في وقت خروج باسل من بيت صديقه
كانت ميسم قد حاولت ايجاد خطه بديله للتخلص من أن يحاول باسل التقرب منها لان هذا من سابع المستحيل
اتصلت ب فاروق
ميسم مرحبا زوج اختي
فاروق اهلين اشذكرج بيه يا نسايه
ميسم تعرف اني ما احب اثكل على أحد المفروض اختي اتكلك بأني ادزلك سلام كل مره اخابره ابس انت صاير تكطع ومتسأل عن اختك الوكحه
فاروق لا لا تضلميني حتى اريد اباركلج نجاحج او حصولج على الاعفاء بكل الدروس ها يا شاطره طلعت اعرف اخبارج لو لا
واصلا جنا اختج و اني انفكر شنو انجيبلج هديه بهاي المناسبه بس تعرفين اختج صارت دعبله من الحمل و صايره ما اعرف ليش تخجل تطلع
ميسم اعرف و انت خوش اتريد اتضيع عليه هديتي
فاروق لا قررنا و بعد اخذ رائيج تعرفين بعد شهر تمتحن مي و اكيد راح تنجح وبهيج الاحتفال ايصير واحد
ميسم إنشاءالله بس يا ريت متولد خلال أيام الامتحان
فاروق لا الدكتوره صح خايفه انها تولد بلسابع بس مو اكيد
ميسم بس اني عمليه اريد اطلب منك هديه
فاروق يله اطلبي الي يعجبج
ميسم تعرف اني امخليتك للمهمات الصعبه وهسى اجى وكتها
شوف اعتقد بان باسل بدا ايشك بأني دا امثل عليه اريد بهاذي الأيام تبعده عن البيت تكدر اذا متكدر غلس عادي اني ادبرها
فاروق خلص اليوم مراح ايبات ابيته وراح أبعده عنكم كم يوم
ميسم بس ما اريد شغله بيها اذيه عليه
فاروق هاي شنو صايره اتخافين عليه
ميسم لا لا يمعود هاي شغله حتى بلحلم هم متصير بس الخاطر ابوه خطيه شايب و مراح يتحمل ايشوف ابنه الي بقاله يتأذى و تره هاي مرته مصيبه مثل بنتها
فاروق اي او ليش متحملها
ميسم رجل مريض و مجرد اتسلم عليه ترجعله روحه
وبعد فتره گانت ميسم بلغرفه اجاها عمها و دق الباب فتحت ميسم و جانت اول مره عمها يجيها الى غرفتها
ميسم اهلين عمي اتفضل طب
العم لا بنتي ابوج بره ايريد ايشوفج وخطيه حيل مستعجل و و ياه ابن عمج
ميسم عمي ممكن اطلب منك اتكوللهم اني طالعه
العم مو عيب اني بهذا العمر و اكذب
ميسم اسفه عمي بس ما اريد اشوف أبويه خلي ابن عمي عادي يجي احجي وياه بلغرفه
العم بنتي ليش دائما تعترضين على مرتي وبنتي من ميسمعن كلامي
ميسم خلص عمي جايه
طلعت أشرت إلى ابوها بايدها من بعيد عود سلمت عليه و راحت على ابن عمها وسلمو على بعض فرحت بشوفة امير
ميسم هاي شنو يا زعطوط كبران
امير اني زعطوط لعد انتي صايره عجوز
بس تره جذب صايره احلى من كبل
ميسم شنو جابك وي عمك بعد اشكد اشهر متفاركين تجيني ويه هذا
امير ابتسم شنو بعدج تكرهيه
ميسم عادي لا تهتم
امير لا بس اني اخذت املاكي منه وحبيت أراضيه من طلب اجي وياه اجيت
ابوها جان يتناقش وي عمها بمواضيع الشياب
ابوها ها يولي اتسلمين على ابوج من بعيد ليش بابا ما اشتاقيتيلي
عمها يمعود دزيتلنا مو ابنيه لأ ملاك الله يحفظها و يخليها
ابوها لمن هيجي ايحبج عمج ليش متخلينا احنا هم انحبج
ميسم بأنزعاج بشرني شنو طلاباتك
ابوها بنتي اخوج اتخبل ايحس بأنه دمرج لان ابسببه اتزوجتي و انتي بعدج الصغيره
عمها على كيفك ابو نعيم تره جنتي كافي عقلها الي يوزن بالذهب و ليش الصغيره اشو طول و جسم امبينه اكبر من اختها
