|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
غزل
باوع علي ابنسم بخفة وگال بخفة: اخوها
كلهم بنفس اللحظة نطقوا بنفس الكلمة: منوو
اسمع اصوات باذني بس احسهن ما مفهومات صوت فراغ بداخلي سكون تام احس الوقت توقف بهاللحظة اريد انطق ما اگدر حتى جسمي ما اگدر احركة احس كل جسمي وحواسي خدرن اني شنو السمعتة توا اخوها شنو اخوها واني اخواني توفو قبل 15 سنة شنو هذا جاي يضحك علينا
اتقرب مني باس راسي وگال بابتسامة: اخوها الي ما يسمح لشعرة تمسها باي شكل
اريد بهاللحظة واحد ينطق بدالي ويگول انت منو اريد واحد يضربني راجدي ويگعدني من هالحلم اني،اريد واحد بهاللحظة يگولي غزل ترا كلشي ما صار بس هاي تخيلاتج
رجفن شفايفي واني: اگول انـ...... انـ.. انت منو
لمني لحضنة وگال بصوت هامس مسموع فقط الي : اني اسمر يا روح اسمر وگلبة
_اسمر؟!
_اي اسمر يا روحي
_بس.... بس اسم مات قبل 15 سنة هو واحمد وعافوني وحدي لا تجذب لا تجذب
_اني اسمر يا بعد گلبي باعيلي ذني عيوني الي بيوم ما عافنج وحدج وما نامن قبل ما يشوفنج
رفعت راسي وباوعت عليه بنظرات واحد ما يعرف شيصير وياه نظرات واحد جان فاقد ذاكرتة ورجعوها بضربة على راسة
شفت نفس العيون الجنت من صغيرة احس يمهن بالحنية والامان الي بدون كلام وبس اباوع عليهن يغمرني شعور الراحة
_بس..... بس شلون
_بعدين يروحي بعدين احجيلج كلشي
_لا تعوفني لا تعوفني ما اريد اگعد من هالحلم وترجع تختفي
_ما عفتج ابد ولا راح اعوفج ياگلبي
اتقرب عليه عمي ابو علي وگف گدامنا وعبالك عيونة مليانات حجي
راسا الاسمة اخوية رفع ايدة سلم عليه وگال: السلام عليكم شلونك عمي
_وعليكم السلام الحمدلله انت شلونك ابني
_الحمدلله
_اعذرني بوية ما گدرت اصون امانتك وقصرت بحفظها
_لا عمي لا تحجي هيج انت ما قصرت ولو شوية بالعكس كفيت ووفيت ومعروفك هذا ما راح انساه ابد وان شاءلله اردة الك بيوم بس انت الوگفت وياي من خذلوني ناسي وهلي
