كل الامان في حُبك وكل الاماني قربك

Finely ~ B41

فـ أمريكا تحديداََ
قام صالح و شاف سالم و عيسى الي قاعدين بـ الصاله يضحكون ، ابتسم وقال : صبحكم الله بالخير
عيسى : صبحك الله بالنور ، تعال تعال كل
قرب صالح يقعد ياكل وقال سالم : ها م تبون نطلع
عيسى : بنطلع ليه م نطلع
سالم : عيسى ياخوك والله مابي اكلف عليك
عيسى : وشو ؟ تكلفون على من خواني محد غريب
ابتسم صالح وهو يحب يسمع هالكلمه بذات منهم : ياعين خوانك انت
عيسى : هيا نجهز و نروح
سالم : دامك تقوله اجل تم
~
فـ الشركه تحديداََ
دخل خلف و شاف كل أحد بصوب ، قطب حاجبه و مشى لعند آدم تكى على الطاوله وقال : آدم ، شصاير بـ الشركه
آدم بـ توتر : م صاير شي
خلف : وين الموظفين الباقي وراه الشركه فاضيه ؟
آدم : العيال فوق و الباقي والله م ادري فيه يستأذنون و فيه م جووا
خلف : زين مشكور
طلع خلف مسرع للـ طابق الثالث ، ابتسم من بدا يسمع أصوات ضحكاتهم العاليه ، وقف يعدل نفسه يبي يخوفهم ، طق الباب و دخل ، ناظرهم كلهم وقال : وش هالحاله ؟ م اشوف احد قاعد يشتغل
بلع مُلهم ريقه وقال : تونا تجمعنا
خلف : وانا م سألت متى تجمعتوا اقول ليه الشركه كذا ؟
نادر : شفيها الشركه م فيها شي
خلف بنبره حاده : انت مو شايف الطابق الأول ؟ فاضي محد فيه الاغلب طلع بدري و المفروض ذا مو وقت يخرجون فيه بس شكلكم ماخذين راحتكم
لؤي : ي رجال خلهم
ضحك وقال : امزح معاكم شبلاكم اقعدوا بس
مُلهم : يقلع مخك
ضحك وقال : معليش معليش قلت اخوفكم شوي
ضربه ذياب على كتفه وقال : وانا دار علي شريط حياتي كلها
انفجر يضحك وقال : يحبيبي ذياب
لؤي : و الي استأذنوا شنقول لهم ترا م يدرون انك جيت
جلس خلف وقال : زين خلهم خلاص بس ثاني مره إذا أحد حط شركه عليكم و وثق فيكم مو تسوون كذا كل أحد بصوب !! غيث لو درا والله م يخليكم عاد انا مشيتها لكم اليوم
نادر : خلاص ابشر
~
بعد مرور سنة كامله ..
-
عنـد البنات متجمعين ب الصاله على أجواء العصر
ضحكت نيلان وقالت : يوه عزتي ل ديوم و بيان و نجد
بيان : و ليه أن شاء الله
ضحكت ريهام وقالت : تتنمر عليكم انتي معاتس ولدتس الصغير و ديوم ب الخامس و نجد ب الثالث
نيلان : و ريهام و جوجو مو ناويين بعد انتم ولا وش
ريهام : بعد لنوو م ظنتي اكتفي فيها
الجوهره : ذياب يبي يعيوني بس انا ابي نجدي تكبر شوي بعد
ضحكت ديم وقالت : نولد ب السلامه بس
ردت نجد وهي تضحك : اميين
دخلت اميره بتعب وقالت : بنااات
انفجرت نيلان ضحك وقالت : جت الثانيه نحطها معكم
اميره تخصرت وقالت : نعم انتي تتنمرين علينا وش ؟
بيان : تخيلي ايه تتنمر عليكم لانكم حوامل و تتنمر على سلطاني !
دخلت سُميه وهي تسمع سوالفهم وقالت : وانا محد اشتاق لي ؟
نيلان نطت بفرح وقالت : هلاا بالزييين هلا بعيون صقييرر
ضحكت وقالت : ادوخ ادوخ من عيون اخوتس
نيلان : مقدر علييتس تعالي استريحي
ابتسمت و جلست : شصاير ؟ اشوف داخلين ف نقاش
نيلان : ابد اضحك عليهم
اميره : والله مو منكم من الي يجي عندكم ! لو اني قاعده ف بيتي ابرك
بيان : ذي صدقت نفسها اربع و عشرين ساعه ف القصر حقتس
انفجرت اميره تضحك وقالت : ايه ياخي القصر حقي هههههههههههههههههههههههههههههههههههههههههههههههههههههههههههههه
سُميه : المهم اسمعوا تخيلوااا سلوم بيجي الييووم
شهقت اميره وقالت : كذابه !!
