ကျွန်​တော်တစ်ဖက်သတ်ကြိုက်​နေတဲ့​ကောင်​​လေးက အူတူတူ​လေးလို့​တော့ သူတို့က​ပြောတာပဲ

"​ကျောင်းသား ကိုယ့်ကို ထီး​လေး နည်းနည်း​လောက် ​ပေး​ဆောင်းလို့ရမလား"

ဂယူဗင်းက ထိုသို့​မေး​တော့ ဂယူဗင်း​ရှေ့က အဖြူ​ရောင်​ကြောင်​က​လေးက ဂယူဗင်းကို သူ့ရဲ့​ကြောင်မျက်လုံးလှလှ​လေး​တွေနဲ့ ဝိုင်းခနဲကြည့်လာတယ်

ဂယူဗင်း အလျင်အမြန်ပဲ ​လွန်ခဲ့တဲ့ နှစ်နာရီ​လောက်တည်းက ကြိုတင်​တွေးထားပြီးသားဖြစ်တဲ့ အ​ကြောင်းပြချက်ကို ပါးစပ်က​နေ ထုတ်​ပြောလိုက်တယ်

"မိုး​တွေအရမ်းရွာ​နေ​တော့​လေ...ကိုယ့်မှာ ထီးလည်း မပါတာနဲ့..ကိုယ့်laptopကလည်း ​ရေစိုသွားလို့ အဆင်မ​ပြေလို့ပါ"

ထိုအခါမှ သူ့​ရှေ့က ​ကောင်​လေးက "အာ.."ခနဲ နားလည်ဟန်ပြလာတယ်

"ရပါတယ်ဗျ"

ဂယူဗင်းစိတ်ထဲ ပွဲ​တော်အကြီးကြီး ကျင်းပ​ပစ်လိုက်တယ်

ဒီ​ကောင်​လေးနားချဥ်းကပ်ဖို့ ဂယူဗင်း ကြိုးစား​နေခဲ့တာ ၂လ​လောက်ရှိပြီ

အခွင့်အ​ရေးမရတာ​ကြောင့်သာ ခုမှသာ သည်းသည်းထန်ထန်ရွာနေတဲ့မိုး​ကျေးဇူးနဲ့ ချဥ်းကပ်နိုင်ခြင်း

ဂယူဗင်း​ပျော်​ပျော်ကြီး သူ့ရဲ့​ကျောမှာလွယ်ထားတဲ့​ကျောပိုးအိတ်ကို ​ရင်ဘတ်​ရှေ့ ​ပြောင်းလွယ်လိုက်တယ်

ထီးတစ်ခါတည်း တူတူ​ဆောင်းရ​ပေမယ့် ထို​ကြောင်က​လေး ဂယူဗင်းရဲ့ ဘွိုင်းဖရန့်မတ်တီရီရယ်ဆန်ဆန်sideကို မြင်ရ​အောင် ဂယူဗင်းကြိုးစားမည်

ဒီတစ်ခါတည်းနဲ့ ထို​ကောင်​လေးရှန်ချွမ်​ရွေ့ ဂယူဗင်းကို သ​ဘောကျသွား​စေရမည်

မိုးရွာထဲ လမ်း​တွေ​ချော်လို့ ချွမ်​ရွေ့ မ​တော်တဆ​ခြေလှမ်းမှားလျှင် ဂယူဗင်းက သူ့ရဲ့ခါးသိမ်သိမ်​လေးကို ​ပွေ့ရင်း ထိန်း​ပေးမည်

ဇာတ်ကား​တွေထဲကလို ​ချော်လဲမည့်သူကို လှမ်းထိန်း​ပေးရင်း ဂယူဗင်းရဲ့ နာမည်ကြီး​နေတဲ့ ​ခွေး​ပေါက်​လေးလို မျက်ဆံနက်နက်ဝိုင်းဝိုင်း​လေး​တွေနဲ့ ချွမ်​ရွေ့ရဲ့ ကြောင်​မျက်လုံးလှလှ​လေး​တွေကို အကြည့်ချင်းဆုံပစ်ပြီး ဂယူဗင်းအ​ပေါ် ယိမ်း​ယိုင်လာ​​အောင်လုပ်မည်