لم يكن فتي أحلامي

لم يكن فتي احلامي 7 🫢😨😱

وقفنا لما الدكتور قال ان زهراء حااااامل ومؤيد عاجز طب دا ازاي هنعرف دلوقتي

#لم_يكن_فتي_احلامي 7

كانت صدمه كبيره بالنسبه ليا ازاي وانا اصلا عزراء بصيت لمؤيد بنظرة ان والله العظيم ما اعرف ازاي دا حصل ما هو في الوقت دا

ماينفعش اصلا ابص لحد من أخواته واحاول ابرر موقفي قطع كل دا كلمات أكمل اللي نزلت عليا زي الصاعقه

أكمل: اكيد في حاجه غلط دا مش ابن مؤيد انا قولت ليك يا يوسف ان دي بت شما...ل وما يليقش بيها تشيل اسم الصاوي ما صدقتنيش

طبعا انا مش هقدر ارد لان اي كلمه هتتقال هيكون عنده الف حق فيها ما هو بعد المصيييبه دي ما ليش اي عين اتكلم اصلا

يوسف بصراخ: اخرس يا اكمل مش وقتك خالص ولسه هيوجه كلامه ليا قاطعه صوت مؤيد

مؤيد: اول حاجه مع احترامي ليك يا يوسف لما تيجي يااكمل تتكلم عن زوجتي تتكلم بكل ادب واحترام تاني حاجه هي متزوجاني يبقي دا ابن مين غيري

أكمل: ايوه بس ازاي
مؤيد: عشان قاعد علي كرسي متحرك يعنى دا عادي انا ولسه هيكمل رد يوسف وقال

خلاص يا مؤيد انت سيد الناس كلها والف مبروك ويتربي في عزك يا حبيبي الف مبروك يا زهراء ونادي ع داده وقال ليها ان ممنوع اتحرك من مكاني

وكل حاجه تيجي لحد عندي عشان البيبي الصغير ييجي بسلام وباس رأس مؤيد واخد اكمل وخرج ولحد هنا انا مش فاهمه اي حاجه نهائي غير ان دا حصل ازاي

وقبل ما اتكلم لقيت مؤيد قرب بالكرسي عندي وقال ما تخافيش مفيش اي حاجه من اللي في دماغك انتي لسه زي ماانتي ودا اتفاق مع الدكتور

ازاي وانا كان مغمي عليا و
ماتكمليش انا هفهمك انا طلبت من داده فاطمه تحط ليكي ادويه تخليكي يظهر عليكي اعراض حمممل ولما اغمي عليكي كلمت الدكتور وفهمته كل حاجه

انت لي عملت كدا
عشان احميكي واقطع لساااان اي حد يفكر يضاااايقك
اااه طب وبعد كدا فاكر ان لو الموضوع دا انكشف هيسكتوا وبعدين تعالي هنا لو كذبنا عليهم دلوقتي كمان كام شهر هنقول اي

هي فتره بسيطه بس وبعدين هتقولي ان انتي اجه...ضتي
بالسهوله دي فاكر الموضوع هيعدي دي دماغ اطفال مش دماغ حد عاقل انت بتضحك علي نفسك ولا بتضحك علي مين

اخد نفس طويل وقال: انا مش بضحك على حد انا كدا بااضمن حقي
بتضمن حقك ازاي مش فاهمه
دي حكايه طويله اوي ومش وقت تعرفيها
لا وقته فهمني اي الحكايه بالضبط ولي عملت كدا لإما هروح ليوسف احكي ليه كل حاجه حصلت

بتهدديني يعني
اعتبر كدا
وانا قولت مش وقت كلام
يبقي خلاص هروح ليوسف واحكي ليه اللي انت عملته
يبقي كدا انتي بتحكمي علي نفسك بالمووووت

ما تقدرش تعمل حاجه انت اخرك كلام بس اما فعل مفيش
ضحك بخبث وقال : صدقيني انتي مش فاهمه حاجه ولا هتفهمي انتي دلوقتي في عالم مختلف مش كل اللي بيضحك ليكي في القصر دا يبقي بيحبك

هو انتوا لي حياتكم كلها الغاز كدا مش قادره ولا عارفه افهمكم
ولا هتفهمي حاجه يا زهراء اعقلي كدا وركزي وكملي في الموضوع دا
مش هكمل غير لما تعرفني كل حاجه والا هفض...حك قدام الكل

انت كذبت كذبه زي دي علي اخواتك وصدقوك ممكن تكون بتمشي وبردوا بتكذب عليهم وهما مصدقين
رد بإنفعال وقال : انا ما بكذبش انا اصدق منهم هما السبب ف اللي انا فيه دا هما اللي قت...لوااااااا

بقلمي أيات الرحمن
🫢🫢🫢🫢🫢😱😱😱😱😱😱😱😱😨😨😨😨😨