بسم الله الرحمن الرحيم
لا تنسون تدعموني بالنجمه
جميله: يا راكان ماله داعي!
راكان باصرار ووضحت العصبيه في نبرت صوته: جميله! افتحي مكالمه فيديو خليني اشوف! لا تخليني اعيد الرمسه!
نفذت جميله كلامه وعيونها حمره بسبب نبرته وبسبب كل الي صار معاها وقالت وهي تثبت الفون: ارتحت الحين؟
بعد راكان الفون وهو يشوفها ويشوف عيونها بس تغاضى عن الموضوع وقال: ارفعي يدج خليني اشوفها؟
رفعت جميله ايدها وقربتها من الفون وقالت: ارتحت؟؟
قرب سليمان وقال: شوف ريلها بعد
التفتت جميله له وقالت: روح شوف اخوانج يا سليمان!
ورفعت له حاجبها وعرف انها عصبت منه وطلع من المطبخ وقالت وهي تشوف راكان: لا تقول انج بتخليني اراويك ريلي بعد؟
راكان كانت عيونه على شيء ثاني وقال: جميله منو موجود عند في المطبخ؟
التفتت جميله تشوف اذا في احد أو لا وقالت: راكان غربلتني ترى!...انت تشوف شيء انا ما اشوفه وله كيف الموضوع؟ يدي ويدتي في العريش مع فيصل بعد... تعال ليش تسأل؟
قرب راكان من الفون وهو حاس ان في احد يتحرك عند باب المطبخ الخارجي وقال: شوفي منو الفار اللي يتسمع علينا؟
رفعت جميله فونها وقالت: اي فأر يا راكان؟
وقفها صوت فيصل الي طلعو اليهال يلعبون معاه وقال: ماشاء الله على الحماس... تعرفون تركبون على الاحصنه؟
هزت عقد راسها وقالت: انا اعرف لان في وحده اسمها... اتوقع عنود؟العنود؟
وكانت تشوف اخوها سليمان واللي هز راسه وقال: صح خالتي عنود و جود علمونا
وطلع راكان الي كان يشوف جميله وين وقال له فيصل وهو يرفعه: تبيها؟
طلعت جميله من قال فيصل كلمته وقالت وهي مبتسمه لهم: تخيلو ارمس منو!!
وكانت مغطيه الفون عنهم وقال سليمان: راكان
نقزت عقد في مكانها وهي تصفق بيدها وقالت: راكاني راكاني
وصلهم صوته وهو يضحك على عقد بنت أحلام وقال: وينها حبيبه راكان؟وينها؟ جميله عطيهم الفون
عطتهم جميله فونها وقالت: لا تروحون بعيد لاني ابيه، ومشت شوي عشان توصل للعريش اللي للحين جالسين فيه وقالت لهم بعد ما سكتو لما قربت: يبه... تبون قهوه وله اخلص العشاء؟
الجد سيف: هلا يا يبه... جهزي القهوه ولا تحسبين حسابنا لاننا تعبانين وبعد شوي بنرقد
وقفت ناديه وبعدها نوف وقالت ناديه وهي تشوف جميله وقربت منها وهي تمسح على وجها وتشوف ايدها ورجلها: يمه جميله انتي بخير صح؟
أنت تقرأ
ياأجمل روايات هالدنيا ابشكي لك
Tiểu Thuyết Chungاول روايه لي كمبتداء اتمنى تدعموني في يوم ميلادها ال20 واثناء نزولها من الدرج تسمع جدتها تتكلم مع أحد عن موضوع يخصها هذا انت.. وأنا اقول منو إلي مسكر علي؟ شوي شوي بسم الله... الناس تقول صباح الخير أول؟ يا بنتي ابي اكلمج بموضوع خاص ما اقدر الحين أبو...
