بعد فراق رجع لينتقم "انا لا اراك"🔞

انا لا اراك (12)

روح: لالا صافي صافي انوض راسي
نبيل:يلاه دابا

ناض هو مشا خرج وهي ناضت فشلانة تتلبس حوايجها بزربة دارت شالها ولبسات سبرديلة ورجعات ديك تخنزيرة ومشات هابطة فدروج وهي تتعرج  نزلات شاف فيها نبيل لقاتو تيهضر فتيلي
نبيل: عبدو تهلاا
روح: بفرحة) واش عبدو هادا عبدو عبدو
نبيل: اه
روح: عفاك 😃
نبيل: لا
روح: بخيبة امل) فيا جوع
نبيل: زيدي زيدي قدامي شي نهار تاكليني
روح ميقات فيه وزادت وهي تتعرج

...
...
...
...
...

نمشيو بلاصة خرا

فواحد الحي

🍻حي شقوفة🍻

حفصة: با علال نعاونك
علال: لالا ابنتي الخيشة ديال طحين تقيلة ونتينا اا كميشة تصدقي مهرسة الله يستر من ضهرك
حفصة: با علال واش شكيت عليك وزايدون انا موالفة نهز ثقل
علال: جيني من الخر اشنو بيتي
حفصة: عشية كاين ماتش برووووجولة با علال خليني نكلس في القهوى 🙂
علال: سير سير ابنتي تنعس حسليك ونتينا تتطيري مع طيور
حفصة: وبا علال عفاك والله تا نخلصك بضوبل وانا نسربي ليك من الفوق
علال: بيت هيير نعرف نتينا ولية ولا راجل
حفصة: با علال راه هادشي لي بغات الوقت
علال: من الخر مأتدخليش القهوى ولا تعتبيها داك نهار ضربتي الراجل صيفتيه يفتح على عينو
حفصة: وراه ابا علال هو لي بسل عليا واش نسكت ليه
علال: شوفي العايلة نتينا مزيونة وراه اي راجل يشوفك يبغيك سيري تكمشي فخربتك (دار)
حفصة: دابا من الخر اندخل ولالا
علال: لالالالا صافي يلاه سيري فحالك
صاطت حفصة بعصبية وتمشات غادا فحالها
حفصة: ميمكنش نفلت هاد الماتش المغرب و بلجيكا  بربييي تا نتفرج فيه
مشات حفصة ضارت على القهاوي حلفو لا دخلوها بحكم هي معرووفة فداك الحي
صافي قررات تمشي لحي اخر متكونش معروفا فيه شدات طاكسي  وتحركات
كان باقي على الماتش ساعتين وربع ويبدى

بفم البطلة ...
سلااام امممم من صباح وانا فارعة ليكم راسكم ومعرفتكومشي عليا 
اي ايوااا يا العشران سميتي حفصة تنكررره سميتي حيت مبنتا بلا قياس ولكن كولشي كيعيطو عليا عويقة من غير با علال تيقولي حفصة😒
ايواا نقوليكم شكون انا
سميتي حفصة بنت زوييينة وعاطيا لعين بزعوريا لي فيا غليوضة شوية من الأماكن الانثوية ولكن انا عاطيها اا لحوايج دراري والقبيااات تنبين راسي مشمكرا ياكو متحقدوش عليا راه إلى بينت ضرافة ايفترسوني الذياب بحكم انا يتيمة الأم والأب والعائلة كنت كابرا مع واحد المرا سميتها مي رابحة قالت ليا لقيتك مليوحة حدا طريق د الغابا فاش كانت غادا لعروبية  كانت باينا اتكون عندي ديك 8 سنين كنت سخفانا بجوع وحالتي بلغيس بقيت فيها وداتني تربيني فحال بنتها بحكم هي ارملة ومتتولدش فرحات اتولي عندها بنيتا خداتني ورباتني وقراتني ولكن مكملاتش الفرحة مرضات بالقلب وماتت وانا عندي 16 قل شهر وطبيعة الحال ايبانو الويراثَ لكن مي رابحة كانت عارفة داكشي علاش كتبات ليا دار بسميتي انا وليت معولة على راسي ومكنتيق فحد وتبين ليهم بلي مكاينش ولد المرا لي يحط يده عليا ولكن من داخلي تنبقا بنت

المهم المهم براكا من الحزن 🙂 اجيو نضحكو شوية
ايوا اسيادنا لي شافني يقول عندي 19 تال 21 حيت ختكم مترمة ولكن يلاه عندي 17 🙂

...
...
...
...
هاي هاي بنااات كيف جاكم هاد البارتي
وسمحولي على تعطال را الامتحانات هههههه
وزايدون مكاين لا دعم لا هم يحزنون