بسم الله الرحمن الرحيم
قبل البدء طيبوا افواهئكم بالصلاه على محمد وعلى آله الطيبين الطاهرين وعجل لوليه الفرج.
سبحان الله
الحمد الله
استغفر الله
الله اكبر.
ــــــــــــــــــــــــــــــــــــــــ
روايه بين فنايا الظلمات
الكاتبه: انستازيا العراقيه
البارت: 22.
..............................
:محد شافني يدليني وين انه
العمر ضل بي عمر لو كافي لهنانه؟؟؟
°°°°°°°°°°°°°°° ✨♥
هاجر:.
كاعده بغرفتي اشتغل بابا ساحلني سحل بالشغل انه المشرفه على شغل المعمل انه اتواصل ويه العملاء والمستثمرين والشركاء الميناء الزم شغله هم.
مااعرف ليلي من نهاري امين ببغداد صارله كم يوم يم هلال و حسين ملتهي بسمر حامل و فؤاد التحق و علي يوم ويانا يوم علينا.
خالد مُخلد بلندن ما يرضى يجي وحرفيا فتره ضغط مو طبيعيه عليه انه و عبدالله ابن اخوي.
البيت صاير ضيمم ابوي معصب دائما و لؤلؤه زوجه ابوي دومها ضايجه على خالد لان ما يجي هاجرنا و مشاكل سمر و شيماء ما تخلص. عبد الله مثل جهنم دومه معصب وواگف لابوه على الشعره..
عبد الله و حسين راحوا زياره همه وعلي يومين ويجون بقينا بالبيت بس الحريم وبابا ويانا.
اسمع عياط عالي من غرفه سمر رحت ركض اشوف شكو شصاير.
دفرت الباب ودخلت شفتها طايحه بباب الحمام وبطنها لحلگها واصله وبادي الطلگ عدها اجت امي تركض و لؤلؤه تلطم و تدعي وتحجي بالانكليزي مافهمت منها شىء هرتنا هريي.
رحت ركض بابا طالع بالمعمل رحت اركض لبيت محمد دكيت الباب طلعلي اخوه كتلها يصيحه اجه محمد يركض.
محمد: خير هاجر شصاير؟؟؟
هاجر: محمد سمر الچلبه تطلگ.
محمد: مضيعه العنوان اني مو قابله.
هاجر: محمدددددددددددد !!!!!!
محمد: بس خل ابدل واجيكم.
رجعت للبيت اركض لبستها عبايه و اخذت جنطه البيبي ودشداشه الها اخابر على حسين ما يرد اخابر بابا ينطيني رفض امين ما يجاوب حاگرني اتصلت على هلال جهازها مغلق كلهم مره وحده ما يجاوبون.
شيماء: خاب ولعباس وجهج فگر شوفي بطلگج محد موجود فگرتيهم كلهم طاروا بححح.
سمر: ولج العجيززز الخايسهه اخخخ اهه ربييي يماااا راح اموتتتت الحگولي.
نرجس: من عساج بالمرض.
سمر: بعضام امجججج ولكم اخخخ بطني راح اموتتتت.
أنت تقرأ
بين فنايا الظلمات
أدب نسائيبين فنايا الظلمات بين فنايا ظلمات الحياة ولوعات القلب وامواج الحياة ورياحها التي تعصف بينا الى حيث لا نريد والعاب القدر تلك الحياة الظالمه التي تختار الفقير والمسكين لتذوقهة من كأس الغدر والخيانه والحزن وتشبعة الهموم وتغنيه بالحزن والالم وتسلط عليه...
