ကိုကို့နှင့်သူ့ဘေဘီအစားသရဲလေး

Chapter 50

(Star Network  တွင်တွေ့ဆုံခြင်း)

မမျှော်လင့်ဘဲ ချဉ်းကပ်လာသူ ရှောင်ချီ သည် သူ့ညီမကို အမှန်တစ်ကယ်ကြိုက်ပြီး လိုက်နေကြောင်း ဝေ့ယွမ် တွေ့ရှိခဲ့သည်။ ပျက်စီးသွားသည့် စိတ်ပိုင်းဆိုင်ရာ ခွန်အားကြောင့် ရှောင်ချီ သည် သူတို့မိသားစု၏ ယောင်ယောင် နှင့် မထိုက်တန်သလို သူခံစားခဲ့ရသည်။ ထို့အပြင် သူ့ညီမကို တစ်ခြားကောင်လေးများ လုယူသွားမှာကို အထူးပင်ကြောက်နေမိ၏။သူ ယခင်က ယောင်ယောင် နှင့်အတူရှိနေသည့်အခါဆိုလျှင် ဘာကြောင့် လင်းရွှမ် ဒေါသထွက်နေခဲ့မှန်း သူ ကိုယ်ချင်းစာသွားရ၏။

လင်းယောင်ယောင် ကိုကြည့်နေသော၊ရှောင်ချီ၏ မျက်လုံးများသည် ကောင်လေးတစ်ယောက်က သူ စိတ်ဝင်စားသော မိန်းကလေးကို ကြည့်တတ်သော အကြည့်နှင့် တူနေသည်ကို ဝေ့ယွမ် မြင်လိုက်ရသောကြောင့်  တမင်တကာ သူတို့နှစ်ယောက်ကြားမှာ ဖြတ်၍ ဝင်လိုက်ပြီး နေရာခြားထားလိုက်ခြင်းဖြစ်သည်။

ဝေ့ယွမ်သည် တမင်အာဏာလာပြနေသဖြင့် ရှောင်ချီ ဆက်နေ၍မဖြစ်တော့မှန်းသဘောပေါက်ကာ လင်းယောင်ယောင်ကို fly kissတစ်ချက်ပေးရင်း ပြောလိုက်သည်။

"ယောင်ယောင်လေး... ကိုယ်က မင်းရဲ့ ပထမဆုံး ‌ဖောက်သည် ဆိုတာကို သတိရနော်.... ဖြည့်စွက်စာတွေ လုပ်တဲ့အခါ ကိုယ့်ကို မေ့မထားနဲ့..."

ထို့နောက် သူသည် ချာကနဲ  လှည့်ထွက်သွားတော့သည်။

ဝေ့ယွမ် က တိတ်ဆိတ်နေပြီး အလိုမကျဟန် ဖြစ်နေ‌ေသာကြောင့် သူမနှင့် ရှောင်ချီ က ဘာမှမမပတ်သတ်ကြောင်း လင်းယောင်ယောင် ရှင်းပြခဲ့ရသည်။သူမသည် "ရှေးတရုတ်စားစရာအိမ်" ဆိုင်ကို အကြံပြုချက်များစွာပေးရန်အတွက် ရှောင်ချီကို စကားအနည်းငယ် ပြောခဲ့ခြင်းသာဖြစ်ပြီး သူမ ချက်ပြုတ်သော အစားအသောက်များကို မြည်းခိုင်းရန် သူ့ကို ဖောက်သည်ဖြစ်အောင် မိတ်ဖွဲ့ထားခြင်းသာဖြစ်သည်။ ထို့အပြင် ရှောင်ချီ သည် ရှောင်မိသားစုမှမဟုတ်တာကြောင့် ဤအဆင့်ဆိုလျှင် ရင်းနှီးဖို့ဖြစ်နိုင်သေးသည်ဟု ထင်မိသည်။