمين بصفي
هل فتره صار هيثم يوميه بليل يخابرني ونسهر الصبح كلام حب وغزل واني مره ابادره ومره أسكت وأخجل وعترفلي شلون هو حبني وتعلق بيه وشاف مني هواي شغلات حلوه ..ومره من مرات خابرني وضلينا نسولف حب وغزل مثل كل مره وبنص الكلام
اردف بكلام ....
هيثم - والله والله اله اعيشج أميره وخليج غير عن كل البنات واله اخليج تمشين على فلوس مو ورد وماخليج تحتاجين أحد مدائم اشم الهوى
ضي - أني ماريد لا ورد ولا فلوس كلهن قيمتهن متسوه كدام الحنيه ولا احترام متبادل والاهتمام واهم شي صدق وحب يرضي الله
هيثم - اني يوم بعد يوم كلش داتفاجأه بيج وبكلامج ضي عقلج هواااي اكبر من عمرج دتبهرني
بيج ودتكسرين عين كل واحد كلي طفله وماتفهم
همه الي مايفهمون مايوصلى لربع تفكيرج وعقلج
وطيبتج هواي فخور لان اخذتج ...
ضي - الله يخلينه لبعض
بقينه نسولف للصبح أمي يوميه تحجي عليه صبح شكو سهرين وتخلصيه مخابرات وصوتج عالي متستحين ..تعذبت حيل اهلي يحاسبوني كلشي على كل حركه مني عبالك اني مصادقه مو زوجي ..كلشي عيب ميصير لسوين هيج لدكولين هيج احترمي اهلج والخ مره من المرات كعدت صبح فزيت أبني ماكو ركضت نزلت جوه شفت امي ماخذته مسبحته ومغيره ملابسه جريت نفس براحه باوعتلي واردفت
ام ضي - اخذته حتى تنامين شويه شبيج انتِ
تأكدت اني صايره بيه خوفه على أبني بسبب خالتي ماعرف على يا ساعه تاخذه وهيج خلصن أسبوعين وأجه هيثم أخذني البيتي صادف رمضان بس هل مره أجازته ١٠ أيام ياربي شكد مرتاحه واني وأبني مكاني واغراضي ومستقره حيل هاي ١٠ أيام يفطرني وميخليني اصوم ويضوج من نفسه ويتواعد ميتقربلي لان هو ملتزم بصيام بس ماكو فائده ماعرف ليش صار يتقربلي هواي وخلصت أجازته بسرعه شكد ممرتاحه بيه وفرحانه تمر بسرعه اجه
وقت يلتحق هيثم خيم الوجع على كلبي باوعتله
بعيون مدمعه اردفت بغصه وبصوت ترجي ...
ضي - هيثم الله يخليك وديني أهلي ماروح اهلك هيثم كلش اختنك يمهم ومارتاح ابد افتهم عليه هذا البيت يأذيني ماشوف بي بس لوعه وحركت القلب