بلعت نجد ريقها بصدمه وقالت : اما عاد سالم بيرجع
سُميه : والله بعد محاولات من امي
اميره : يحياتيي هوو و متى يوصل ؟
سُميه : شويات بس
بيان : يوصل ب السلامه أن شاء الله
دخل سيف و اتجه صوب بيان وقال : ماما شوفي ثوبي توسخ
ضحكت بيان بحنيه وقالت : زين ي ماما م عليه ببدل لك بعد شوي
زفر وقال : زين و بابا وين ؟
بيان : ب المجلس رح هنا
~
فـ المجلس تحديداََ
ناظر سعود لـ صقر وقال : ذا شفيه يهوجس ؟
ضحك غيث وهمس ل سعود وقال : يهوجس ف حرمته
صقر : ترا اسمع هاا
انفجروا يضحكون وقال : احم م قلنا شي
دخل عليهم سيف وقال غيث : هلا بالزييين هلاا ب خليف الصغيير
سعود : سيف تعال تعال عندي
ضحك سيف بخفه و مشى مسرع لعند غيث و ضحك غيث وقال : ايوا سيوف علامك ؟
سيف : بابا وين
غيث : تصدق حتنا مدري بابا وين
ضحك سعود وقال : تعال عندي و اعلمك
سيف : والله ؟
ضحك ذياب وقال : يعني لازم تحلف
سعود : شكله لازم
سيف : عمو غيث دق على بابا
غيث : يااعيين عممك
دخل عليهم خلف وقال : ها ياعيون بابا توني اجي
نط سيف و أخذه خلف لـ حضنه و ابتسم بحنيه من دفن سيف راسه بحضنه : لهدرجه مشتاق
سعود : مسيكين م يشوفك من اليوم ب الشركه و ترجع الليل وهو يكون نايم
ابتسم خلف و ابتسم يطلع للـ حوش يلعب مع سيف و يحاول يسليه بحكم ان مافيه أطفال كبره ، و أما عند البنات الي طلعوا كذلك للـ حوش و كان بينهم مسافه لمحت بيان خلف و سيف من بعيد الي يضحكون و ابتسمت بلطافه وقالت : وااه حبايب قلبيي
ابتسمت اميره تناظرهم معاها وقالت : الله لا يحرمنا من هالضحكاتت
بيان بحنيه : اميين
ضحكت سُميه وقالت : سلطان ولدس مغبون وده يروح عند ابوه و اخوه !
انفجرت تضحك وقالت : خله يمشي اول شي ثم يروح لهم
اميره : خله خله حبيب ماما ذا
ضحكت وقالت : الحين حبيب ماما إذا شاف ابوه ينسى مين ماما
ضحكت الجوهره وقالت : كللهمم كذا حتى نجد !! إذا شافت ذياب تنساني مستحيل لهدرجه يحبون ابائهم !
بيان : تشوفين
طلعت ام فهد مسرعه وقالت : بسم الله
م حسوا الا بدخول سالم و معاه صالح و عيسى ، ابتسموا
من شافوه بعد مرور فتره طوييله ، و انصدموا من التغير الي غيره من اسلوبه ، ستايله ، و غيرها من أشياء ابتسم و يقرب يبوس راس امه وقال : يمه شخبارس شعلومس
ابتسمت تمسح دموعها وقالت : بخير ياوليدي انت شخبارك ، و شخبار خوانك ؟
ابتسم وهو فاهم انها تقصد صالح و عيسى بـ مصطلح خوانك وقال : هذا هم بخير الحمد لله
ام فهد : ادخلوا ادخلوا
ابتسم وقال : زين يمه ثواني بشوف العيال ، دخل للمجلس و وقف يناظر فيهم و شاف العدد ان كلهم متجمعين و شاف صقر و غيث و سياف الي صاروا من ضمن العائله ، نطق بصوت حاد : السلام عليكم
لف سعود و ناظر بصدمه وقال : عليـ..كم السلام
خلف و صقر بصوت واحد : سالم !!!
ابتسم وقال : ايه سالم
سياف بهدوء تقدم و مد يده وقال : عليكم السلام ، هذا انت سالم الي البيت كله يسولف عنك ما شاء الله
زفر وقال : ايه ايه انا
سياف : اجل تشرفنا ، معاك سياف
سالم : ونعم ونعم
خلف : تعال ي الوسخ ليه حنا اخر من يعلم ؟
ضحك وقال : م كنت بجي ترا !
