تعـُسف العياث

بارت 7

تصويت +تعليق
ولاتنسون متابعة للحساب وتعليق بين الفقرات فضلا وليس أمرا
..........

جم زله منك بينت
ما جيت اعاتب مره
من عشرتك كلي شفت
غير الألم والحسره
اني ادري يهواك الكلب
بعدك يعذب حالي
وادري اليحب ليله صعب
هايم يضل للتالي

............
هوازن : بيوم بالليل جنت بغرفتي أنوم ابني سمعت هوسة برة

اجتي هدوة دكت الباب كالت أهلج أجوي ياخذوج

رجفت باوعت لابني كالت كومي استعجلي قبل ما عياث يكتل ذيب

أخذت أبني بحضني ورحت لكيت أمي وعمي ولد عمي كلهم من ضمنهم ذيب أول مافتت عيونه جت بعيوني نضرتها كلها شوك نزلت نضراتة على ابني

أجتي أمي حضنتني وحضنتها نبجي ثنينه اخذت أبني حضنتة وباسته

رحت سلمت على عمي امسح بدموعي حضني يطبط عل كتفي سلمت عله ولد عمي

اجه ذيب بلهفه يريد يحضني جرة من ذراعه عياث بقوة دفعة لطخ بالحايط جرني كال
عياث : روحي لغرفتج

ذيب : شنو تروح لغرفتها أجينه ناخذها

جيت عليه عياث هذا يضرب وهذا يضرب

جرتني امي أمشيي كبل مايذابحون كتلها
هوازن : يمه ابني

امي : امشي جاي أكلج

جرتني بالدشداشة والشال تريد تاخذني

جرني من ايدي دفعني للبيت كال
عياث : متررروح مرتييي مانطيها

عمي : نريد بتنه السنة وخلصت رجعوها

عاط بصوت هز البيت
عياث : مانطيها جاي اكلكم روحوووو

عمي : متريد تعيش وياك شنو كوة تجبرها

رفع حاجبة بثقه كال
ذيب : أسألها تبقة وياك لو تجي ويانة

هوازن : وكفت محتارة منا حبيبي
وابوية الي رباني

الي ثاق ثقة عميه مراح أخذله

ومنا أبني وقطعه مني

طولت بوكفتي محتارة بينهم أباوع عله ذيب وارجع أباوع عله أبني

جرني من أيدي للبيت صاح متروح

جيت علية ذيب كالة ماخاليتهة تحجي منروح أليوم أذا مناخذها

رجعو ذابحو كوة فكوهم امي مسترة تضغط عليه وجر بية يله امشي يلة

عطت بيهم كافيييي

سكتو اخذت ابني من هدوة حضنتة أتمنى ادخلة بكلبي حضنته وبستة رجعته لهدوة كتلها

هوازن : ابني أمانة يمج ماوصيج عليه

كلت اروح يوم يومين
اشوف نفسي أكدر افارك أبني لو لا

سحبتني امي يلة أمشي
مشيت كم خطوة كال
عياث : أذا رحتي لو خطت رجلج عتبت الباب انتي طالك