ميسم اشبيه اخويه و ليش اتخبل
ابوها ما اريدج تنقهرين بس تره كطع الوريد مال أيده و هسه هو بلمستشفى وكلما انروح عليه يطردنا و ميريد ايشوف غيرج و حتى صاير يضرب رأسه بلحايط ايكول اموت روحي اذا ما اتشوفوني اختي بنتي تعالي باجر ويانا وبس خليه ايشوفج و لو دقايق حتى بلكت يهدأ
ميسم بابا عفيه ممكن تنسوني مثل ما اني نسيتكم عوفوني ابحالي
قبل دقائق كان باسل قد وصل لباب البيت و وجد احد زملاءه في العمل يقف في بابهم
باسل اهلين شنو السبب الي خلاك تجيني بهذا الوقت من الليل
الزميل اجيت اخذك وياي الاستاذ فاروق قرر ايدزك ايفاد كم يوم حتى انكمل بعض اشغال المكتب
باسل صدك هاي اول مره ايدزني كم مره طلبت بس ما جان يقبل شنو الي استجد وخلاه ايدزني ابدال صديقه
الزميل والله احنى هم جانت الشغله مفاجئه و. معرفنا سببها
وتدري حتى اشترالك ملابس و دزني حتى اخذك و رتب كل شيء
باسل عادي اجي بس ادخل الحمام واچي احاول ما اتأخر
الزميل اكيد اني راح انتظر بلسياره
دخل باسل للبيت في الوقت الي كانت ميسم اترد على ابوها وتكله انسوني
باسل حنى رأسه و حاول ايشوف الكاعدين بلاستقبال جانت ميسم منداره على ابوها التفتت على ابن عمها حيث شاهدها
باسل لك هاي هي نفس البنيه وجهه جان يضحك وعيونه تدمع ونفسه صار قوي رجع للوراء و صار وره عامود في البيت يبتسم بحركات فرحانه من شفاهه رفع أيده الحمد لله بصعوبه جلس على الأرض و هو ممصدك لك اشكد اني غبي روح كلبي ملكي و اني مثل الخبل اخاف اتعرف على زوجتي لان هذا معناه اني اخون حبيبتي رفع نفسه من على الأرض
واتجه إلى غرفتها
بدى يفتر بلغرفه اسمها ميسم و عنوانها غرفة نومي و ابوها اسمه ماجد و جان عدها عنوان و قبل فتره اتغير صار عنوانها اهنا صارت متزوجه ولك اني زوجها ميسم ما لتي خلص بعد ما اتعب نفسي وادور لان حياطين غرفتي هي مملكتنا اني الأسد و هي اللبوه ما لتي
خلص باسل صرت رجال متزوج وهذا فراش عرسك و مرتك ما كو احلى منها ومراح اتصير لغيري ميسم ما لتي اول مره اعرف بأن اسمها كلش حلو
وبقى اعرف ليش متريدني بس بلاول ياريت انام بهذا الفراش و اشم ريحتها
اتذكر بأنه لازم يخلص من الايفاد يحاول يتعرف على زوجته
طلع على زميله اسف اخي اكو مشكله كلش جبيره ابين افراد عائلتي و لازم احلها
راح الرجل
باسل دخل بسرعه و شاف ميسم منداره للوراء حيث شاف بس شعرها و هي اتكول لابوها
شوف اني ما اروح و هذا ابنك مااريد اعرف عنه شي
ابوها قرب حتى يضربها رادت تكمش أيده لاكن اكو ايد غلبتها و كمشت ايد ابوها
آخذة نظره بدون ما تندار لاحضت بأنه باسل نزلت راسها ركضت و طلعت من الغرفه
باسل اشلون ترفع ايدك على بنتك
ابوها ابكيفي لازم اربيها هاي بنتي
باسل جانت بنتك هسه هي مرتي فهمني شنو المشكله
ابوها فهما الي صار و بانها اعنوديه
باسل خلص ما دام متريد اتروح ابراحتها والي تأمركم بيه هو الي ايصير
من بعيد صاحت مرت أبوه
ابني مرتك متنجرع خليها اتروح ويه ابوها وطلكها وخلصنا منها
