شرح شكل الاستراحه
قسم الرجال
تدخل من باب يجيك ممر طويل شوي مستطيل وفي النص على يسار مرايه كبيره بس مو على طول الممر كامل بس في نص الممر وكبيره شوي
وتدخلي يمين في ثلاث غرف مجلس الرجال وغرفه للعيال وغرفة كبيره فيها العاب مثل البلوت وسوني وفيها شاشه واشرط سي دي
وعلى الجهه الثانيه فيها حمامات وغرف
وبرا في حديقه تجنن وفي على اليمين موقف سيارات وعشان سياراتهم كثير البعض طح سيارته برا
نجي قسم الحريم
اول ما تدخل تلاقي صاله كبيره على اليمين غرفتين وكلها حق جلوس وفي النص في درج على فوق كله الي فوق غرف نوم وفيه ثلاث حمامات
وتحت في حمامات برضو في غرفة طعام وفي نفس غرفة الطعام في مطبخ يعني باب ثاني وتدخلي المطبخ
برا في مسبح وكرة سله وأنواع الألعاب
نكمل******
جلسن البنات يسولفن جت إيان وجلست معهن
بشرى:تقول بنات
البنات:هلا _هااا
بشرى :مين بتزوجني اخوها
ناظرو فيها وهي مبتسمه بعبط
شهد:ليش وش صار على حبيب القلب
بشرى بصوت باكي:تدري قبل شوي شفته ووقت شافني ما عبرني
درر:وخير وش ذا الحركات الا متى ناوي يخطبك
بشرى:قريب بس مدري اتوقع بعد زواج سعد وشذى
شهد:اجل وش تبين من اخواننا
بشرى:اشوف اذا احد تبيني
ناظرتها إيان:بس اذا قلت ل اياد لا تجي وتقولي كذابه
شهد:صدق قولي له
بشرى:والله لذبحك
شهد:تدرين عاد
بشرى:وشو
شهد :اياد رومنسي
ضحكت بشرى:ومرهههه
شهد:قهر معرف سعيد الحظ وش شخصيته
ضحكت درر:عاد ريان اخوي معروفه شخصيته
شهد:من زينه اخوك ذا
درر:ايي ذحين من زينه بعدين غمزت ونعمت صوتها حبيبي ريان
شهد:يععع وما لقيتي الا ريان
سلمى:وربي مزز
عهود:هين بقول لحمد
سلمى:حبيبتي تعالي عشان يذبحك اصلاً خلاص يبيك
عهود:اوههه ونتي وش فيك؟ لايكن شكلك مثل المسلسلات يجي البطل ويمسك البطله ويجلسو سنه يناظرو بعض اخرتها يصير شي
سلمى طنشتها ولاردتت
جلسن يسولفن مر الوقت وتعبت الصاله حريم
بدا الرقص وسوالف وضحك
طلعو البنات عند شذى دخلن جلست جنبها شهد وهي تهمس لها :وش فيك كذا ؟
شذى:متوتره مدري ليه
شهد:عادي تصير تعالي اضبط فستانك
هزت راسها شذى وقامت مع شهد لفت عليهم درر :وين ؟
شهد:بضبط فستانها بس
درر:طيب لا تتأخرين انتي وهي بتنزف بعد شوي
شهد وشذى:طيب_تمام
نزلن البنات لان بعد ما توقع شذى بتنزف قامت بشرى وسلمى ودرر يرقصن وشوي وقامن البنات
عند الرجال وصلوا وما كان الحضور كثير بس الاهل وكم صديق غالي وبس دخل الشيخ وبعد سوالف وقهوا بدا مراسم عقد النكاح مد الدفتر لسعد يوقع .وقع سعد وعطا الدفتر للشيخ
الشيخ:لازم توقيع البنت
قام أحمد:انا بروح لها
مد الدفتر الشيخ ل أحمد وراح أحمد عشان توقع شذى .دق الباب أحمد وطلعت له درر وهي مو منتبهه لفستانها ونسيت تلبس عبايتها :نعم ؟
جلس أحمد يناظرها وبتسم :هلا بالحب
انتبهت درر ورجعت ورا :عمى بعينك لا ولسى تناظر وش تبي ؟
أحمد:شوفي لي طريق بروح لشذى
درر:وش تبي فيها ؟
أحمد:ونتي وشو له اللقافه
درر:كذا وش تبي
أحمد:ابيها توقع بسرعه شوفي لي طريق العريس يستنى
درر :تعال مع باب المطبخ
أحمد :تمام
مشى وراح لمطبخ دخل وهو مستني درر
راحت درر تلبس عبايتها وطلعت لا أحمد
درر:تعال
مشى وراها وهو مبتسم مذكر شكلها في الفستان
دخل على شذى الي في الغرفه لحالها تفرك إيدها من التوتر
ضحك أحمد:حبيبتي اختي متوتره
شذى:أحمد خلاص ما بيه
أحمد:تعالي
قامت شذى ووقفت قدامه حضنها وباس راسها طلع الدفتر :يلا وقعي
شذى مسكت القلم بأيد راجعه:وين ؟
ضحك أحمد واشر بايده :هنا
وقعت وبتسم:مبروك ياعيوني الله يوفقك
شذى:الله يبارك فيك وعقبالك
ابتسم أحمد وغمز لها :يلا بعد زواجك ان شاءالله
بأس راسها وطلت براسها درر:هاه وقعت
ضحك أحمد:انتي لسى هنا اي وقعت
ضحكت درر وتقدمت تبعد أحمد وتضم شذى:يا عيوني مبروك والله
شذى:الله يبارك فيك وعقبالك
درر:لا تكفين فكيني
أحمد:وخير أن شاءالله ليش؟
درر:ونت وش دخلك خلاص اطلع
طلعت درر وزغرطت من فوق توصل لهم انا وقعت وخلاص صارت شذى زوجة سعد بن نايف
زغرطن الحريم ووصل صوتهن للرجال وبتسمو دخل أحمد بدفتر وهو مبتسم أعطاه الشيخ ولف على سعد يبارك له :مبروك والله يوفقكم وانتبه لها تراها اخت أحمد
ابتسم سعد:ابشر والله يبارك فيك وعقبالك
ضحك أحمد:امين قريب ان شاء الله
باركو لسعد ورقص وضحك .
وقفت قدام المرايه تضبط شكلها ولفت لشهد:كذا حلو
شهد:تجننين
مشت مع امها وأم سعد للدرج ونزلن وهي واقفه خلف الباب مستنيه زفتها تبدأ بدت الموسيقى تشتغل وبدت الكلمات انفتح الستار الي كان فكرت شهد ومشت على دق الموسيقى وكلمات الغنيه وقفت قدام الكوشه الي ضبطوه لها وقامن البنات يرقصن