غيث : و فوقها بعد
قاطعهم دخول ذياب الي كان معاه نادر وقال : سللاامم
خلف : اكتملت حياكم
وقف نادر وقال : نعم ؟ ليه انا بس ! نادوا باقي الشله
غيث : زين اجلس اجلس بعلمهم
نادر : ايه كذا زين
ابتسم سالم و قرب صوب سيف وقال : والله كبرت ي سيفوو
سيف : حتى انا كبرت ي سلوم
انفجروا يضحكون وقال سالم : و طلع لك لسان !!
خلف : ايه شعبالك
ضحك وقال : و سمي جده وين ؟
ابتسم وقال : عند امه
ابتسم سالم و طلع هو و خلف و اتجه للصاله الي كان الكل فيها ، دخل وقال : السلام
ام خلف : عليكم السلام يهلا يهلا ب سالم
ابتسم وقال : تبقون
اخذ خلف سلطان و قرب سالم لعنده وقال : تبارك الرحمن كلهم ماخذين ملامح ابوهم !
ضحكت بيان وقالت : تشوف
ابتسم وقال : ديم و نجد و اميره تولدون ب السلامه
ابتسموا اميره و ديم بهدوء وقالوا : امين يارب
ناظر لأمه وقال : طيب يمه اسمعي بطلع شويات ل غرفتي
ام فهد : زين يمه خذ راحتك
طلع غرفته و دخل بهدوء من شاف الغرفه مرتبه و مبخره ، جلس بـ الكرسي يحاول يتمالك نفسه ، يحاول ينسى نجد بس هو م نساها ! ، اقتلبت شخصيته 180 درجة بعد سفرته ، يتظاهر بـ انه مو مهتم لاحد وانه نسى الماضي و كلشي بس هو م نسى ، و ماكان احد يفهم له إلا صالح و عيسى فقط ..
~
عند ريهام الفهد بـ الغرفه بعد م اتجه كل أحد لغرفته
ريهام : يعني سالم راح و م راح يرجع خلاص  ؟
فهد : والله و سواها اخوي !!
زفرت تغير الموضوع ، اخذت لينا لـ حضنها وقالت : فهوود شووفف مرره تشبهك
ضحك وقال : ايه داري بتطلع جميله زي ابوهاا
ريهام : عزز الله خذت جمال ابوها
~
و الجوهره و ذياب ، الي كملوا حياتهم فـ بيتهم مع بعض و رزقهم الله بـ نجد الي كانت رابطة حُب ذياب لـجوهرته و حُب الجوهره لـ ذيبها الي عوضها عن كل م فقدته حاول انه يسعدها بكل م يقدر وهي كذلك و رزقهم الله بـ نجد و ثم اختها نجود
~
ديم و محمد
تعالج محمد و حملت ديم و استمروا فـ حياتهم بعيدين عن كل شخص رح يأذيهم و كانت ديم مقربه من البنات الي تشوفهم خواتها الكبار الي عوضوها عن كون مالها خوات و محمد الي كان سند لها و كذلك عوضها و اسعدها بكل شي يقدر عليه و رزقهم الله بـ
لينا ، حمد الي اغنوهم عن كل شي و كانوا سعادة ديم
~
و نجد الي تزوجت من سياف و عاشت بـ تأنيب ضمير و طول وقتها تفكر فـ سالم رغم ذلك حبت سياف و حبها و عاشت حياه سعيده معاه و رزقها الله بـ بنوته و سمتها اميره لأجل تكون سميه ل اميره .
~
اما سالم الي بعد عودته رجع سافر ولا فكر انه يرجع و كمل حياته بـ أمريكيا الي غيرته حوالي 180 درجه تغير ولا صار يهمه شي استمر مع صالح و عيسى الي كانوا اهل بنسبه له وقفوا معاه ب فرحه و حزنه كانوا العوض من الله له و تخطى نجد و نساها و مسحها من ذاكرته ولا فكر انه يرجع ل درب الحُب .
~
و عند ابطالنا بيان و خلف ، ابتسمت وهي حاطه راسها على صدره وقالت : تدري ان كل الامان في حُبك !
باسها على راسها بقوه وقال : و ان الاماني قربتس يادهر قلبي و رجعانه !
ابتسمت تمسح دموعها وقالت : جعلني م انحرم منك يحبيبي انت !
و رزقهم الله بـ سيف و سلطان ..
~
النهايه
~
( اهلا اهلا بـ الشيوخ ، اعتذر ع القطعه و اعتذر لان البارت قصير حاولت بقدر المستطاع وهذا الي قدرت عليه ، قررت اختم الروايه لأجل م تكون طويله كثير و ان شاء الله اسعدتكم معاي و مشكورين مره دخلنا 19k قارئ ، قراءه ممتعه و انتظرونا فـي جديدنا رح ابلغكم عن روايتنا الجديده بأذن الله ، استودعتكم الله ❤️❤️)