بدأ الكل يجي ودخلت نجلاء مع بنتها اصايل انصدمت غدي وعقدت نورا حاجبها بصدمه ، كانت داخله بفستان ابيض طويل ، نورا : بجيحه !
غدي : امسكيني عليها لا اطردها
ضحكت نورا : تحسب على حركتها ذي بتهتم عذاري !
تنهدت غدي : خلينا نطلع نتصور مع عذاري ؟
نورا : يلا تمام
طلعت فوق وابتسموا لما شافوا جمان ، نورا : جمان تعالي معنا اتصوري
ابتسمت جمان : يلا جايه
دخلوا الغرفه على عذاري الي مع المصورة تصورها ، عذاري وهي تكلم المصوره : اصبري صوريني مع صحباتي
هزت راسها المصوره واجتمع الكل بجانب عذاري ، عذاري : وين ديم ؟
جمان : يوه تعبانه من دلع جننتها
ضحكت عذاري والتفت الكل لـ الكاميرا ، المصورة بعد ما صورتهم : الحين دور العريس ، تبين فيرست لوك ولا ؟
عذاري : مايحتاج
المصوره : طيب خلاص بس نادوه عشان نخلص وتنزلي للزفه بدري
اخذت جمان جوالها تتصل عليه ، فارس : هلا جمجم
جمان : فارس تعال اتصور مع عذاري
هز راسه : تمام جاي
قفلت جمان الجوال : جاي
هزت راسها عذاري وطلعوا البنات
'
ديم : لا دلع رح ينعدم فستانك !
دلع بملامح بريئه : ماما بليز مشتهيته
ضحكت ديم وفتحت لها التشوكليت : ما اقدر انا على الملامح البريئه ذي !
ضحكت دلع واخذ التشوكليت تاكلها ناظرت فيها ديم وضحكت ، مشت غدي تقعد مع ديم التفتت غدي لـ دلع : كيفك ياحلوه ؟
دلع بخجل : طيبه
غدي : وااي امووت اناا
ضحكت ديم : وهي شوي وتذوب من الخجل
غدي وهي مبتسمه : مرره
'
المصوره وهي تشرح لهم : قفلي بيدك زي كذا وبيني الخاتم وخليها بجانب يده
سوت عذاري الحركه وصورت المصوره الصور ، المصوره : خلصنا من كل شيء بس باقي نصور تفاصيل العريس
هز راسه لها وبدت تصوره قدام انظار عذاري
'
كان ياسر يرقص مع الرجال ومستمتع عكس اصيل الي تصرفاته غريبه و فيه شيء لكن مخبيه، وقف ياسر ومشى عند اصيل الي واضح من ملامحه فيه شيء ، قعد جنبه ونطق : اصيل !
كان اصيل سرحان لكن قطعه ياسر وهو يدق كتفه : هلا !
ياسر : شفيك اليوم مانك على بعضك !
اصيل بربكه : ولاشيء ولاشيء
ياسر : اصيل تحسبني غبي ما اعرفك قول !
اصيل : خلاص بعدين اقولك
ياسر : قل الحين !
اصيل وهو يلتفت لـ ياسر بغضب : قلت لك بعدين لا تضغط علي
انذهل ياسر من حركاته : طيب
مشى ياسر يتركه ومعالم الغضب واضحه عليه ، كان بيوقف عند الباب ينادي وحده من البنات لكن شاف فارس ، فارس وهو مبتسم : على وين ؟
ياسر بابتسامه : ابي وحده من البنات
فارس : شفتهم كلهم مب فاضين ، تعال بسولف معك شوي
ياسر : ما ارد لك طلب
ابتسم فارس ومشى مع ياسر يسولفون ، فارس : وكيف عرفتهم ؟
سكت ياسر ثم نطق : ابوهم وابوي اصحاب
فارس : ماشاءالله يالصدف ، طيب ابوك وين ؟
ياسر وهو يحاول يخفي حزنه : تزوج وسافر
سكت فارس من حس انه جاب العيد ، ونطق يغير الموضوع : وكيف خويكم الثاني الي ما اشوفه
ياسر بتسليك : تمام الحمدلله
فارس : اسمه اصيل صح ؟
ياسر : اي
