الكسر والعوض (الحاقدين)

البارت لـ 29

السلام عليكم

التفاعل بلا زحمه

--------

زينب -

ثاني يوم ماتحملت اضل كاعده وماشوف حره ورا الضهر رحنا عليهم شافتني انصدمت سلمت عليها وع العائله كُلها وتفاجئت من طلعت تحب ابو عتاب وفرحت بنفس الوقت يجوز يطلع حضها احسن من عندي رجعت للبيت قابلوني اهلي ببتسامه بس الي محيرني مرت مصطفى ماموجده واين راحت مادري ولاسئلت عليها وراها ثاني يوم اجئ احمد وجانو اخوتي اثنينهم وصار صوت صياحهم يتعالى اخيرا شيء شفت احمد طلع ويا حامد مافتهمت شنو الموضوع رحت ع امي سئلتها تكلي

امي - اخواتج وابوج مايقبلون ترجعين وهذا رجلج مايقبل يطلك وعود اجى يرجعج بس ماقبلنا وراح بدون مايحترم احد

ماتفاجئت لان هذا اسلوبه الي براسه يسوي .
بليل كاعده يم اختي اجى اخوي يكلي

??- هاي بنيه تريدج حماتج مدري مني

اخذته منا وطلعت برا حجيت
- ها مروة اشلونج خوما اكو دكيتي

مروة - يولي اله اكو شيء اله ادك عليج

- لا موهيج بس عبالي نمتي ادري تنامين من وكت

مروة - اممم اهلي يسلمون عليج كلهم

- الله يسلمهم شلونهم زينين

مروة - بخير الحمدلله عَجل يولي مو اجاج احمد عشَ ماجيتي

- ماريد ارجع انه اريد اطلك وخلي كلمن يشوف دربه

مروة - اي مو هيه بكيفج يول انتِ عقل ماكوو عندج يله استودعتج الله

- الله وياج

سديته ورحت انطيتا التلفون رحت لغرفتي ساعه اريد ارجع ساعه اريد اطلك مادري شريد بلضبط ياريته يهتملي لو شويه .

ومن ذاك اليوم احمد بعد ماشفته وحتى مروة ماخابرت ابد .

بعد ٣اشهر بضبط انه كاعده بيت اهلي معززه مكرمه ولسه احمد بالي وهو ولاطخيت باله ومن يدزون علي يطلكني مايجي حسبالي يحبني بس طلع كله هيج المهم عوفو الطاقه السلبيه حره ازوجت ابو عتاب وطلع هو هم يحبها ونشالله يدوم حبهم ومصطفى طلع مطلك مرته لانو هيه السبب بلي صار وياي .

اما انه نفس وضعي كلشي ماتغير بعدني احن واكابر ارررييييد انسى ماااكدررر اكووو شيء بكلبي مجلب بي .

بيوم من الايام كاعده بلبيت اخوي رجع البغداد وضل بس مصطفى فـ ابوي طالع هو وامي للطبيب ومصطفى عنده جامعه اندكت لبست شالي عدل قبل لاافتحها صحت منو محد حجى بس يدك حيل فتحت وصحت
- بااب الخلفو

سكتت من شفته واكف كدامي لابس مناضر ومبتسم لابس زي عسكري رجعت ليورا دفعني وسد الباب
- اطلع برا شتريد والله