امير حضرتك باسل ما دام اكو مشاكل واكعه على رأس ميسم خلص هي متريد اتروح لبيت عمي اني عندي بيت ممكن تجي انت و ميسم اتعيشون بيه لان الي شفته امك متحبها بس ابوك بالعكس يحترمها و يحبها و اني المكان الي بيه واحد منزعج من اختي اريدها متبقى بيه
باسل انت ابن عمها مو
امير اي
باسل اشكرك على مقترحك بس اني موجود ميسم مرتي و صارت جزء من مسؤلياتي
أبوه ابني قنع مرتك خلي اتروح على اخوها
باسل ما دام ما عاجبها اتروح يعني عدها اسباب قويه
أمه هاي خوش عيني ابو باسل خايف على كاتل ابنك
باسل امي ارجوج سدي الموضوع
واسف عمي و ابن عم مرتي تكدرون اتروحون خلص ما كو قبول لطلبكم
الله و ياكم
كام ابوها و ابن عمها وصلهم باسل للباب الخارجي و بصوت منخفض كلم نفسه لك اني عندي زوجه بغرفتي مرتي
ميسم بعد هزيمتها من عندهم دخلت وقفلت الغرفه و حست بأن خلص انكشفت شاف شعرها و سمع صوتها شنو بقى بس وجها
باوعت على نفسها بلمرءاة غبيه صار اشكد امدبره نفسج شنو هذا الاخ ميخليني اخلص منه راح يبقى لعنه على راسي الله ياخذك الله ياخذك
رجعت فتحت باب الغرفه لان ممكن ميجي دخلت الحمام و حطت التشويه على وجهها سمعت باب الغرفه انفتح
ميسم جاك الموت يا تارك الصلاة
يارب انطيني من قوتك و ساندني مثل ما خليتني اخلص من اخويه خلصني من هذا الشخص بس ميشوفني اليوم وعد البس الحجاب
دق باب الحمام
ميسم عفوا منو قالتها بصعوبه
باسل اني
ميسم اكو شي تره اتأخر
باسل لابس حمامي دخل بيه ربيع وعبالي الكه هذا الحمام فارغ اسف
سمعت صوت الباب انفتح و انسد
ميسم يمكن خلصت فتحت الباب وسدته وراها انتبهت بأنه كاعد على الكرسي وحاط رجل على رجل وذاب ايديه على خلفية الكرسي
ميسم التفتت بسرعه الجهه الثانيه ورفعت اشويه راسها ليش ياربي ابشنو غلطت حتى اتعاقبني ابهاي الطريقه
باسل يله خلصتي لعب تعاي اكعدي اكبالي و فهميني ليش صارلج من وصلتي لهذا البيت وانتي حاطتني مضحكه شنو مشكلتج وياي
ميسم قوت نفسها التفتت شنو تقصد وعن يا مشكله تحجي
باسل كام من الكرسي و شال كوب ألمي الي يمه و راح عليها و هي بدت خطواتها ترجع للوراء حتى التسقت بلحايط كب ألمي على وجهها سحب الربطه وبدى يمسح وجها
ميسم دفعته انت شنو دتسوي وخر
باسل اكو اشويه وسخ حبيت آوخره من وجهج لان حرامات امغطي الكمر الي جواه و هسه شوفي اني اشكد طيب وخرته تره مو المفروض اني او خره لان اني ما اوسخ وجهج بالعكس اني انوره يله هسه اكعدي على الجربايه و بهدوء فهميني انت شنو مشكلتج ويايه و اني زوجج يعني من حقي اعرف كل اصغيره وجبيره تره خلص هذيج البنيه الي متلفض الاحرف او المنهزمه من زوجها
انت فاره و دخلت المصيده
كعدها على السرير و كمش جتفها حتي اتكعد
ميسم ضربت أيده و خرها لا تلمسني
باسل خلص لا تزهكين و سحب الكرسي وكعد بلعكس يعني تجوة الظهر صارت للامام و جلس و ايده على التجوه وجسمه أمام التجوه
باسل يله دا اسمع احجي كلي اذان صاغيه
أنت تقرأ
الأخ المتحرش
Tiểu Thuyết Chungانهامجموعة قصص عن المصائب التي تعانيهاالبنات في بيت واحد واصعبهامحاولات الاخ التحرش بأخته لانهاجميله وفوق كل هذاتدفع ثمن أخطاءالمجرم هذالان امهاتحب الاولاداكثرمن البنات
