ماطبت من حبه ولا طاب طاريه 2

بارت 1

بالكويت
الساعه6:44
المنبه يرن وسيف للحين ماقعد
مريم طقت الباب ودشت ع سيف
مريم:سيف سيف
سيف:...
مريم:سيف يما حبيبي قوم
سيف:هلا هلا
مريم:قوم يما شفيك ماتسمع المنبه يرن قعد البيت كله الا انت
سيف:اسف بس يما تعرفيني نومي ثقيل
مريم:اي خلاص قوم
سيف: ان شاء الله
مريم:غسل ويهك وتسبح وانزل نتريق
سيف:حاضر
بعد ماخلص سيف نزل تحت
سيف:سلام عليكم
احمد + مريم + فاطمه: وعليكم السلام
احمد:سيف متى محاضرتك
سيف:بعد ساعه الا ربع
احمد:زين بتتريق ولا بتروح
سيف:اي بتريق وياكم
فاطمه:سيف
سيف:هلا
فاطمه:متى تخلص من محاضراتك
سيف:ماادري يمكن12جذي ليش
فاطمه:اسأل
مريم:بسكم سوالف وتريقو لاتتأخرون
سيف + فاطمه: ان شاء الله
بعد ما الكل خلص وطلع دوامه
احمد:مريم حبيبتي
مريم بحيى:هلا
احمد:شرايج نتغدا اليوم برا
مريم:والعيال
احمد:يدبرون نفسهم اهم شي نطلع مع بعض
مريم:لا ابي عيالي معاي
احمد:خلاص كيفج ياروحي

بالامارات:
عبدالله نش من رقاده وطلع للصاله
مريم يايه صوب ابوها
مريم:صباح الخير ابوي
عبدالله:صباح النور يااحلى واجمل بنت
مريم:اكيد دامك ابويا بكون اجمل بنت
عبدالله ضحك
مريم:عسى دوم اشوف هالضحكه يالغالي
عبدالله:طول ماانتي قربي دنيتي تستوي افراح
مريم:الله الله شالكلام الحلو على هالصبح
عبدالله:هيه
مريم:ابوي متى نسير عند يدوه
عبدالله:ان شاء الله اليوم
مريم:زين
عبدالله:شو انتي ماعندج كلاسات
مريم:تتطوف لعيونك يالغالي
عبدالله:اوف
مريم:ابوي صدق ابا اطلبك طلب
عبدالله:شو
مريم:ابا اسحب اوراقي من الجامعه واسير اكمل برا
عبدالله:مريم لا اسمعج تقولين هالرمسه
مريم:ليش
عبدالله:انا مااروم اجوفج تدرسين برا اباج قربي وتحت عيني مااباج تبعدين وانا لو الود ودي ماتعرسين عسب ماتبعدين عن عيني
مريم:ابوي فخاطريه اكمل برا
عبدالله:تبيني ايي وياج تمام بيي بس تسيرين روحج لا
مريم:ابويي
عبدالله:مريم انا وايد اخاف عليج حتى من الهوا اخاف عليج
مريم:ان شاء الله ابوي واوعدك ماافتح هالطاري خير شر
عبدالله:اسف لو اني بهدم حلمج بس انا مااروم تبعدين عني وانتي الي بقيتي لي بهالدنيا وياعين ابوي وامي انتي
مريم:ابوي صدق؟
عبدالله:هيه
مريم:ابوي انت دوم تقول انك ماخذ امي عن حب بس شو استوا
عبدالله:مب كل علاقة حب تدوم
مريم:ابا اعرف شو استوا
عبدالله:عقب عقب مب احين بس تحملي فروحج
مريم: ان شاء الله يالغالي يلا بسير الجامعه
عبدالله:الله يحفظج
فجاه تلفون عبدالله يدق
عبدالله:الو مهره
مهره:هيه مهره
عبدالله:بغيتي شي الغاليه
مهره:ابا بنتي
عبدالله:مهره هالموضوع خالص من زمان والبنت تبا تتم عندي ماتباج فهمي
مهره:انت قايلها قولي ابا ابويا
عبدالله:لاتظلميني يامهره ماكفاج كسرتي قلبي
مهره:لا ماكفاني
عبدالله:بنتي مابتم فبيت غير بيت ابوها
مهره:وشو فيه بيتي
عبدالله:زوجج ولا تبيني اخليها تتم عندكم
مهره:اوك باي